เอกํ สมยํ ภควา ราชคเห วิหรติ คิชฺฌกูเฏ ปพฺพเต ฯ🤖 AI จับคู่
Ekaṁ samayaṁ bhagavā rājagahe viharati gijjhakūṭe pabbate.
At one time the Buddha was staying near Rājagaha, on the Vulture’s Peak Mountain.
อถ โข อายสฺมา อานนฺโท เยน ภควา เตนุปสงฺกมิ อุปสงฺกมิตฺวา
ภควนฺตํ อภิวาเทตฺวา เอกมนฺตํ นิสีทิ เอกมนฺตํ นิสินฺโน โข
อายสฺมา อานนฺโท ภควนฺตํ เอตทโวจ🤖 AI จับคู่
Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:
Then Venerable Ānanda went up to the Buddha, bowed, sat down to one side, and said to him:
ปูรเณน ภนฺเต กสฺสเปน
ฉฬาภิชาติโย ปญฺญตฺตา🤖 AI จับคู่
“pūraṇena, bhante, kassapena chaḷabhijātiyo paññattā—
“Sir, Pūraṇa Kassapa describes six classes of rebirth:
กณฺหาภิชาติ ปญฺญตฺตา นีลาภิชาติ
ปญฺญตฺตา โลหิตาภิชาติ ปญฺญตฺตา หลิทฺทาภิชาติ ปญฺญตฺตา
สุกฺกาภิชาติ ปญฺญตฺตา ปรมสุกฺกาภิชาติ ปญฺญตฺตา🤖 AI จับคู่
kaṇhābhijāti paññattā, nīlābhijāti paññattā, lohitābhijāti paññattā, haliddābhijāti paññattā, sukkābhijāti paññattā, paramasukkābhijāti paññattā.
black, blue, red, yellow, white, and ultimate white.
ตตฺริทํ ภนฺเต
ปูรเณน กสฺสเปน กณฺหาภิชาติ ปญฺญตฺตา โอรพฺภิกา โสกริกา ๑-
สากุณิกา มาควิกา ลุทฺทา มจฺฉฆาตกา โจรา โจรฆาตกา
พนฺธนาคาริกา เย วา ปนญฺเญปิ เกจิ กุรูรกมฺมนฺตา🤖 AI จับคู่
Tatridaṁ, bhante, pūraṇena kassapena kaṇhābhijāti paññattā, orabbhikā sūkarikā sākuṇikā māgavikā luddā macchaghātakā corā coraghātakā bandhanāgārikā ye vā panaññepi keci kurūrakammantā.
The black class of rebirth consists of slaughterers of sheep, pigs, poultry, or deer, hunters or fishers, bandits, executioners, butchers of cattle, jailers, and any others with a cruel livelihood.
อ้างอิงฉัฏฐสังคายนา 38.93
ตตฺริทํ ภนฺเต
ปูรเณน กสฺสเปน นีลาภิชาติ ปญฺญตฺตา ภิกฺขู กณฺหาธิมุตฺติกา ๒-
เย วา ปนญฺเญปิ เกจิ กมฺมวาทา กิริยวาทา🤖 AI จับคู่
Tatridaṁ, bhante, pūraṇena kassapena nīlābhijāti paññattā, bhikkhū kaṇṭakavuttikā ye vā panaññepi keci kammavādā kriyavādā.
The blue class of rebirth consists of mendicants whose life is thorny, and any others who teach the efficacy of deeds and action.
ตตฺริทํ ภนฺเต ปูรเณน
กสฺสเปน โลหิตาภิชาติ ปญฺญตฺตา นิคณฺฐา เอกสาฏกา🤖 AI จับคู่
Tatridaṁ, bhante, pūraṇena kassapena lohitābhijāti paññattā, nigaṇṭhā ekasāṭakā.
The red class of rebirth consists of the Jain ascetics who wear one cloth.
อ้างอิงPTS 3.384
ตตฺริทํ
ภนฺเต ปูรเณน กสฺสเปน หลิทฺทาภิชาติ ปญฺญตฺตา คิหี โอทาตวสนา
@เชิงอรรถ: ๑ ม. ยุ. สูกริกา ฯ ๒ ม. ยุ. กณฺฑกวุตฺติกา ฯ
อเจลกสาวกา🤖 AI จับคู่
Tatridaṁ, bhante, pūraṇena kassapena haliddābhijāti paññattā, gihī odātavasanā acelakasāvakā.
