เอกํ สมยํ ภควา สาวตฺถิยํ วิหรติ ปุพฺพาราเม
มิคารมาตุปาสาเท ฯ🤖 AI จับคู่
Ekaṁ samayaṁ bhagavā sāvatthiyaṁ viharati pubbārāme migāramātupāsāde.
At one time the Buddha was staying near Sāvatthī in the stilt longhouse of Migāra’s mother in the Eastern Monastery.
อถโข วิสาขา มิคารมาตา เยน ภควา
เตนุปสงฺกมิ อุปสงฺกมิตฺวา ฯเปฯ นิสีทิ ฯ🤖 AI จับคู่
Atha kho visākhā migāramātā yena bhagavā tenupasaṅkami …pe….
Then Visākhā, Migāra’s mother, went up to the Buddha, bowed, and sat down to one side.
เอกมนฺตํ นิสินฺนํ โข
วิสาขํ มิคารมาตรํ ภควา เอตทโวจ🤖 AI จับคู่
Ekamantaṁ nisinnaṁ kho visākhaṁ migāramātaraṁ bhagavā etadavoca:
The Buddha said to her:
จตูหิ โข วิสาเข ธมฺเมหิ สมนฺนาคโต
มาตุคาโม อิธโลกวิชยาย ปฏิปนฺโน โหติ อยํส โลโก อารทฺโธ
โหติ ฯ🤖 AI จับคู่
“Catūhi kho, visākhe, dhammehi samannāgato mātugāmo idhalokavijayāya paṭipanno hoti, ayaṁsa loko āraddho hoti.
“Visākhā, a lady who has four qualities is practicing to win in this life, and she succeeds at it.
กตเมหิ จตูหิ🤖 AI จับคู่
Katamehi catūhi?
What four?
อิธ วิสาเข มาตุคาโม สุสํวิหิตกมฺมนฺโต
โหติ สงฺคหิตปริชโน ภตฺตุ มนาปํ จรติ สมฺภตํ อนุรกฺขติ ฯ🤖 AI จับคู่
Idha, visākhe, mātugāmo susaṁvihitakammanto hoti, saṅgahitaparijano, bhattu manāpaṁ carati, sambhataṁ anurakkhati.
It’s when a lady is well-organized at work, manages the domestic help, acts lovingly toward her husband, and preserves his earnings.
กถญฺจ วิสาเข มาตุคาโม สุสํวิหิตกมฺมนฺโต โหติ🤖 AI จับคู่
Kathañca, visākhe, mātugāmo susaṁvihitakammanto hoti?
And how is a lady well-organized at work?
อ้างอิงPTS 4.270 · พุทธชยันตี 22.212
อิธ วิสาเข
มาตุคาโม เย เต ภตฺตุ อพฺภนฺตรา กมฺมนฺตา อุณฺณาติ วา
กปฺปาสาติ วา ตตฺถ ทกฺขา โหติ อนลสา ตตฺรุปายาย วีมํสาย
สมนฺนาคตา อลํ กาตุํ อลํ สํวิธาตุํ🤖 AI จับคู่
Idha, visākhe, mātugāmo ye te bhattu abbhantarā kammantā—uṇṇāti vā kappāsāti vā—tattha dakkhā hoti analasā tatrupāyāya vīmaṁsāya samannāgatā alaṁ kātuṁ alaṁ saṁvidhātuṁ.
It’s when she’s deft and tireless in doing domestic duties for her husband, such as knitting and sewing. She understands how to go about things in order to complete and organize the work.
เอวํ โข วิสาเข มาตุคาโม
สุสํวิหิตกมฺมนฺโต โหติ ฯ🤖 AI จับคู่
Evaṁ kho, visākhe, mātugāmo susaṁvihitakammanto hoti.
That’s how a lady is well-organized at work.
กถญฺจ วิสาเข มาตุคาโม สงฺคหิตปริชโน โหติ🤖 AI จับคู่
Kathañca, visākhe, mātugāmo saṅgahitaparijano hoti?
And how does a lady manage the domestic help?
