เอกํ สมยํ ภควา กุรูสุ วิหรติ กมฺมาสธมฺมํ นาม
กุรูนํ นิคโม🤖 AI จับคู่
Ekaṁ samayaṁ bhagavā kurūsu viharati kammāsadhammaṁ nāma kurūnaṁ nigamo.
At one time the Buddha was staying in the land of the Kurus, near the Kuru town named Kammāsadamma.
อ้างอิงPTS 5.30 · พุทธชยันตี 23.56
ตตฺร โข ภควา ภิกฺขู อามนฺเตสิ ฯเปฯ ภควา
เอตทโวจ🤖 AI จับคู่
Tatra kho bhagavā bhikkhū āmantesi …pe….
There the Buddha addressed the mendicants:
ทสยิเม ภิกฺขเว อริยวาสา เย อริยา อาวสึสุ วา
อาวสนฺติ วา อาวสิสฺสนฺติ วา🤖 AI จับคู่
“Dasayime, bhikkhave, ariyāvāsā, ye ariyā āvasiṁsu vā āvasanti vā āvasissanti vā.
“There are these ten abodes of the noble ones in which the noble ones of the past, present, and future abide.
อ้างอิงฉัฏฐสังคายนา 40.26
กตเม ทส🤖 AI จับคู่
Katame dasa?
What ten?
อิธ ภิกฺขเว ภิกฺขุ
ปญฺจงฺควิปฺปหีโน โหติ ฉฬงฺคสมนฺนาคโต เอการกฺโข จตุราปสฺเสโน
ปนุณฺณปจฺเจกสจฺโจ สมวยสฏฺเฐสโน อนาวิลสงฺกปฺโป
ปสฺสทฺธกายสงฺขาโร สุวิมุตฺตจิตฺโต สุวิมุตฺตปญฺโญ ฯ🤖 AI จับคู่
Idha, bhikkhave, bhikkhu pañcaṅgavippahīno hoti, chaḷaṅgasamannāgato, ekārakkho, caturāpasseno, paṇunnapaccekasacco, samavayasaṭṭhesano, anāvilasaṅkappo, passaddhakāyasaṅkhāro, suvimuttacitto, suvimuttapañño.
A mendicant has given up five factors, possesses six factors, has a single guard, has four supports, has cast aside idiosyncratic interpretations of the truth, has totally given up searching, has unsullied intentions, has stilled the physical process, and is well freed in mind and well freed by wisdom.
กถญฺจ
ภิกฺขเว ภิกฺขุ ปญฺจงฺควิปฺปหีโน โหติ🤖 AI จับคู่
Kathañca, bhikkhave, bhikkhu pañcaṅgavippahīno hoti?
And how has a mendicant given up five factors?
อ้างอิงสยามรัฐ 24.32
อิธ ภิกฺขเว ภิกฺขุโน กามจฺฉนฺโท
ปหีโน โหติ พฺยาปาโท ปหีโน โหติ ถีนมิทฺธํ ปหีนํ โหติ อุทฺธจฺจกุกฺกุจฺจํ
ปหีนํ โหติ วิจิกิจฺฉา ปหีนา โหติ🤖 AI จับคู่
Idha, bhikkhave, bhikkhuno kāmacchando pahīno hoti, byāpādo pahīno hoti, thinamiddhaṁ pahīnaṁ hoti, uddhaccakukkuccaṁ pahīnaṁ hoti, vicikicchā pahīnā hoti.
It’s when a mendicant has given up sensual desire, ill will, dullness and drowsiness, restlessness and remorse, and doubt.
เอวํ โข ภิกฺขเว ภิกฺขุ ปญฺจงฺควิปฺปหีโน
โหติ ฯ🤖 AI จับคู่
Evaṁ kho, bhikkhave, bhikkhu pañcaṅgavippahīno hoti.
That’s how a mendicant has given up five factors.
กถญฺจ ภิกฺขเว ภิกฺขุ ฉฬงฺคสมนฺนาคโต โหติ🤖 AI จับคู่
Kathañca, bhikkhave, bhikkhu chaḷaṅgasamannāgato hoti?