The yellow class of rebirth consists of the lay people dressed in white who are disciples of the naked ascetics.
ตตฺริทํ ภนฺเต ปูรเณน กสฺสเปน สุกฺกาภิชาติ
ปญฺญตฺตา อาชีวกา อาชีวกินิโย🤖 AI จับคู่
Tatridaṁ, bhante, pūraṇena kassapena sukkābhijāti paññattā, ājīvakā ājīvakiniyo.
The white class of rebirth consists of male and female Ājīvaka ascetics.
ตตฺริทํ ภนฺเต ปูรเณน กสฺสเปน
ปรมสุกฺกาภิชาติ ปญฺญตฺตา นนฺโท วจฺโฉ กจฺโจ ๑- สงฺกิจฺโจ
มกฺขลิ โคสาโล🤖 AI จับคู่
Tatridaṁ, bhante, pūraṇena kassapena paramasukkābhijāti paññattā, nando vaccho kiso saṅkicco makkhali gosālo.
And the ultimate white class of rebirth consists of Nanda Vaccha, Kisa Saṅkicca, and the bamboo-staffed ascetic Gosāla.
ปูรเณน ภนฺเต กสฺสเปน อิมา ฉฬาภิชาติโย
ปญฺญตฺตาติ ฯ🤖 AI จับคู่
Pūraṇena, bhante, kassapena imā chaḷabhijātiyo paññattā”ti.
These are the six classes of rebirth that Pūraṇa Kassapa describes.”
กึ ปนานนฺท ปูรณสฺส กสฺสปสฺส สพฺโพ โลโก
เอตทพฺภนุชานาติ อิมา ฉฬาภิชาติโย ปญฺญาเปตุนฺติ ฯ🤖 AI จับคู่
“Kiṁ panānanda, pūraṇassa kassapassa sabbo loko etadabbhanujānāti imā chaḷabhijātiyo paññāpetun”ti?
“But Ānanda, did the whole world authorize Pūraṇa Kassapa to describe these six classes of rebirth?”
อ้างอิงพุทธชยันตี 21.166
โน เหตํ ภนฺเต ฯ🤖 AI จับคู่
“No hetaṁ, bhante.
“No, sir.”
เสยฺยถาปิ อานนฺท ปุริโส ทฬิทฺโท อสฺสโก อนทฺธิโย ๒- ตสฺส
อกามกสฺส พิลํ โอลเภยฺยุํ ๓- อิทํ เต อมฺโภ ปุริส มํสญฺจ ขาทิตพฺพํ
มูลญฺจ อนุปฺปทาตพฺพนฺติ🤖 AI จับคู่
Seyyathāpi, ānanda, puriso daliddo assako anāḷhiko, tassa akāmakassa bilaṁ olaggeyyuṁ: ‘idaṁ te, ambho purisa, maṁsañca khāditabbaṁ, mūlañca anuppadātabban’ti.
“It’s as if they were to force a chop on a poor, penniless person, telling them, ‘Eat this meat and pay for it!’
เอวเมว โข อานนฺท ปูรเณน กสฺสเปน
อปฺปฏิญฺญาย เอเตสํ สมณพฺราหฺมณานํ อิมา ฉฬาภิชาติโย ปญฺญตฺตา
ยถา ตํ พาเลน อพฺยตฺเตน อเขตฺตญฺญุนา อกุสเลน🤖 AI จับคู่
Evamevaṁ kho, ānanda, pūraṇena kassapena appaṭiññāya etesaṁ samaṇabrāhmaṇānaṁ imā chaḷabhijātiyo paññattā, yathā taṁ bālena abyattena akhettaññunā akusalena.
In the same way, Pūraṇa Kassapa has described these six classes of rebirth without the consent of those ascetics and brahmins. And he has done so in a foolish, incompetent, unskilled way, lacking common sense.
อหํ โข
ปนานนฺท ฉฬาภิชาติโย ปญฺญาเปมิ🤖 AI จับคู่
Ahaṁ kho panānanda, chaḷabhijātiyo paññāpemi.
