เตหิ สมฺมเตหิ ภิกฺขูหิ ตตฺถ คนฺตฺวา วิหารวตฺถุํ
โอโลเกตพฺพํ ฯ✎ ร่าง
Tehi sammatehi bhikkhūhi tattha gantvā vihāravatthu oloketabbaṁ;
อ้างอิงสยามรัฐ 1.360 · ฉัฏฐสังคายนา 87.245
สารมฺภํ อนารมฺภํ สปริกฺกมนํ อปริกฺกมนํ ชานิตพฺพํ ฯ✎ ร่าง
sārambhaṁ anārambhaṁ saparikkamanaṁ aparikkamanaṁ jānitabbaṁ.
สเจ สารมฺภํ โหติ อปริกฺกมนํ✎ ร่าง
Sace sārambhaṁ hoti aparikkamanaṁ,
มายิธ กรีติ วตฺตพฺโพ ฯ✎ ร่าง
“māyidha karī”ti vattabbo.
สเจ อนารมฺภํ โหติ สปริกฺกมนํ สงฺฆสฺส อาโรเจตพฺพํ✎ ร่าง
Sace anārambhaṁ hoti saparikkamanaṁ, saṅghassa ārocetabbaṁ—
อนารมฺภํ
สปริกฺกมนนฺติ ฯ✎ ร่าง
“anārambhaṁ saparikkamanan”ti.
เตน วิหารการเกน ภิกฺขุนา สงฺฆํ อุปสงฺกมิตฺวา
เอกํสํ อุตฺตราสงฺคํ กริตฺวา วุฑฺฒานํ ภิกฺขูนํ ปาเท วนฺทิตฺวา อุกฺกุฏิกํ
นิสีทิตฺวา อญฺชลึ ปคฺคเหตฺวา เอวมสฺส วจนีโย✎ ร่าง
Tena vihārakārakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
อหํ ภนฺเต มหลฺลกํ
วิหารํ กตฺตุกาโม สสฺสามิกํ อตฺตุทฺเทสํ✎ ร่าง
“ahaṁ, bhante, mahallakaṁ vihāraṁ kattukāmo sassāmikaṁ attuddesaṁ.
โสหํ ภนฺเต สงฺฆํ วิหาร-
วตฺถุเทสนํ ยาจามีติ ฯ✎ ร่าง
Sohaṁ, bhante, saṅghaṁ vihāravatthudesanaṁ yācāmī”ti.
ทุติยมฺปิ ยาจิตพฺพา✎ ร่าง
Dutiyampi yācitabbā.
ตติยมฺปิ ยาจิตพฺพา ฯ✎ ร่าง
Tatiyampi yācitabbā.
พฺยตฺเตน ภิกฺขุนา ปฏิพเลน สงฺโฆ ญาเปตพฺโพ✎ ร่าง
Byattena bhikkhunā paṭibalena saṅgho ñāpetabbo—
สุณาตุ เม ภนฺเต สงฺโฆ✎ ร่าง
“Suṇātu me, bhante, saṅgho.
อยํ อิตฺถนฺนาโม ภิกฺขุ มหลฺลกํ
วิหารํ กตฺตุกาโม สสฺสามิกํ อตฺตุทฺเทสํ✎ ร่าง
Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ.
โส สงฺฆํ วิหารวตฺถุเทสนํ
ยาจติ ฯ✎ ร่าง
So saṅghaṁ vihāravatthudesanaṁ yācati.
ยทิ สงฺฆสฺส ปตฺตกลฺลํ สงฺโฆ อิตฺถนฺนามสฺส ภิกฺขุโน
วิหารวตฺถุํ เทเสยฺย ฯ✎ ร่าง
Yadi saṅghassa pattakallaṁ, saṅgho itthannāmassa bhikkhuno vihāravatthuṁ deseyya.
เอสา ญตฺติ ฯ✎ ร่าง
Esā ñatti.
สุณาตุ เม ภนฺเต สงฺโฆ✎ ร่าง
Suṇātu me, bhante, saṅgho.
อยํ อิตฺถนฺนาโม ภิกฺขุ มหลฺลกํ
วิหารํ กตฺตุกาโม สสฺสามิกํ อตฺตุทฺเทสํ✎ ร่าง
Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ.
โส สงฺฆํ วิหารวตฺถุเทสนํ
ยาจติ ฯ✎ ร่าง
So saṅghaṁ vihāravatthudesanaṁ yācati.
สงฺโฆ อิตฺถนฺนามสฺส ภิกฺขุโน วิหารวตฺถุํ เทเสติ ฯ✎ ร่าง
Saṅgho itthannāmassa bhikkhuno vihāravatthuṁ deseti.
ยสฺสายสฺมโต
ขมติ อิตฺถนฺนามสฺส ภิกฺขุโน วิหารวตฺถุเทสนา โส ตุณฺหสฺส✎ ร่าง
Yassāyasmato khamati itthannāmassa bhikkhuno vihāravatthussa desanā, so tuṇhassa;
ยสฺส
นกฺขมติ โส ภาเสยฺย ฯ✎ ร่าง
yassa nakkhamati, so bhāseyya.
เทสิตํ สงฺเฆน อิตฺถนฺนามสฺส ภิกฺขุโน วิหารวตฺถุํ ฯ✎ ร่าง
Desitaṁ saṅghena itthannāmassa bhikkhuno vihāravatthu.
ขมติ สงฺฆสฺส ตสฺมา ตุณฺหี ฯ✎ ร่าง
Khamati saṅghassa, tasmā tuṇhī,
เอวเมตํ ธารยามีติ ฯ✎ ร่าง
evametaṁ dhārayāmī”ti.