Vipākañca nevavipākanavipākadhammadhammañca dhammaṁ paccayā vipāko dhammo uppajjati aññamaññapaccayā—cakkhuviññāṇasahagataṁ ekaṁ khandhañca cakkhāyatanañca paccayā tayo khandhā …pe… dve khandhe ca cakkhāyatanañca paccayā dve khandhā, sota … ghāna … jivhā … kāya …pe… vipākaṁ ekaṁ khandhañca vatthuñca paccayā tayo khandhā …pe… dve khandhe ca vatthuñca paccayā dve khandhā; paṭisandhikkhaṇe vipākaṁ ekaṁ khandhañca vatthuñca paccayā tayo khandhā …pe… dve khandhe ca vatthuñca paccayā dve khandhā.