I, however, also describe six classes of rebirth.
อ้างอิงPTS 3.385 · ฉัฏฐสังคายนา 38.94
ตํ สุณาหิ สาธุกํ มนสิกโรหิ
ภาสิสฺสามีติ ฯ🤖 AI จับคู่
Taṁ suṇāhi, sādhukaṁ manasi karohi; bhāsissāmī”ti.
Listen and apply your mind well, I will speak.”
เอวํ ภนฺเตติ โข อายสฺมา อานนฺโท ภควโต
ปจฺจสฺโสสิ ฯ🤖 AI จับคู่
“Evaṁ, bhante”ti kho āyasmā ānando bhagavato paccassosi.
“Yes, sir,” Ānanda replied.
ภควา เอตทโวจ🤖 AI จับคู่
Bhagavā etadavoca:
The Buddha said this:
กตมา จานนฺท ฉฬาภิชาติโย🤖 AI จับคู่
“katamā cānanda, chaḷabhijātiyo?
“And what, Ānanda, are the six classes of rebirth?
อิธานนฺท เอกจฺโจ กณฺหาภิชาติโย สมาโน กณฺหํ ธมฺมํ อภิชายติ🤖 AI จับคู่
Idhānanda, ekacco kaṇhābhijātiyo samāno kaṇhaṁ dhammaṁ abhijāyati.
Someone born into a dark class gives rise to a dark result.
อิธ
ปนานนฺท เอกจฺโจ กณฺหาภิชาติโย สมาโน สุกฺกํ ธมฺมํ อภิชายติ🤖 AI จับคู่
Idha panānanda, ekacco kaṇhābhijātiyo samāno sukkaṁ dhammaṁ abhijāyati.
Someone born into a dark class gives rise to a bright result.
อิธ ปนานนฺท เอกจฺโจ กณฺหาภิชาติโย สมาโน อกณฺหํ อสุกฺกํ นิพฺพานํ
อภิชายติ🤖 AI จับคู่
Idha panānanda, ekacco kaṇhābhijātiyo samāno akaṇhaṁ asukkaṁ nibbānaṁ abhijāyati.
Someone born into a dark class gives rise to extinguishment, which is neither dark nor bright.
อิธ ปนานนฺท เอกจฺโจ สุกฺกาภิชาติโย สมาโน กณฺหํ
ธมฺมํ อภิชายติ🤖 AI จับคู่
Idha panānanda, ekacco sukkābhijātiyo samāno kaṇhaṁ dhammaṁ abhijāyati.
Someone born into a bright class gives rise to a dark result.
อิธ ปนานนฺท เอกจฺโจ สุกฺกาภิชาติโย สมาโน
@เชิงอรรถ: ๑ โป. กิจฺโจ ฯ ม. ยุ. กิโส ฯ ๒ ม. อนาฬฺหิโก ฯ ยุ. อนาฬิโก ฯ@๓ ม. ยุ. โอลคฺเคยฺยุํ ฯ
สุกฺกํ ธมฺมํ อภิชายติ🤖 AI จับคู่
Idha panānanda, ekacco sukkābhijātiyo samāno sukkaṁ dhammaṁ abhijāyati.
Someone born into a bright class gives rise to a bright result.
อิธ ปนานนฺท เอกจฺโจ สุกฺกาภิชาติโย
สมาโน อกณฺหํ อสุกฺกํ นิพฺพานํ อภิชายติ ฯ🤖 AI จับคู่
Idha panānanda, ekacco sukkābhijātiyo samāno akaṇhaṁ asukkaṁ nibbānaṁ abhijāyati.
Someone born into a bright class gives rise to extinguishment, which is neither dark nor bright.
กถญฺจานนฺท กณฺหาภิชาติโย สมาโน กณฺหํ ธมฺมํ
อภิชายติ🤖 AI จับคู่
Kathañcānanda, kaṇhābhijātiyo samāno kaṇhaṁ dhammaṁ abhijāyati?
And how does someone born into a dark class give rise to a dark result?
