กิจฺจาธิกรณปจฺจยา กติ อาปตฺติโย อาปชฺชติ ฯ✎ ร่าง
Kiccādhikaraṇapaccayā kati āpattiyo āpajjati?
อ้างอิงPTS 5.101
กิจฺจาธิกรณปจฺจยา ปญฺจ อาปตฺติโย อาปชฺชติ✎ ร่าง
Kiccādhikaraṇapaccayā pañca āpattiyo āpajjati.
อุกฺขิตฺตานุวตฺติกา
ภิกฺขุนี ยาวตติยํ สมนุภาสนาย นปฺปฏินิสฺสชฺชติ ญตฺติยา ทุกฺกฏํ✎ ร่าง
Ukkhittānuvattikā bhikkhunī yāvatatiyaṁ samanubhāsanāya na paṭinissajjati, ñattiyā dukkaṭaṁ;
ทฺวีหิ กมฺมวาจาหิ ถุลฺลจฺจยา✎ ร่าง
dvīhi kammavācāhi thullaccayā;
กมฺมวาจาปริโยสาเน อาปตฺติ
ปาราชิกสฺส ฯ✎ ร่าง
kammavācāpariyosāne āpatti pārājikassa.
เภทกานุวตฺตกา ภิกฺขู ยาวตติยํ สมนุภาสนาย
นปฺปฏินิสฺสชฺชนฺติ อาปตฺติ สงฺฆาทิเสสสฺส ฯ✎ ร่าง
Bhedakānuvattakā bhikkhū yāvatatiyaṁ samanubhāsanāya na paṭinissajjanti, āpatti saṅghādisesassa;
ปาปิกาย ทิฏฺฐิยา
ยาวตติยํ สมนุภาสนาย นปฺปฏินิสฺสชฺชติ อาปตฺติ ปาจิตฺติยสฺส ฯ✎ ร่าง
pāpikāya diṭṭhiyā yāvatatiyaṁ samanubhāsanāya na paṭinissajjati, āpatti pācittiyassa—
กิจฺจาธิกรณปจฺจยา อิมา ปญฺจ อาปตฺติโย อาปชฺชติ ฯ✎ ร่าง
kiccādhikaraṇapaccayā imā pañca āpattiyo āpajjati.
ตา อาปตฺติโย จตุนฺนํ วิปตฺตีนํ กติ วิปตฺติโย ภชนฺติ
ฯเปฯ✎ ร่าง
Tā āpattiyo catunnaṁ vipattīnaṁ kati vipattiyo bhajanti …pe…
อ้างอิงสยามรัฐ 8.259 · ฉัฏฐสังคายนา 91.205 · พุทธชยันตี 6.344
สตฺตนฺนํ สมถานํ กตีหิ สมเถหิ สมฺมนฺติ ฯ✎ ร่าง
sattannaṁ samathānaṁ katihi samathehi sammanti?
ตา อาปตฺติโย
จตุนฺนํ วิปตฺตีนํ เทฺว วิปตฺติโย ภชนฺติ✎ ร่าง
Tā āpattiyo catunnaṁ vipattīnaṁ dve vipattiyo bhajanti—
สิยา สีลวิปตฺตึ สิยา
อาจารวิปตฺตึ ฯ✎ ร่าง
siyā sīlavipattiṁ, siyā ācāravipattiṁ.
สตฺตนฺนํ อาปตฺติกฺขนฺธานํ ปญฺจหิ อาปตฺติกฺขนฺเธหิ
สงฺคหิตา✎ ร่าง
Sattannaṁ āpattikkhandhānaṁ pañcahi āpattikkhandhehi saṅgahitā—
สิยา ปาราชิกาปตฺติกฺขนฺเธน สิยา สงฺฆาทิเสสาปตฺติกฺขนฺเธน
สิยา ถุลฺลจฺจยาปตฺติกฺขนฺเธน สิยา ปาจิตฺติยาปตฺติกฺขนฺเธน
สิยา ทุกฺกฏาปตฺติกฺขนฺเธน ฯ✎ ร่าง
siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
ฉนฺนํ อาปตฺติสมุฏฺฐานานํ เอเกน
สมุฏฺฐาเนน สมุฏฺฐหนฺติ✎ ร่าง
Channaṁ āpattisamuṭṭhānānaṁ ekena samuṭṭhānena samuṭṭhanti—
กายโต จ วาจโต จ จิตฺตโต จ
สมุฏฺฐหนฺติ ฯ✎ ร่าง
kāyato ca vācato ca cittato ca samuṭṭhanti.
จตุนฺนํ อธิกรณานํ อาปตฺตาธิกรณํ ฯ✎ ร่าง
Catunnaṁ adhikaraṇānaṁ, āpattādhikaraṇaṁ.
สตฺตนฺนํ
สมถานํ ตีหิ สมเถหิ สมฺมนฺติ✎ ร่าง
Sattannaṁ samathānaṁ tīhi samathehi sammanti—
สิยา สมฺมุขาวินเยน จ ปฏิญฺญาตกรเณน
จ สิยา สมฺมุขาวินเยน จ ติณวตฺถารเกน จ ฯ✎ ร่าง
siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.