ฉฏฺเฐน อาปตฺติสมุฏฺฐาเนน กติ อาปตฺติโย อาปชฺชติ ฯ✎ ร่าง
Chaṭṭhena āpattisamuṭṭhānena kati āpattiyo āpajjati?
อ้างอิงPTS 5.97 · ฉัฏฐสังคายนา 91.198
ฉฏฺเฐน อาปตฺติสมุฏฺฐาเนน ฉ อาปตฺติโย อาปชฺชติ✎ ร่าง
Chaṭṭhena āpattisamuṭṭhānena cha āpattiyo āpajjati—
ภิกฺขุ สํวิทหิตฺวา
ภณฺฑํ อวหรติ อาปตฺติ ปาราชิกสฺส ฯ✎ ร่าง
bhikkhu saṁvidahitvā bhaṇḍaṁ avaharati, āpatti pārājikassa;
ภิกฺขุ อกปฺปิยสญฺญี สํวิทหิตฺวา
กุฏึ กโรติ อเทสิตวตฺถุกํ ปมาณาติกฺกนฺตํ สารมฺภํ อปริกฺกมนํ ปโยเค
ทุกฺกฏํ✎ ร่าง
bhikkhu akappiyasaññī saṁvidahitvā kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ;
เอกปิณฺเฑ อนาคเต อาปตฺติ ถุลฺลจฺจยสฺส✎ ร่าง
ekaṁ piṇḍaṁ anāgate āpatti thullaccayassa;
ตสฺมึ ปิณฺเฑ อาคเต
อาปตฺติ สงฺฆาทิเสสสฺส ฯ✎ ร่าง
tasmiṁ piṇḍe āgate, āpatti saṅghādisesassa.
ภิกฺขุ อกปฺปิยสญฺญี ปณีตโภชนานิ อตฺตโน
อตฺถาย วิญฺญาเปตฺวา ภุญฺชติ อาปตฺติ ปาจิตฺติยสฺส ฯ✎ ร่าง
Bhikkhu akappiyasaññī paṇītabhojanāni attano atthāya viññāpetvā bhuñjati, āpatti pācittiyassa.
ภิกฺขุ
อกปฺปิยสญฺญี ภิกฺขุนิยา โวสาสนฺติยา น นิวาเรตฺวา ภุญฺชติ
อาปตฺติ ปาฏิเทสนียสฺส ฯ✎ ร่าง
Bhikkhu akappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa—
ฉฏฺเฐน อาปตฺติสมุฏฺฐาเนน อิมา ฉ
อาปตฺติโย อาปชฺชติ ฯ✎ ร่าง
chaṭṭhena āpattisamuṭṭhānena imā cha āpattiyo āpajjati.
ตา อาปตฺติโย จตุนฺนํ วิปตฺตีนํ กติ วิปตฺติโย
ภชนฺติ ฯ✎ ร่าง
Tā āpattiyo catunnaṁ vipattīnaṁ kati vipattiyo bhajanti?
อ้างอิงสยามรัฐ 8.249
สตฺตนฺนํ อาปตฺติกฺขนฺธานํ กตีหิ อาปตฺติกฺขนฺเธหิ
สงฺคหิตา ฯ✎ ร่าง
Sattannaṁ āpattikkhandhānaṁ katihi āpattikkhandhehi saṅgahitā?
ฉนฺนํ อาปตฺติสมุฏฺฐานานํ กตีหิ สมุฏฺฐาเนหิ สมุฏฺฐหนฺติ ฯ✎ ร่าง
Channaṁ āpattisamuṭṭhānānaṁ katihi āpattisamuṭṭhānehi samuṭṭhanti?
จตุนฺนํ อธิกรณานํ กตมํ อธิกรณํ ฯ✎ ร่าง
Catunnaṁ adhikaraṇānaṁ katamaṁ adhikaraṇaṁ?
สตฺตนฺนํ สมถานํ กตีหิ สมเถหิ
สมฺมนฺติ ฯ✎ ร่าง
Sattannaṁ samathānaṁ katihi samathehi sammanti?
ตา อาปตฺติโย จตุนฺนํ วิปตฺตีนํ เทฺว วิปตฺติโย ภชนฺติ✎ ร่าง
Tā āpattiyo catunnaṁ vipattīnaṁ dve vipattiyo bhajanti—
สิยา สีลวิปตฺตึ สิยา อาจารวิปตฺตึ ฯ✎ ร่าง
siyā sīlavipattiṁ, siyā ācāravipattiṁ.
สตฺตนฺนํ อาปตฺติกฺขนฺธานํ
ฉหิ อาปตฺติกฺขนฺเธหิ สงฺคหิตา✎ ร่าง
Sattannaṁ āpattikkhandhānaṁ chahi āpattikkhandhehi saṅgahitā—
สิยา ปาราชิกาปตฺติกฺขนฺเธน
สิยา สงฺฆาทิเสสาปตฺติกฺขนฺเธน สิยา ถุลฺลจฺจยาปตฺติกฺขนฺเธน
สิยา ปาจิตฺติยาปตฺติกฺขนฺเธน สิยา ปาฏิเทสนียาปตฺติกฺขนฺเธน
สิยา ทุกฺกฏาปตฺติกฺขนฺเธน ฯ✎ ร่าง
siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
ฉนฺนํ อาปตฺติสมุฏฺฐานานํ เอเกน
สมุฏฺฐาเนน สมุฏฺฐหนฺติ✎ ร่าง
Channaṁ āpattisamuṭṭhānānaṁ ekena samuṭṭhānena samuṭṭhanti—
กายโต จ วาจโต จ จิตฺตโต จ
สมุฏฺฐหนฺติ ฯ✎ ร่าง
kāyato ca vācato ca cittato ca samuṭṭhanti.
จตุนฺนํ อธิกรณานํ อาปตฺตาธิกรณํ ฯ✎ ร่าง
Catunnaṁ adhikaraṇānaṁ, āpattādhikaraṇaṁ.
สตฺตนฺนํ
สมถานํ ตีหิ สมเถหิ สมฺมนฺติ✎ ร่าง
Sattannaṁ samathānaṁ tīhi samathehi sammanti—
สิยา สมฺมุขาวินเยน จ ปฏิญฺญาตกรเณน
จ สิยา สมฺมุขาวินเยน จ ติณวตฺถารเกน จ ๑- ฯ✎ ร่าง
siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
ฉอาปตฺติสมุฏฺฐานกตาปตฺติวารํ นิฏฺฐิตํ ทุติยํ ฯ✎ ร่าง
Channaṁ āpattisamuṭṭhānānaṁ katāpattivāro niṭṭhito dutiyo.
—
4.3. Āpattisamuṭṭhānagāthā