เตน สมเยน พุทฺโธ ภควา สาวตฺถิยํ วิหรติ เชตวเน
อนาถปิณฺฑิกสฺส อาราเม ฯ✎ ร่าง
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
อ้างอิงสยามรัฐ 2.478 · ฉัฏฐสังคายนา 88.207
เตน โข ปน สมเยน สาวตฺถิยํ
อญฺญตรสฺส ปูคสฺส สงฺฆสฺส สจีวรภตฺตํ ปฏิยตฺตํ โหติ✎ ร่าง
Tena kho pana samayena sāvatthiyaṁ aññatarassa pūgassa saṅghassa sacīvarabhattaṁ paṭiyattaṁ hoti—
โภเชตฺวา
จีวเรน อจฺฉาเทสฺสามาติ ฯ✎ ร่าง
“bhojetvā cīvarena acchādessāmā”ti.
อถโข ฉพฺพคฺคิยา ภิกฺขู เยน โส
ปูโค เตนุปสงฺกมึสุ✎ ร่าง
Atha kho chabbaggiyā bhikkhū yena so pūgo tenupasaṅkamiṁsu;
อุปสงฺกมิตฺวา ตํ ปูคํ เอตทโวจุํ✎ ร่าง
upasaṅkamitvā taṁ pūgaṁ etadavocuṁ—
เทถาวุโส
อิมานิ จีวรานิ อิเมสํ ภิกฺขูนนฺติ ฯ✎ ร่าง
“dethāvuso, imāni cīvarāni imesaṁ bhikkhūnan”ti.
น มยํ ภนฺเต ทสฺสาม✎ ร่าง
“Na mayaṁ, bhante, dassāma.
อมฺหากํ
สงฺฆสฺส อนุวสฺสํ สจีวรภิกฺขา ปญฺญตฺตาติ ฯ✎ ร่าง
Amhākaṁ saṅghassa anuvassaṁ sacīvarabhikkhā paññattā”ti.
พหู อาวุโส สงฺฆสฺส
ทายกา พหู สงฺฆสฺส ภตฺตา✎ ร่าง
“Bahū, āvuso, saṅghassa dāyakā, bahū saṅghassa bhattā.
อิเม ตุเมฺห นิสฺสาย ตุเมฺห
สมฺปสฺสนฺตา อิธ วิหรนฺติ✎ ร่าง
Ime tumhe nissāya tumhe sampassantā idha viharanti.
ตุเมฺห เจ อิเมสํ น ทสฺสถ อถ
โกจรหิ อิเมสํ ทสฺสติ✎ ร่าง
Tumhe ce imesaṁ na dassatha, atha ko carahi imesaṁ dassati?
อ้างอิงPTS 4.156
เทถาวุโส อิมานิ จีวรานิ อิเมสํ ภิกฺขูนนฺติ ฯ✎ ร่าง
Dethāvuso, imāni cīvarāni imesaṁ bhikkhūnan”ti.
อถโข โส ปูโค ฉพฺพคฺคิเยหิ ภิกฺขูหิ นิปฺปีฬิยมาโน
ยถาปฏิยตฺตํ จีวรํ ฉพฺพคฺคิยานํ ภิกฺขูนํ ทตฺวา สงฺฆํ ภตฺเตน ปริวิสิ ฯ✎ ร่าง
Atha kho so pūgo chabbaggiyehi bhikkhūhi nippīḷiyamāno yathāpaṭiyattaṁ cīvaraṁ chabbaggiyānaṁ bhikkhūnaṁ datvā saṅghaṁ bhattena parivisi.
เย เต ภิกฺขู ชานนฺติ สงฺฆสฺส สจีวรภตฺตํ ปฏิยตฺตํ น จ ชานนฺติ
ฉพฺพคฺคิยานํ ภิกฺขูนํ ทินฺนนฺติ เต เอวมาหํสุ✎ ร่าง
Ye te bhikkhū jānanti saṅghassa sacīvarabhattaṁ paṭiyattaṁ “na ca jānanti chabbaggiyānaṁ bhikkhūnaṁ dinnan”ti te evamāhaṁsu—
โอโณเชถ อาวุโส
สงฺฆสฺส จีวรนฺติ ฯ✎ ร่าง
“oṇojethāvuso, saṅghassa cīvaran”ti.
นตฺถิ ภนฺเต✎ ร่าง
“Natthi, bhante.
ยถาปฏิยตฺตํ จีวรํ อยฺยา
ฉพฺพคฺคิยา อยฺยานํ ฉพฺพคฺคิยานํ ปริณาเมนฺตีติ ฯ เย เต
ภิกฺขู อปฺปิจฺฉา ฯเปฯ เต อุชฺฌายนฺติ ขียนฺติ วิปาเจนฺติ✎ ร่าง
Yathāpaṭiyattaṁ cīvaraṁ ayyā chabbaggiyā ayyānaṁ chabbaggiyānaṁ pariṇāmesun”ti.
กถํ หิ
นาม ฉพฺพคฺคิยา ภิกฺขู ชานํ สงฺฆิกํ ลาภํ ปริณตํ ปุคฺคลสฺส
ปริณาเมสฺสนฺตีติ ฯเปฯ✎ ร่าง
“kathañhi nāma chabbaggiyā bhikkhū jānaṁ saṅghikaṁ lābhaṁ pariṇataṁ puggalassa pariṇāmessantī”ti …pe…
สจฺจํ กิร ตุเมฺห ภิกฺขเว ชานํ สงฺฆิกํ
ลาภํ ปริณตํ ปุคฺคลสฺส ปริณาเมถาติ ฯ✎ ร่าง
“saccaṁ kira tumhe, bhikkhave, jānaṁ saṅghikaṁ lābhaṁ pariṇataṁ puggalassa pariṇāmethā”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ
พุทฺโธ ภควา✎ ร่าง
Vigarahi buddho bhagavā …pe…
กถํ หิ นาม ตุเมฺห โมฆปุริสา ชานํ สงฺฆิกํ ลาภํ
ปริณตํ ปุคฺคลสฺส ปริณาเมสฺสถ✎ ร่าง
kathañhi nāma tumhe, moghapurisā, jānaṁ saṅghikaṁ lābhaṁ pariṇataṁ puggalassa pariṇāmessatha.
เนตํ โมฆปุริสา อปฺปสนฺนานํ
วา ปสาทาย ปสนฺนานํ วา ภิยฺโยภาวาย ฯเปฯ✎ ร่าง
Netaṁ, moghapurisā, appasannānaṁ vā pasādāya …pe…
เอวญฺจ ปน
ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana, bhikkhave, imaṁ sikkhāpadaṁ uddiseyyātha—
โย ปน ภิกฺขุ ชานํ สงฺฆิกํ ลาภํ ปริณตํ ปุคฺคลสฺส
ปริณาเมยฺย ปาจิตฺติยนฺติ ฯ✎ ร่าง
“Yo pana bhikkhu jānaṁ saṅghikaṁ lābhaṁ pariṇataṁ puggalassa pariṇāmeyya, pācittiyan”ti.