อิธานนฺท เอกจฺโจ นีเจ กุเล ปจฺจาชาโต ๑- โหติ
จณฺฑาลกุเล วา เนสาทกุเล วา เวณกุเล ๒- วา รถการกุเล
วา ปุกฺกุสกุเล วา ทฬิทฺเท อปฺปนฺนปานโภชเน กสิรวุตฺติเก ยตฺถ
กสิเรน ฆาสจฺฉาโท ลพฺภติ🤖 AI จับคู่
Idhānanda, ekacco nīce kule paccājāto hoti—caṇḍālakule vā nesādakule vā venakule vā rathakārakule vā pukkusakule vā, dalidde appannapānabhojane kasiravuttike, yattha kasirena ghāsacchādo labbhati.
It’s when someone is reborn in a low family—a family of corpse-workers, hunters, bamboo-workers, chariot-makers, or scavengers—poor, with little to eat or drink, where life is tough, and food and shelter are hard to find.
โส จ โหติ ทุพฺพณฺโณ ทุทฺทสิโก
โอโกฏิมโก พหฺวาพาโธ กาโณ วา กุณี วา ขญฺโช วา ปกฺขหโต วา
น ลาภี อนฺนสฺส ปานสฺส วตฺถสฺส ยานสฺส มาลาคนฺธวิเลปนสฺส
เสยฺยาวสถปทีเปยฺยสฺส🤖 AI จับคู่
So ca hoti dubbaṇṇo duddasiko okoṭimako bavhābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadīpeyyassa.
And they’re ugly, unsightly, deformed, sickly—one-eyed, crippled, lame, or half-paralyzed. They don’t get to have food, drink, clothes, and vehicles; garlands, fragrance, and makeup; or bed, house, and lighting.
โส กาเยน ทุจฺจริตํ จรติ วาจาย ทุจฺจริตํ
จรติ มนสา ทุจฺจริตํ จรติ🤖 AI จับคู่
So kāyena duccaritaṁ carati, vācāya duccaritaṁ carati, manasā duccaritaṁ carati.
And they do bad things by way of body, speech, and mind.
โส กาเยน ทุจฺจริตํ จริตฺวา วาจาย
ทุจฺจริตํ จริตฺวา มนสา ทุจฺจริตํ จริตฺวา กายสฺส เภทา ปรมฺมรณา
อปายํ ทุคฺคตึ วินิปาตํ นิรยํ อุปปชฺชติ🤖 AI จับคู่
So kāyena duccaritaṁ caritvā, vācāya duccaritaṁ caritvā, manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.
When their body breaks up, after death, they’re reborn in a place of loss, a bad place, the underworld, hell.
เอวํ โข อานนฺท
กณฺหาภิชาติโย สมาโน กณฺหํ ธมฺมํ อภิชายติ ฯ🤖 AI จับคู่
Evaṁ kho, ānanda, kaṇhābhijātiyo samāno kaṇhaṁ dhammaṁ abhijāyati.
That’s how someone born into a dark class gives rise to a dark result.
กถญฺจานนฺท กณฺหาภิชาติโย สมาโน สุกฺกํ ธมฺมํ
อภิชายติ🤖 AI จับคู่
Kathañcānanda, kaṇhābhijātiyo samāno sukkaṁ dhammaṁ abhijāyati?
And how does someone born into a dark class give rise to a bright result?
อิธานนฺท เอกจฺโจ นีเจ กุเล ปจฺจาชาโต โหติ จณฺฑาลกุเล
วา ฯเปฯ🤖 AI จับคู่
Idhānanda, ekacco nīce kule paccājāto hoti—caṇḍālakule vā …pe…
It’s when some person is reborn in a low family …
เสยฺยาวสถปทีเปยฺยสฺส🤖 AI จับคู่
seyyāvasathapadīpeyyassa.
โส กาเยน สุจริตํ จรติ วาจาย
สุจริตํ จรติ มนสา สุจริตํ จรติ🤖 AI จับคู่
So kāyena sucaritaṁ carati, vācāya sucaritaṁ carati, manasā sucaritaṁ carati.
But they do good things by way of body, speech, and mind.
โส กาเยน สุจริตํ จริตฺวา วาจาย สุจริตํ
จริตฺวา มนสา สุจริตํ จริตฺวา กายสฺส เภทา ปรมฺมรณา สุคตึ สคฺคํ
โลกํ อุปปชฺชติ🤖 AI จับคู่
So kāyena sucaritaṁ caritvā, vācāya sucaritaṁ caritvā, manasā sucaritaṁ caritvā kāyassa bhedā paraṁ maraṇā sugatiṁ saggaṁ lokaṁ upapajjati.