อ้างอิงฉัฏฐสังคายนา 39.99
อิธ
วิสาเข มาตุคาโม เย เต ภตฺตุ อพฺภนฺตรา อนฺโตชนา ทาสาติ วา
เปสฺสาติ วา กมฺมกราติ วา🤖 AI จับคู่
Idha, visākhe, mātugāmo yo so bhattu abbhantaro antojano—dāsāti vā pessāti vā kammakarāti vā—
It’s when she knows what work her husband’s domestic bondservants, servants, and workers have completed, and what they’ve left incomplete.
เตสํ กตญฺจ กตโต ชานาติ อกตญฺจ
อกตโต ชานาติ คิลานกานญฺจ พลาพลํ ชานาติ ขาทนียโภชนียญฺจสฺส
ปจฺจเยน สํวิภชติ🤖 AI จับคู่
tesaṁ katañca katato jānāti akatañca akatato jānāti, gilānakānañca balābalaṁ jānāti khādanīyaṁ bhojanīyañcassa paccaṁsena saṁvibhajati.
She knows who is sick, and who is fit or unwell. She distributes to each a fair portion of fresh and cooked foods.
เอวํ โข วิสาเข มาตุคาโม สงฺคหิตปริชโน โหติ ฯ🤖 AI จับคู่
Evaṁ kho, visākhe, mātugāmo saṅgahitaparijano hoti.
That’s how a lady manages the domestic help.
กถญฺจ วิสาเข มาตุคาโม ภตฺตุ มนาปํ จรติ🤖 AI จับคู่
Kathañca, visākhe, mātugāmo bhattu manāpaṁ carati?
And how does a lady act lovingly toward her husband?
อิธ วิสาเข
มาตุคาโม ยํ ภตฺตุ อมนาปสงฺขาตํ ตํ ชีวิตเหตุปิ น อชฺฌาจรติ🤖 AI จับคู่
Idha, visākhe, mātugāmo yaṁ bhattu amanāpasaṅkhātaṁ taṁ jīvitahetupi na ajjhācarati.
It’s when a lady would not transgress in any way that her husband would not consider agreeable, even for the sake of her own life.
เอวํ โข
วิสาเข มาตุคาโม ภตฺตุ มนาปํ จรติ ฯ🤖 AI จับคู่
Evaṁ kho, visākhe, mātugāmo bhattu manāpaṁ carati.
That’s how a lady acts lovingly toward her husband.
กถญฺจ วิสาเข มาตุคาโม สมฺภตํ อนุรกฺขติ🤖 AI จับคู่
Kathañca, visākhe, mātugāmo sambhataṁ anurakkhati?
And how does a lady preserve his earnings?
อิธ วิสาเข
มาตุคาโม ยํ ภตฺตา อาหรติ ธนํ วา ธญฺญํ วา รชตํ วา ชาตรูปํ
วา ตํ อารกฺเขน คุตฺติยา สมฺปาเทติ ตตฺถ จ โหติ อธุตฺตี อเถนี
อโสณฺฑี อวินาสิกา🤖 AI จับคู่
Idha, visākhe, mātugāmo yaṁ bhattā āharati dhanaṁ vā dhaññaṁ vā rajataṁ vā jātarūpaṁ vā taṁ ārakkhena guttiyā sampādeti, tattha ca hoti adhuttī athenī asoṇḍī avināsikā.
It’s when she ensures that any income her husband earns is guarded and protected, whether money, grain, silver, or gold. She doesn’t overspend, steal, waste, or lose it.
เอวํ โข วิสาเข มาตุคาโม สมฺภตํ อนุรกฺขติ ฯ🤖 AI จับคู่
Evaṁ kho, visākhe, mātugāmo sambhataṁ anurakkhati.
That’s how a lady preserves his earnings.
อิเมหิ โข วิสาเข จตูหิ ธมฺเมหิ สมนฺนาคโต มาตุคาโม อิธโลกวิชยาย
ปฏิปนฺโน โหติ อยํส โลโก อารทฺโธ โหติ ฯ🤖 AI จับคู่
Imehi kho, visākhe, catūhi dhammehi samannāgato mātugāmo idhalokavijayāya paṭipanno hoti, ayaṁsa loko āraddho hoti.
A lady who possesses these four qualities is practicing to win in this life, and she succeeds at it.
