เล่ม ๓๕ — อภิธรรมปิฎก ธัมมสังคณี ข้อ 1035

vb17:325.1 #

กถญฺจ อิตฺถสฺมีติ โหติ✎ ร่าง

Kathañca itthasmīti hoti?

vb17:312.2 #

—

“Asmī”ti iñjitametaṁ, “ahamasmī”ti iñjitametaṁ, “ayamahamasmī”ti iñjitametaṁ “bhavissan”ti iñjitametaṁ, “rūpī bhavissan”ti iñjitametaṁ, “arūpī bhavissan”ti iñjitametaṁ, “saññī bhavissan”ti iñjitametaṁ, “asaññī bhavissan”ti iñjitametaṁ, “nevasaññīnāsaññī bhavissan”ti iñjitametaṁ—

vb17:312.3 #

—

imāni nava iñjitāni.

vb17:313.1 #

—

Tattha katamāni nava maññitāni …pe…

อ้างอิงPTS 391 · สยามรัฐ 35.528

vb17:313.2 #

—

nava phanditāni …pe…

vb17:313.3 #

—

nava papañcitāni …pe…

vb17:313.4 #

—

nava saṅkhatāni?

vb17:313.5 #

—

“Asmī”ti saṅkhatametaṁ, “ahamasmī”ti saṅkhatametaṁ, “ayamahamasmī”ti saṅkhatametaṁ, “bhavissan”ti saṅkhatametaṁ, “rūpī bhavissan”ti saṅkhatametaṁ, “arūpī bhavissan”ti saṅkhatametaṁ, “saññī bhavissan”ti saṅkhatametaṁ, “asaññī bhavissan”ti saṅkhatametaṁ, “nevasaññīnāsaññī bhavissan”ti saṅkhatametaṁ—

vb17:313.6 #

—

imāni nava saṅkhatāni. –9

vb17:314.1 #

—

Navakaṁ.

vb17:315.0 #

—

10. Dasakaniddesa

vb17:315.1 #

—

Tattha katamāni dasa kilesavatthūni?

vb17:315.2 #

—

Lobho, doso, moho, māno, diṭṭhi, vicikicchā, thinaṁ, uddhaccaṁ, ahirikaṁ, anottappaṁ—

vb17:315.3 #

—

imāni dasa kilesavatthūni.

vb17:316.1 #

—

Tattha katamāni dasa āghātavatthūni?

อ้างอิงฉัฏฐสังคายนา 114.459

vb17:316.2 #

—

“Anatthaṁ me acarī”ti āghāto jāyati, “anatthaṁ me caratī”ti āghāto jāyati, “anatthaṁ me carissatī”ti āghāto jāyati, “piyassa me manāpassa anatthaṁ acari …pe…

vb17:316.3 #

—

anatthaṁ carati …pe…

vb17:316.4 #

—

anatthaṁ carissatī”ti āghāto jāyati, “appiyassa me amanāpassa atthaṁ acari …pe…

vb17:316.5 #

—

atthaṁ carati …pe…

vb17:316.6 #

—

atthaṁ carissatī”ti āghāto jāyati, aṭṭhāne vā pana āghāto jāyati—

vb17:316.7 #

—

imāni dasa āghātavatthūni.

vb17:317.1 #

—

Tattha katame dasa akusalakammapathā?

vb17:317.2 #

—

Pāṇātipāto, adinnādānaṁ, kāmesumicchācāro, musāvādo, pisuṇā vācā, pharusā vācā, samphappalāpo, abhijjhā, byāpādo, micchādiṭṭhi—

vb17:317.3 #

—

ime dasa akusalakammapathā.

vb17:318.1 #

—

Tattha katamāni dasa saṁyojanāni?

อ้างอิงสยามรัฐ 35.529

vb17:318.2 #

—

Kāmarāgasaṁyojanaṁ, paṭighasaṁyojanaṁ, mānasaṁyojanaṁ, diṭṭhisaṁyojanaṁ, vicikicchāsaṁyojanaṁ, sīlabbataparāmāsasaṁyojanaṁ, bhavarāgasaṁyojanaṁ, issāsaṁyojanaṁ, macchariyasaṁyojanaṁ, avijjāsaṁyojanaṁ—

vb17:318.3 #

—

imāni dasa saṁyojanāni.

vb17:319.1 #

—

Tattha katame dasa micchattā?