When their body breaks up, after death, they’re reborn in a good place, a heavenly realm.
เอวํ โข อานนฺท กณฺหาภิชาติโย สมาโน สุกฺกํ ธมฺมํ
อภิชายติ ฯ🤖 AI จับคู่
Evaṁ kho, ānanda, kaṇhābhijātiyo samāno sukkaṁ dhammaṁ abhijāyati.
That’s how someone born into a dark class gives rise to a bright result.
กถญฺจานนฺท กณฺหาภิชาติโย สมาโน อกณฺหํ อสุกฺกํ
@เชิงอรรถ: ๑ โป. ปจฺฉาชาโต ฯ อปรํปิ อีทิสเมว ฯ ๒ ม. เวนกุเล ฯ
นิพฺพานํ อภิชายติ🤖 AI จับคู่
Kathañcānanda, kaṇhābhijātiyo samāno akaṇhaṁ asukkaṁ nibbānaṁ abhijāyati?
And how does someone born into a dark class give rise to extinguishment, which is neither dark nor bright?
อ้างอิงPTS 3.386 · ฉัฏฐสังคายนา 38.95 · พุทธชยันตี 21.168
อิธานนฺท เอกจฺโจ นีเจ กุเล ปจฺจาชาโต โหติ
จณฺฑาลกุเล วา ฯเปฯ🤖 AI จับคู่
Idhānanda, ekacco nīce kule paccājāto hoti—caṇḍālakule vā …pe…
It’s when some person is reborn in a low family …
โส จ โหติ ทุพฺพณฺโณ ทุทฺทสิโก โอโกฏิมโก🤖 AI จับคู่
so ca hoti dubbaṇṇo duddasiko okoṭimako.
โส เกสมสฺสุํ โอหาเรตฺวา กาสายานิ วตฺถานิ อจฺฉาเทตฺวา อคารสฺมา
อนคาริยํ ปพฺพชฺชติ🤖 AI จับคู่
So kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajati.
They shave off their hair and beard, dress in ocher robes, and go forth from the lay life to homelessness.
โส เอวํ ปพฺพชิโต สมาโน ปญฺจ นีวรเณ
ปหาย เจตโส อุปกฺกิเลเส ปญฺญาย ทุพฺพลีกรเณ จตูสุ สติปฏฺฐาเนสุ
สูปฏฺฐิตจิตฺโต สตฺต โพชฺฌงฺเค ยถาภูตํ ภาเวตฺวา อกณฺหํ อสุกฺกํ
นิพฺพานํ อภิชายติ🤖 AI จับคู่
So evaṁ pabbajito samāno pañca nīvaraṇe pahāya cetaso upakkilese paññāya dubbalīkaraṇe, catūsu satipaṭṭhānesu suppatiṭṭhitacitto, satta bojjhaṅge yathābhūtaṁ bhāvetvā akaṇhaṁ asukkaṁ nibbānaṁ abhijāyati.
They give up the five hindrances, corruptions of the heart that weaken wisdom. They firmly establish their mind in the four kinds of mindfulness meditation. They truly develop the seven awakening factors. And then they give rise to extinguishment, which is neither dark nor bright.
เอวํ โข อานนฺท กณฺหาภิชาติโย สมาโน
อกณฺหํ อสุกฺกํ นิพฺพานํ อภิชายติ ฯ🤖 AI จับคู่
Evaṁ kho, ānanda, kaṇhābhijātiyo samāno akaṇhaṁ asukkaṁ nibbānaṁ abhijāyati.
That’s how someone born in a dark class gives rise to extinguishment, which is neither dark nor bright.
กถญฺจานนฺท สุกฺกาภิชาติโย สมาโน กณฺหํ
ธมฺมํ อภิชายติ🤖 AI จับคู่
Kathañcānanda, sukkābhijātiyo samāno kaṇhaṁ dhammaṁ abhijāyati?
And how does someone born into a bright class give rise to a dark result?