จตูหิ โข วิสาเข ธมฺเมหิ สมนฺนาคโต มาตุคาโม
ปรโลกวิชยาย ปฏิปนฺโน โหติ ปรสฺส โลโก อารทฺโธ โหติ ฯ🤖 AI จับคู่
Catūhi kho, visākhe, dhammehi samannāgato mātugāmo paralokavijayāya paṭipanno hoti, paraloko āraddho hoti.
A lady who has four qualities is practicing to win in the next life, and she succeeds at it.
กตเมหิ
จตูหิ🤖 AI จับคู่
Katamehi catūhi?
What four?
อิธ วิสาเข มาตุคาโม สทฺธาสมฺปนฺโน โหติ สีลสมฺปนฺโน โหติ
จาคสมฺปนฺโน โหติ ปญฺญาสมฺปนฺโน โหติ ฯ🤖 AI จับคู่
Idha, visākhe, mātugāmo saddhāsampanno hoti, sīlasampanno hoti, cāgasampanno hoti, paññāsampanno hoti.
It’s when a lady is accomplished in faith, ethics, generosity, and wisdom.
กถญฺจ วิสาเข มาตุคาโม สทฺธาสมฺปนฺโน โหติ🤖 AI จับคู่
Kathañca, visākhe, mātugāmo saddhāsampanno hoti?
And how is a lady accomplished in faith?
อิธ
วิสาเข มาตุคาโม สทฺโธ โหติ สทฺทหติ ตถาคตสฺส โพธึ🤖 AI จับคู่
Idha, visākhe, mātugāmo saddho hoti, saddahati tathāgatassa bodhiṁ:
It’s when a lady has faith in the Realized One’s awakening:
อิติปิ โส
ภควา อรหํ สมฺมาสมฺพุทฺโธ วิชฺชาจรณสมฺปนฺโน สุคโต โลกวิทู
อนุตฺตโร ปุริสทมฺมสารถิ สตฺถา เทวมนุสฺสานํ พุทฺโธ ภควาติ🤖 AI จับคู่
‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.
‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’
เอวํ
โข วิสาเข มาตุคาโม สทฺธาสมฺปนฺโน โหติ ฯ🤖 AI จับคู่
Evaṁ kho, visākhe, mātugāmo saddhāsampanno hoti.
That’s how a lady is accomplished in faith.
กถญฺจ วิสาเข มาตุคาโม สีลสมฺปนฺโน โหติ🤖 AI จับคู่
Kathañca, visākhe, mātugāmo sīlasampanno hoti?
And how is a lady accomplished in ethics?
อ้างอิงPTS 4.271 · พุทธชยันตี 22.214
อิธ วิสาเข
มาตุคาโม ปาณาติปาตา ปฏิวิรโต โหติ ฯเปฯ สุราเมรยมชฺชปมาทฏฺฐานา
ปฏิวิรโต โหติ🤖 AI จับคู่
Idha, visākhe, mātugāmo pāṇātipātā paṭivirato hoti …pe… surāmerayamajjapamādaṭṭhānā paṭivirato hoti.
It’s when a lady doesn’t kill living creatures, steal, commit sexual misconduct, lie, or consume intoxicants of beer, wine, and liquor.
เอวํ โข วิสาเข มาตุคาโม สีลสมฺปนฺโน โหติ ฯ🤖 AI จับคู่
Evaṁ kho, visākhe, mātugāmo sīlasampanno hoti.
That’s how a lady is accomplished in ethics.
กถญฺจ วิสาเข มาตุคาโม จาคสมฺปนฺโน โหติ🤖 AI จับคู่
Kathañca, visākhe, mātugāmo cāgasampanno hoti?
And how is a lady accomplished in generosity?
อ้างอิงฉัฏฐสังคายนา 39.100
อิธ วิสาเข
มาตุคาโม วิคตมลมจฺเฉเรน เจตสา อคารํ อชฺฌาวสติ มุตฺตจาคี
ปยตปาณี โวสฺสคฺครตา ยาจโยคา ทานสํวิภาครตา🤖 AI จับคู่
Idha, visākhe, mātugāmo vigatamalamaccherena cetasā agāraṁ ajjhāvasati muttacāgā payatapāṇinī vossaggaratā yācayogā dānasaṁvibhāgaratā.
It’s when she lives at home rid of the stain of stinginess, freely generous, open-handed, loving to let go, committed to charity, loving to give and to share.