And how does a mendicant possess six factors?
อิธ ภิกฺขเว
ภิกฺขุ จกฺขุนา รูปํ ทิสฺวา เนว สุมโน โหติ น ทุมฺมโน อุเปกฺขโก วิหรติ
สโต สมฺปชาโน🤖 AI จับคู่
Idha, bhikkhave, bhikkhu cakkhunā rūpaṁ disvā neva sumano hoti na dummano, upekkhako viharati sato sampajāno.
It’s when a mendicant, seeing a sight with their eyes, is neither happy nor sad. They remain equanimous, mindful and aware.
โสเตน สทฺทํ สุตฺวา ฯเปฯ🤖 AI จับคู่
Sotena saddaṁ sutvā …
Hearing a sound with their ears …
ฆาเนน คนฺธํ ฆายิตฺวา🤖 AI จับคู่
ghānena gandhaṁ ghāyitvā …
Smelling an odor with their nose …
ชิวฺหาย รสํ สายิตฺวา🤖 AI จับคู่
jivhāya rasaṁ sāyitvā …
Tasting a flavor with their tongue …
กาเยน โผฏฺฐพฺพํ ผุสิตฺวา🤖 AI จับคู่
kāyena phoṭṭhabbaṁ phusitvā …
Encountering a touch with their body …
มนสา ธมฺมํ วิญฺญาย
เนว สุมโน โหติ น ทุมฺมโน อุเปกฺขโก วิหรติ สโต สมฺปชาโน🤖 AI จับคู่
manasā dhammaṁ viññāya neva sumano hoti na dummano, upekkhako viharati sato sampajāno.
Knowing an idea with their mind, they’re neither happy nor sad. They remain equanimous, mindful and aware.
เอวํ
โข ภิกฺขเว ภิกฺขุ ฉฬงฺคสมนฺนาคโต โหติ ฯ🤖 AI จับคู่
Evaṁ kho, bhikkhave, bhikkhu chaḷaṅgasamannāgato hoti.
That’s how a mendicant possesses six factors.
กถญฺจ ภิกฺขเว ภิกฺขุ เอการกฺโข โหติ🤖 AI จับคู่
Kathañca, bhikkhave, bhikkhu ekārakkho hoti?
And how does a mendicant have a single guard?
อิธ ภิกฺขเว ภิกฺขุ
สตารกฺเขน เจตสา สมนฺนาคโต โหติ🤖 AI จับคู่
Idha, bhikkhave, bhikkhu satārakkhena cetasā samannāgato hoti.
It’s when a mendicant’s heart is guarded by mindfulness.
เอวํ โข ภิกฺขเว ภิกฺขุ เอการกฺโข
โหติ ฯ🤖 AI จับคู่
Evaṁ kho, bhikkhave, bhikkhu ekārakkho hoti.
That’s how a mendicant has a single guard.
กถญฺจ ภิกฺขเว ภิกฺขุ จตุราปสฺเสโน โหติ🤖 AI จับคู่
Kathañca, bhikkhave, bhikkhu caturāpasseno hoti?
And how does a mendicant have four supports?
อ้างอิงพุทธชยันตี 23.58
อิธ ภิกฺขเว ภิกฺขุ
สงฺขาเยกํ ปฏิเสวติ สงฺขาเยกํ อธิวาเสติ สงฺขาเยกํ ปริวชฺเชติ สงฺขาเยกํ
วิโนเทติ🤖 AI จับคู่
Idha, bhikkhave, bhikkhu saṅkhāyekaṁ paṭisevati, saṅkhāyekaṁ adhivāseti, saṅkhāyekaṁ parivajjeti, saṅkhāyekaṁ vinodeti.
After appraisal, a mendicant uses some things, endures some things, avoids some things, and gets rid of some things.
เอวํ โข ภิกฺขเว ภิกฺขุ จตุราปสฺเสโน โหติ ฯ🤖 AI จับคู่
Evaṁ kho, bhikkhave, bhikkhu caturāpasseno hoti.
That’s how a mendicant has four supports.