อิธานนฺท เอกจฺโจ อุจฺเจ กุเล ปจฺจาชาโต โหติ
ขตฺติยมหาสาลกุเล วา พฺราหฺมณมหาสาลกุเล วา คหปติมหาสาลกุเล
วา อทฺเธ มหทฺธเน มหาโภเค ปหูตชาตรูปรชเต ปหูตวิตฺตูปกรเณ
ปหูตธนธญฺเญ🤖 AI จับคู่
Idhānanda, ekacco ucce kule paccājāto hoti—khattiyamahāsālakule vā brāhmaṇamahāsālakule vā gahapatimahāsālakule vā, aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe.
It’s when someone is reborn in an eminent family—a well-to-do family of aristocrats, brahmins, or householders—rich, affluent, and wealthy, with lots of gold and silver, lots of property and assets, and lots of money and grain.
โส จ โหติ อภิรูโป ทสฺสนีโย ปาสาทิโก ปรมาย
วณฺณโปกฺขรตาย สมนฺนาคโต ลาภี อนฺนสฺส ปานสฺส วตฺถสฺส
ยานสฺส มาลาคนฺธวิเลปนสฺส เสยฺยาวสถปทีเปยฺยสฺส🤖 AI จับคู่
So ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa.
And they’re attractive, good-looking, lovely, of surpassing beauty. They get to have food, drink, clothes, and vehicles; garlands, fragrance, and makeup; and bed, house, and lighting.
โส กาเยน
ทุจฺจริตํ จรติ วาจาย ทุจฺจริตํ จรติ มนสา ทุจฺจริตํ จรติ🤖 AI จับคู่
So kāyena duccaritaṁ carati, vācāya duccaritaṁ carati, manasā duccaritaṁ carati.
But they do bad things by way of body, speech, and mind.
โส กาเยน
ทุจฺจริตํ จริตฺวา วาจาย ทุจฺจริตํ จริตฺวา มนสา ทุจฺจริตํ จริตฺวา
กายสฺส เภทา ปรมฺมรณา อปายํ ทุคฺคตึ วินิปาตํ นิรยํ อุปปชฺชติ🤖 AI จับคู่
So kāyena duccaritaṁ caritvā, vācāya duccaritaṁ caritvā, manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.
When their body breaks up, after death, they’re reborn in a place of loss, a bad place, the underworld, hell.
เอวํ โข อานนฺท สุกฺกาภิชาติโย สมาโน กณฺหํ ธมฺมํ อภิชายติ ฯ🤖 AI จับคู่
Evaṁ kho, ānanda, sukkābhijātiyo samāno kaṇhaṁ dhammaṁ abhijāyati.
That’s how someone born into a bright class gives rise to a dark result.
กถญฺจานนฺท สุกฺกาภิชาติโย สมาโน สุกฺกํ ธมฺมํ
อภิชายติ🤖 AI จับคู่
Kathañcānanda, sukkābhijātiyo samāno sukkaṁ dhammaṁ abhijāyati?
And how does someone born into a bright class give rise to a bright result?
อิธานนฺท เอกจฺโจ อุจฺเจ กุเล ปจฺจาชาโต โหติ
@เชิงอรรถ: ๑ ม. ยุ. ปพฺพชติ ฯ
ขตฺติยมหาสาลกุเล วา ฯเปฯ🤖 AI จับคู่
Idhānanda, ekacco ucce kule paccājāto hoti—khattiyamahāsālakule vā …pe…
It’s when some person is reborn in an eminent family …
เสยฺยาวสถปทีเปยฺยสฺส🤖 AI จับคู่
seyyāvasathapadīpeyyassa.
โส กาเยน
สุจริตํ จรติ วาจาย สุจริตํ จรติ มนสา สุจริตํ จรติ🤖 AI จับคู่
So kāyena sucaritaṁ carati, vācāya sucaritaṁ carati, manasā sucaritaṁ carati.
And they do good things by way of body, speech, and mind.
โส กาเยน
สุจริตํ จริตฺวา วาจาย สุจริตํ จริตฺวา มนสา สุจริตํ จริตฺวา
กายสฺส เภทา ปรมฺมรณา สุคตึ สคฺคํ โลกํ อุปปชฺชติ🤖 AI จับคู่
So kāyena sucaritaṁ caritvā, vācāya sucaritaṁ caritvā, manasā sucaritaṁ caritvā kāyassa bhedā paraṁ maraṇā sugatiṁ saggaṁ lokaṁ upapajjati.