เอวํ โข วิสาเข
มาตุคาโม จาคสมฺปนฺโน โหติ ฯ🤖 AI จับคู่
Evaṁ kho, visākhe, mātugāmo cāgasampanno hoti.
That’s how a lady is accomplished in generosity.
กถญฺจ วิสาเข มาตุคาโม ปญฺญาสมฺปนฺโน โหติ🤖 AI จับคู่
Kathañca, visākhe, mātugāmo paññāsampanno hoti?
And how is a lady accomplished in wisdom?
อิธ
วิสาเข มาตุตาโม ปญฺญวา โหติ อุทยตฺถคามินิยา ปญฺญาย
สมนฺนาคโต อริยาย นิพฺเพธิกาย สมฺมาทุกฺขกฺขยคามินิยา🤖 AI จับคู่
Idha, visākhe, mātugāmo paññavā hoti …pe…
It’s when a lady is wise. She has the wisdom of arising and passing away which is noble, penetrative, and leads to the complete ending of suffering.
เอวํ โข
วิสาเข มาตุคาโม ปญฺญาสมฺปนฺโน โหติ ฯ🤖 AI จับคู่
evaṁ kho, visākhe, mātugāmo paññāsampanno hoti.
That’s how a lady is accomplished in wisdom.
อิเมหิ โข วิสาเข
จตูหิ ธมฺเมหิ สมนฺนาคโต มาตุคาโม ปรโลกวิชยาย ปฏิปนฺโน โหติ
ปรสฺส โลโก อารทฺโธ โหตีติ ฯ🤖 AI จับคู่
Imehi kho, visākhe, catūhi dhammehi samannāgato mātugāmo paralokavijayāya paṭipanno hoti, paraloko āraddho hotīti.
A lady who possesses these four qualities is practicing to win in the next life, and she succeeds at it.
สุสํวิหิตกมฺมนฺโต🤖 AI จับคู่
Susaṁvihitakammantā,
She’s organized at work,
สงฺคหิตปริชฺชโน🤖 AI จับคู่
saṅgahitaparijjanā;
and manages the domestic help.
ภตฺตุ มนาปํ จรติ🤖 AI จับคู่
Bhattu manāpaṁ carati,
She’s agreeable to her husband,
สมฺภตํ อนุรกฺขติ🤖 AI จับคู่
sambhataṁ anurakkhati.
and preserves his wealth.
สทฺธาสีเลน สมฺปนฺโน🤖 AI จับคู่
Saddhā sīlena sampannā,
Faithful, accomplished in ethics,
วทญฺญู วีตมจฺฉโร🤖 AI จับคู่
vadaññū vītamaccharā;
bountiful, rid of stinginess,
นิจฺจํ มคฺคํ วิโสเธติ🤖 AI จับคู่
Niccaṁ maggaṁ visodheti,
she always purifies the path
โสตฺถานํ สมฺปรายิกํ🤖 AI จับคู่
sotthānaṁ samparāyikaṁ.
to well-being in lives to come.
อิจฺเจเต อฏฺฐ ธมฺมา จ🤖 AI จับคู่
Iccete aṭṭha dhammā ca,
And so, a lady in whom
ยสฺสา วิชฺชนฺติ นาริยา🤖 AI จับคู่
yassā vijjanti nāriyā;
these eight qualities are found
ตมฺปิ สีลวตึ อาหุ🤖 AI จับคู่
Tampi sīlavatiṁ āhu,
is known as virtuous,
ธมฺมฏฺฐํ สจฺจวาทินึ🤖 AI จับคู่
dhammaṭṭhaṁ saccavādiniṁ.
firmly principled, and truthful.
โสฬสาการสมฺปนฺนา🤖 AI จับคู่
Soḷasākārasampannā,
Accomplished in sixteen respects,
อฏฺฐงฺคสุสมาคตา🤖 AI จับคู่
Aṭṭhaṅgasusamāgatā;
complete with the eight factors,
ตาทิสี สีลวตี อุปาสิกา🤖 AI จับคู่
Tādisī sīlavatī upāsikā,
a virtuous laywoman such as she
อุปปชฺชติ เทวโลกํ มนาปนฺติ ฯ🤖 AI จับคู่
Upapajjati devalokaṁ manāpan”ti.
is reborn in the realm of the Agreeable Gods.”