กถญฺจ ภิกฺขเว ภิกฺขุ ปนุณฺณปจฺเจกสจฺโจ โหติ🤖 AI จับคู่
Kathañca, bhikkhave, bhikkhu paṇunnapaccekasacco hoti?
And how has a mendicant cast aside idiosyncratic interpretations of the truth?
อ้างอิงPTS 5.31 · สยามรัฐ 24.33 · ฉัฏฐสังคายนา 40.27
อิธ ภิกฺขเว
ภิกฺขุโน ยานิ ตานิ ปุถุสมณพฺราหฺมณานํ ปุถุปจฺเจกสจฺจานิ เสยฺยถีทํ🤖 AI จับคู่
Idha, bhikkhave, bhikkhuno yāni tāni puthusamaṇabrāhmaṇānaṁ puthupaccekasaccāni, seyyathidaṁ:
Different ascetics and brahmins have different idiosyncratic interpretations of the truth. For example:
สสฺสโต โลโกติ วา อสสฺสโต โลโกติ วา อนฺตวา โลโกติ วา
อนนฺตวา โลโกติ วา ตํ ชีวํ ตํ สรีรนฺติ วา อญฺญํ ชีวํ อญฺญํ
สรีรนฺติ วา โหติ ตถาคโต ปรมฺมรณาติ วา น โหติ ตถาคโต
ปรมฺมรณาติ วา โหติ จ น จ โหติ ตถาคโต ปรมฺมรณาติ วา เนว
โหติ น น โหติ ตถาคโต ปรมฺมรณาติ วา🤖 AI จับคู่
‘sassato loko’ti vā, ‘asassato loko’ti vā, ‘antavā loko’ti vā, ‘anantavā loko’ti vā, ‘taṁ jīvaṁ taṁ sarīran’ti vā, ‘aññaṁ jīvaṁ aññaṁ sarīran’ti vā, ‘hoti tathāgato paraṁ maraṇā’ti vā, ‘na hoti tathāgato paraṁ maraṇā’ti vā, ‘hoti ca na ca hoti tathāgato paraṁ maraṇā’ti vā, ‘neva hoti na na hoti tathāgato paraṁ maraṇā’ti vā,
the cosmos is eternal, or not eternal, or finite, or infinite; the soul and the body are one and the same, or the soul is one thing, the body another; after death, a realized one still exists, or no longer exists, or both still exists and no longer exists, or neither still exists nor no longer exists.
สพฺพานิ ตานิ
นุณฺณานิ โหนฺติ ปนุณฺณานิ จตฺตานิ วนฺตานิ มุตฺตานิ ปหีนานิ
ปฏินิสฺสฏฺฐานิ🤖 AI จับคู่
sabbāni tāni nunnāni honti paṇunnāni cattāni vantāni muttāni pahīnāni paṭinissaṭṭhāni.
A mendicant has cast out, cast aside, thrown out, discarded, let go of, given up, and relinquished all these.
เอวํ โข ภิกฺขเว ภิกฺขุ ปนุณฺณปจฺเจกสจฺโจ โหติ ฯ🤖 AI จับคู่
Evaṁ kho, bhikkhave, bhikkhu paṇunnapaccekasacco hoti.
That’s how a mendicant has cast aside idiosyncratic interpretations of the truth.
กถญฺจ ภิกฺขเว ภิกฺขุ สมวยสฏฺเฐสโน โหติ🤖 AI จับคู่
Kathañca, bhikkhave, bhikkhu samavayasaṭṭhesano hoti?
And how has a mendicant totally given up searching?
อิธ ภิกฺขเว
ภิกฺขุโน กาเมสนา ปหีนา โหติ ภเวสนา ปหีนา โหติ พฺรหฺมจริเยสนา
ปฏิปฺปสฺสทฺธา🤖 AI จับคู่
Idha, bhikkhave, bhikkhuno kāmesanā pahīnā hoti, bhavesanā pahīnā hoti, brahmacariyesanā paṭippassaddhā.
It’s when they’ve given up searching for sensual pleasures, for continued existence, and for a spiritual life.
