เนื้อความทั้งข้อ
[๒๓๗] สมัยนั้น วิหารยังไม่มีเครื่องล้อม ... ตรัสว่า ดูกรภิกษุ
ทั้งหลาย เราอนุญาตให้ล้อมด้วยเครื่องล้อม ๓ อย่าง คือ อิฐ ศิลา ไม้ ซุ้ม
ประตูยังไม่มี ... ตรัสว่า ดูกรภิกษุทั้งหลาย เราอนุญาตซุ้มประตู ซุ้มประตูมีพื้น
ต่ำไป น้ำท่วมได้ ... ตรัสว่า ดูกรภิกษุทั้งหลาย เราอนุญาตให้ถมให้สูง ซุ้ม
ประตูไม่มีบาน ... ตรัสว่า ดูกรภิกษุทั้งหลาย เราอนุญาตบานประตู กรอบ
เช็ดหน้า ครกรองรับเดือยประตู ห่วงข้างบน สายยู ไม้หัวลิง ลิ่ม กลอน
ช่องดาล ช่องเชือกชัก เชือกชัก ผงหญ้าที่มุงซุ้มประตูตกเกลื่อน ... ตรัสว่า
ดูกรภิกษุทั้งหลาย เราอนุญาตให้รื้อลง ฉาบทั้งข้างบนข้างล่าง ให้มีสีขาว สีดำ
สีเหลือง มีลายดอกไม้ เครือเถา ฟันมังกร ดอกจอกห้ากลีบ ฯ
เตน โข ปน สมเยน วิหารา อปริกฺขิตฺตา โหนฺติ
ฯ✎ ร่าง
Tena kho pana samayena vihārā aparikkhittā honti.
อ้างอิงสยามรัฐ 7.100
เปฯ✎ ร่าง
Bhagavato etamatthaṁ ārocesuṁ.
อนุชานามิ ภิกฺขเว ปริกฺขิปิตุํ ตโย ปากาเร✎ ร่าง
“Anujānāmi, bhikkhave, parikkhipituṁ tayo pākāre—
อิฏฺฐกาปาการํ
สิลาปาการํ ทารุปาการนฺติ ฯ✎ ร่าง
iṭṭhakāpākāraṁ, silāpākāraṁ, dārupākāran”ti.
โกฏฺฐโก น โหติ ฯเปฯ✎ ร่าง
Koṭṭhako na hoti …pe…
อนุชานามิ
ภิกฺขเว โกฏฺฐกนฺติ ฯ✎ ร่าง
“anujānāmi, bhikkhave, koṭṭhakan”ti.
โกฏฺฐโก นีจวตฺถุโก โหติ ฯ อุทเกน โอตฺถริยติ
ฯเปฯ✎ ร่าง
Koṭṭhako nīcavatthuko hoti, udakena otthariyyati …pe…
อนุชานามิ ภิกฺขเว อุจฺจวตฺถุกํ กาตุนฺติ ฯ✎ ร่าง
“anujānāmi, bhikkhave, uccavatthukaṁ kātun”ti.
โกฏฺฐกสฺส กวาฏํ
น โหติ ฯเปฯ✎ ร่าง
Koṭṭhakassa kavāṭaṁ na hoti …pe…
อนุชานามิ ภิกฺขเว กวาฏํ ปิฏฺฐสงฺฆาฏํ อุทุกฺขลิกํ
อุตฺตรปาสกํ อคฺคฬวฏฺฏึ กปิสีสกํ สูจิกํ ฆฏิกํ ตาลจฺฉิทฺทํ
อาวิญฺฉนจฺฉิทฺทํ อาวิญฺฉนรชฺชุนฺติ ฯ✎ ร่าง
“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanacchiddaṁ āviñchanarajjun”ti.
โกฏฺฐเก ๑- ติณจุณฺณํ
ปริปตติ ฯเปฯ✎ ร่าง
Koṭṭhake tiṇacuṇṇaṁ paripatati …pe…
อนุชานามิ ภิกฺขเว โอคุมฺเพตฺวา อุลฺลิตฺตาวลิตฺตํ
กาตุํ✎ ร่าง
“anujānāmi, bhikkhave, ogumphetvā ullittāvalittaṁ kātuṁ—
เสตวณฺณํ กาฬวณฺณํ เครุกปริกมฺมํ มาลากมฺมํ ลตากมฺมํ
มกรทนฺตกํ ปญฺจปฏิกนฺติ ฯ✎ ร่าง
setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikan”ti.