อ้างอิงPTS 392 · พุทธชยันตี 43.262

vb17:319.2 #

—

Micchādiṭṭhi, micchāsaṅkappo, micchāvācā, micchākammanto, micchāājīvo, micchāvāyāmo, micchāsati, micchāsamādhi, micchāñāṇaṁ, micchāvimutti—

vb17:319.3 #

—

ime dasa micchattā.

vb17:320.1 #

—

Tattha katamā dasavatthukā micchādiṭṭhi?

อ้างอิงฉัฏฐสังคายนา 114.460

vb17:320.2 #

—

“Natthi dinnaṁ, natthi yiṭṭhaṁ, natthi hutaṁ, natthi sukatadukkaṭānaṁ kammānaṁ phalaṁ vipāko, natthi ayaṁ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammā paṭipannā ye imañca lokaṁ parañca lokaṁ sayaṁ abhiññā sacchikatvā pavedentī”ti—

vb17:320.3 #

—

ayaṁ dasavatthukā micchādiṭṭhi.

vb17:321.1 #

—

Tattha katamā dasavatthukā antaggāhikā diṭṭhi?

vb17:321.2 #

—

Sassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā—

vb17:321.3 #

—

ayaṁ dasavatthukā antaggāhikā diṭṭhi.

vb17:322.1 #

—

Dasakaṁ.

vb17:323.0 #

—

11. Taṇhāvicaritaniddesa

vb17:323.1 #

—

Tattha katamāni aṭṭhārasa taṇhāvicaritāni ajjhattikassa upādāya?

อ้างอิงPTS 393 · สยามรัฐ 35.530

vb17:323.2 #

—

Asmīti hoti, itthasmīti hoti, evasmīti hoti, aññathāsmīti hoti, bhavissanti hoti, itthaṁ bhavissanti hoti, evaṁ bhavissanti hoti, aññathā bhavissanti hoti, asasmīti hoti, sātasmīti hoti, siyanti hoti, itthaṁ siyanti hoti, evaṁ siyanti hoti, aññathā siyanti hoti, apāhaṁ siyanti hoti, apāhaṁ itthaṁ siyanti hoti, apāhaṁ evaṁ siyanti hoti, apāhaṁ aññathā siyanti hoti.

vb17:324.1 #

—

Kathañca asmīti hoti?

อ้างอิงฉัฏฐสังคายนา 114.461

vb17:324.2 #

—

Kañci dhammaṁ anavakāriṁ karitvā rūpaṁ …pe…

vb17:324.3 #

—

vedanaṁ …pe…

vb17:324.4 #

—

saññaṁ …pe…

vb17:324.5 #

—

saṅkhāre …pe…

vb17:324.6 #

—

viññāṇaṁ asmīti chandaṁ paṭilabhati, asmīti mānaṁ paṭilabhati, asmīti diṭṭhiṁ paṭilabhati.

vb17:325.2 #

ขตฺติโยสฺมีติ วา พฺราหฺมโณสฺมีติ วา เวสฺโสสฺมีติ วา สุทฺโทสฺมีติ วา คหฏฺโฐสฺมีติ วา ปพฺพชิโตสฺมีติ วา เทโวสฺมีติ วา มนุสฺโสสฺมีติ วา รูปีสฺมีติ วา อรูปีสฺมีติ วา สญฺญีสฺมีติ วา อสญฺญีสฺมีติ วา เนวสญฺญีนาสญฺญีสฺมีติ วา✎ ร่าง

Khattiyosmīti vā, brāhmaṇosmīti vā, vessosmīti vā, suddosmīti vā, gahaṭṭhosmīti vā, pabbajitosmīti vā, devosmīti vā, manussosmīti vā, rūpīsmīti vā, arūpīsmīti vā, saññīsmīti vā, asaññīsmīti vā, nevasaññīnāsaññīsmīti vā—

vb17:325.3 #

เอวํ อิตฺถสฺมีติ โหติ ฯ✎ ร่าง

evaṁ itthasmīti hoti.