เอวํ โข ภิกฺขเว ภิกฺขุ สมวยสฏฺเฐสโน โหติ ฯ🤖 AI จับคู่
Evaṁ kho, bhikkhave, bhikkhu samavayasaṭṭhesano hoti.
That’s how a mendicant has totally given up searching.
กถญฺจ ภิกฺขเว ภิกฺขุ อนาวิลสงฺกปฺโป โหติ🤖 AI จับคู่
Kathañca, bhikkhave, bhikkhu anāvilasaṅkappo hoti?
And how does a mendicant have unsullied intentions?
อิธ ภิกฺขเว
ภิกฺขุโน กามสงฺกปฺโป ปหีโน โหติ พฺยาปาทสงฺกปฺโป ปหีโน โหติ
วิหึสาสงฺกปฺโป ปหีโน โหติ🤖 AI จับคู่
Idha, bhikkhave, bhikkhuno kāmasaṅkappo pahīno hoti, byāpādasaṅkappo pahīno hoti, vihiṁsāsaṅkappo pahīno hoti.
It’s when a mendicant has given up intentions of sensuality, malice, and cruelty.
เอวํ โข ภิกฺขเว ภิกฺขุ อนาวิลสงฺกปฺโป
โหติ ฯ🤖 AI จับคู่
Evaṁ kho, bhikkhave, bhikkhu anāvilasaṅkappo hoti.
That’s how a mendicant has unsullied intentions.
กถญฺจ ภิกฺขเว ภิกฺขุ ปสฺสทฺธกายสงฺขาโร โหติ🤖 AI จับคู่
Kathañca, bhikkhave, bhikkhu passaddhakāyasaṅkhāro hoti?
And how has a mendicant stilled the physical process?
อิธ
ภิกฺขเว ภิกฺขุ สุขสฺส จ ปหานา ทุกฺขสฺส จ ปหานา ปุพฺเพว
โสมนสฺสโทมนสฺสานํ อตฺถงฺคมา อทุกฺขมสุขํ อุเปกฺขาสติปาริสุทฺธึ
จตุตฺถํ ฌานํ อุปสมฺปชฺช วิหรติ🤖 AI จับคู่
Idha, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.
It’s when, with the giving up of pleasure and pain and the disappearance of former happiness and sadness, they enter and remain in the fourth absorption, without pleasure or pain, with pure equanimity and mindfulness.
เอวํ โข ภิกฺขเว ภิกฺขุ ปสฺสทฺธกายสงฺขาโร
โหติ ฯ🤖 AI จับคู่
Evaṁ kho, bhikkhave, bhikkhu passaddhakāyasaṅkhāro hoti.
That’s how a mendicant has stilled the physical process.
กถญฺจ ภิกฺขเว ภิกฺขุ สุวิมุตฺตจิตฺโต โหติ🤖 AI จับคู่
Kathañca, bhikkhave, bhikkhu suvimuttacitto hoti?
And how is a mendicant well freed in mind?
อ้างอิงพุทธชยันตี 23.60
อิธ ภิกฺขเว
ภิกฺขุโน ราคา จิตฺตํ วิมุตฺตํ โหติ โทสา จิตฺตํ วิมุตฺตํ โหติ โมหา
จิตฺตํ วิมุตฺตํ โหติ🤖 AI จับคู่
Idha, bhikkhave, bhikkhuno rāgā cittaṁ vimuttaṁ hoti, dosā cittaṁ vimuttaṁ hoti, mohā cittaṁ vimuttaṁ hoti.
It’s when a mendicant’s mind is freed from greed, hate, and delusion.
เอวํ โข ภิกฺขเว ภิกฺขุ สุวิมุตฺตจิตฺโต โหติ ฯ🤖 AI จับคู่
Evaṁ kho, bhikkhave, bhikkhu suvimuttacitto hoti.
That’s how a mendicant is well freed in mind.
กถญฺจ ภิกฺขเว ภิกฺขุ สุวิมุตฺตปญฺโญ โหติ🤖 AI จับคู่
Kathañca, bhikkhave, bhikkhu suvimuttapañño hoti?
And how is a mendicant well freed by wisdom?