When their body breaks up, after death, they’re reborn in a good place, a heavenly realm.
เอวํ โข
อานนฺท สุกฺกาภิชาติโย สมาโน สุกฺกํ ธมฺมํ อภิชายติ ฯ🤖 AI จับคู่
Evaṁ kho, ānanda, sukkābhijātiyo samāno sukkaṁ dhammaṁ abhijāyati.
That’s how someone born into a bright class give rise to a bright result.
กถญฺจานนฺท สุกฺกาภิชาติโย สมาโน อกณฺหํ อสุกฺกํ
นิพฺพานํ อภิชายติ🤖 AI จับคู่
Kathañcānanda, sukkābhijātiyo samāno akaṇhaṁ asukkaṁ nibbānaṁ abhijāyati?
And how does someone born into a bright class give rise to extinguishment, which is neither dark nor bright?
อ้างอิงPTS 3.387 · ฉัฏฐสังคายนา 38.96
อิธานนฺท เอกจฺโจ อุจฺเจ กุเล ปจฺจาชาโต โหติ
ขตฺติยมหาสาลกุเล วา พฺราหฺมณมหาสาลกุเล วา คหปติมหาสาลกุเล
วา อทฺเธ มหทฺธเน มหาโภเค ปหูตชาตรูปรชเต ปหูตวิตฺตูปกรเณ
ปหูตธนธญฺเญ🤖 AI จับคู่
Idhānanda, ekacco ucce kule paccājāto hoti—khattiyamahāsālakule vā brāhmaṇamahāsālakule vā gahapatimahāsālakule vā, aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe.
It’s when some person is reborn in an eminent family …
โส จ โหติ อภิรูโป ทสฺสนีโย ปาสาทิโก ปรมาย
วณฺณโปกฺขรตาย สมนฺนาคโต ลาภี อนฺนสฺส ปานสฺส วตฺถสฺส
ยานสฺส มาลาคนฺธวิเลปนสฺส เสยฺยาวสถปทีเปยฺยสฺส🤖 AI จับคู่
So ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa.
โส เกสมสฺสุํ
โอหาเรตฺวา กาสายานิ วตฺถานิ อจฺฉาเทตฺวา อคารสฺมา อนคาริยํ
ปพฺพชฺชติ🤖 AI จับคู่
So kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajati.
They shave off their hair and beard, dress in ocher robes, and go forth from the lay life to homelessness.
โส เอวํ ปพฺพชิโต สมาโน ปญฺจ นีวรเณ ปหาย เจตโส
อุปกฺกิเลเส ปญฺญาย ทุพฺพลีกรเณ จตูสุ สติปฏฺฐาเนสุ
สูปฏฺฐิตจิตฺโต สตฺต โพชฺฌงฺเค ยถาภูตํ ภาเวตฺวา อกณฺหํ อสุกฺกํ
นิพฺพานํ อภิชายติ🤖 AI จับคู่
So evaṁ pabbajito samāno pañca nīvaraṇe pahāya cetaso upakkilese paññāya dubbalīkaraṇe, catūsu satipaṭṭhānesu suppatiṭṭhitacitto, satta bojjhaṅge yathābhūtaṁ bhāvetvā akaṇhaṁ asukkaṁ nibbānaṁ abhijāyati.
They give up the five hindrances, corruptions of the heart that weaken wisdom. They firmly establish their mind in the four kinds of mindfulness meditation. They truly develop the seven awakening factors. And then they give rise to extinguishment, which is neither dark nor bright.
เอวํ โข อานนฺท สุกฺกาภิชาติโย สมาโน อกณฺหํ
อสุกฺกํ นิพฺพานํ อภิชายติ ฯ🤖 AI จับคู่
Evaṁ kho, ānanda, sukkābhijātiyo samāno akaṇhaṁ asukkaṁ nibbānaṁ abhijāyati.
That’s how someone born into a bright class gives rise to extinguishment, which is neither dark nor bright.
อิมา โข อานนฺท ฉฬาภิชาติโยติ ฯ🤖 AI จับคู่
Imā kho, ānanda, chaḷabhijātiyo”ti.
These are the six classes of rebirth.”