อ้างอิงPTS 5.32 · สยามรัฐ 24.34
อิธ ภิกฺขเว
ภิกฺขุ ราโค เม ปหีโน อุจฺฉินฺนมูโล ตาลาวตฺถุกโต อนภาวํ คโต
อายตึอนุปฺปาทธมฺโมติ ปชานาติ โทโส เม ปหีโน ฯเปฯ โมโห เม
ปหีโน อุจฺฉินฺนมูโล ตาลาวตฺถุกโต อนภาวํ คโต อายตึอนุปฺปาทธมฺโมติ
ปชานาติ🤖 AI จับคู่
Idha, bhikkhave, bhikkhu ‘rāgo me pahīno ucchinnamūlo tālāvatthukato anabhāvaṅkato āyatiṁ anuppādadhammo’ti pajānāti, doso me pahīno …pe… ‘moho me pahīno ucchinnamūlo tālāvatthukato anabhāvaṅkato āyatiṁ anuppādadhammo’ti pajānāti.
It’s when a mendicant understands: ‘I’ve given up greed, hate, and delusion, cut them off at the root, made them like a palm stump, obliterated them, so they’re unable to arise in the future.’
เอวํ โข ภิกฺขเว ภิกฺขุ สุวิมุตฺตปญฺโญ โหติ ฯ🤖 AI จับคู่
Evaṁ kho, bhikkhave, bhikkhu suvimuttapañño hoti.
That’s how a mendicant’s mind is well freed by wisdom.
เย หิ เกจิ ภิกฺขเว อตีตมทฺธานํ อริยา อริยวาเส อาวสึสุ
สพฺเพ เต อิเมว ทส อริยวาเส อาวสึสุ🤖 AI จับคู่
Ye hi keci, bhikkhave, atītamaddhānaṁ ariyā ariyāvāse āvasiṁsu, sabbe te imeva dasa ariyāvāse āvasiṁsu;
Mendicants, whether in the past, future, or present, all noble ones abide in these same ten abodes of the noble ones.
อ้างอิงฉัฏฐสังคายนา 40.28
เย หิ เกจิ ภิกฺขเว อนาคตมทฺธานํ
อริยา อริยวาเส อาวสิสฺสนฺติ สพฺเพ เต อิเมว ทส อริยวาเส อาวสิสฺสนฺติ🤖 AI จับคู่
ye hi keci, bhikkhave, anāgatamaddhānaṁ ariyā ariyāvāse āvasissanti, sabbe te imeva dasa ariyāvāse āvasissanti;
เย หิ เกจิ ภิกฺขเว เอตรหิ อริยา อริยวาเส อาวสนฺติ สพฺเพ เต อิเมว
ทส อริยวาเส อาวสนฺติ🤖 AI จับคู่
ye hi keci, bhikkhave, etarahi ariyā ariyāvāse āvasanti, sabbe te imeva dasa ariyāvāse āvasanti.
อิเม โข ภิกฺขเว ทส อริยวาสา เย อริยา อาวสึสุ
วา อาวสนฺติ วา อาวสิสฺสนฺติ วาติ ฯ🤖 AI จับคู่
Ime kho, bhikkhave, dasa ariyāvāsā, ye ariyā āvasiṁsu vā āvasanti vā āvasissanti vā”ti.
These are the ten abodes of the noble ones in which the noble ones of the past, present, and future abide.”
นาถกรณวคฺโค ทุติโย ฯ🤖 AI จับคู่
Nāthavaggo dutiyo.
ตสฺสุทฺทานํ🤖 AI จับคู่
Tassuddānaṁ
เสนาสนา จ องฺคา จ🤖 AI จับคู่
Senāsanañca pañcaṅgaṁ,
สํโยชนขิเลน จ🤖 AI จับคู่
Saṁyojanākhilena ca;
อปฺปมาโท อาหุเนยฺโย🤖 AI จับคู่
Appamādo āhuneyyo,
เทฺว นาถา เทฺววเสน จาติ ฯ
----------
มหาวคฺโค ตติโย🤖 AI จับคู่
Dve nāthā dve ariyāvāsāti.