เล่ม ๔๑ — อภิธรรมปิฎก ยมก ๒ ข้อ 15

patthana1.7:38.1 #

สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ สวิตกฺก- สวิจาโร จ อวิตกฺกอวิจาโร จ ธมฺมา อุปฺปชฺชนฺติ เหตุปจฺจยา สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ จ วิตกฺกญฺจ ปฏิจฺจ เทฺว ขนฺธา จิตฺตสมุฏฺฐานญฺจ รูปํ ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา กฏตฺตา จ รูปํ เทฺว ขนฺเธ จ วิตกฺกญฺจ ปฏิจฺจ เทฺว ขนฺธา กฏตฺตา จ รูปํ ฯ🤖 AI จับคู่

Savitakkasavicārañca avitakkavicāramattañca avitakkaavicārañca dhammaṁ paṭicca savitakkasavicāro ca avitakkaavicāro ca dhammā uppajjanti hetupaccayā— paṭisandhikkhaṇe savitakkasavicāraṁ ekaṁ khandhañca vitakkañca vatthuñca paṭicca tayo khandhā, tayo khandhe ca vitakkañca vatthuñca paṭicca eko khandho, dve khandhe ca vitakkañca vatthuñca paṭicca dve khandhā; savitakkasavicāre khandhe ca vitakkañca mahābhūte ca paṭicca kaṭattārūpaṁ.

อ้างอิงพุทธชยันตี 50.389

patthana1.7:39.0 #

—

Ārammaṇa

patthana1.7:39.1 #

—

Savitakkasavicāraṁ dhammaṁ paṭicca savitakkasavicāro dhammo uppajjati ārammaṇapaccayā—savitakkasavicāraṁ ekaṁ khandhaṁ paṭicca tayo khandhā …pe… dve khandhe paṭicca dve khandhā. Paṭisandhikkhaṇe …pe….

patthana1.7:40.1 #

—

Savitakkasavicāraṁ dhammaṁ paṭicca avitakkavicāramatto dhammo uppajjati ārammaṇapaccayā—savitakkasavicāre khandhe paṭicca vitakko. Paṭisandhikkhaṇe …pe….

อ้างอิงฉัฏฐสังคายนา 121.9

patthana1.7:41.1 #

—

Savitakkasavicāraṁ dhammaṁ paṭicca savitakkasavicāro ca avitakkavicāramatto ca dhammā uppajjanti ārammaṇapaccayā—savitakkasavicāraṁ ekaṁ khandhaṁ paṭicca tayo khandhā vitakko ca …pe… dve khandhe paṭicca dve khandhā vitakko ca. Paṭisandhikkhaṇe …pe….

patthana1.7:42.1 #

—

Avitakkavicāramattaṁ dhammaṁ paṭicca avitakkavicāramatto dhammo uppajjati ārammaṇapaccayā—avitakkavicāramattaṁ ekaṁ khandhaṁ paṭicca tayo khandhā …pe… dve khandhe paṭicca dve khandhā. Paṭisandhikkhaṇe …pe….

อ้างอิงสยามรัฐ 41.11

patthana1.7:43.1 #

—

Avitakkavicāramattaṁ dhammaṁ paṭicca savitakkasavicāro dhammo uppajjati ārammaṇapaccayā—vitakkaṁ paṭicca savitakkasavicārā khandhā. Paṭisandhikkhaṇe …pe….

patthana1.7:44.1 #

—

Avitakkavicāramattaṁ dhammaṁ paṭicca avitakkaavicāro dhammo uppajjati ārammaṇapaccayā—avitakkavicāramatte khandhe paṭicca vicāro. Paṭisandhikkhaṇe …pe….

patthana1.7:45.1 #

—

Avitakkavicāramattaṁ dhammaṁ paṭicca avitakkavicāramatto ca avitakkaavicāro ca dhammā uppajjanti ārammaṇapaccayā—avitakkavicāramattaṁ ekaṁ khandhaṁ paṭicca tayo khandhā vicāro ca …pe… dve khandhe paṭicca dve khandhā vicāro ca paṭisandhikkhaṇe …pe….

patthana1.7:46.1 #

—

Avitakkaavicāraṁ dhammaṁ paṭicca avitakkaavicāro dhammo uppajjati ārammaṇapaccayā—avitakkaavicāraṁ ekaṁ khandhaṁ paṭicca tayo khandhā …pe… dve khandhe paṭicca dve khandhā. Paṭisandhikkhaṇe avitakkaavicāraṁ ekaṁ khandhaṁ paṭicca tayo khandhā …pe… dve khandhe paṭicca dve khandhā. Paṭisandhikkhaṇe vatthuṁ paṭicca khandhā, vatthuṁ paṭicca vicāro.

อ้างอิงพุทธชยันตี 50.390

patthana1.7:47.1 #

—

Avitakkaavicāraṁ dhammaṁ paṭicca savitakkasavicāro dhammo uppajjati ārammaṇapaccayā—paṭisandhikkhaṇe vatthuṁ paṭicca savitakkasavicārā khandhā.

อ้างอิงฉัฏฐสังคายนา 121.10

patthana1.7:48.1 #

—

Avitakkaavicāraṁ dhammaṁ paṭicca avitakkavicāramatto dhammo uppajjati ārammaṇapaccayā—vicāraṁ paṭicca avitakkavicāramattā khandhā. Paṭisandhikkhaṇe vicāraṁ paṭicca avitakkavicāramattā khandhā. Paṭisandhikkhaṇe vatthuṁ paṭicca avitakkavicāramattā khandhā. Paṭisandhikkhaṇe vatthuṁ paṭicca vitakko.

อ้างอิงสยามรัฐ 41.12

patthana1.7:49.1 #

—

Avitakkaavicāraṁ dhammaṁ paṭicca avitakkavicāramatto ca avitakkaavicāro ca dhammā uppajjanti ārammaṇapaccayā—paṭisandhikkhaṇe vatthuṁ paṭicca avitakkavicāramattā khandhā vicāro ca.

patthana1.7:50.1 #

—

Avitakkaavicāraṁ dhammaṁ paṭicca savitakkasavicāro ca avitakkavicāramatto ca dhammā uppajjanti ārammaṇapaccayā—paṭisandhikkhaṇe vatthuṁ paṭicca savitakkasavicārā khandhā ca vitakko ca.

patthana1.7:51.1 #

—

Savitakkasavicārañca avitakkaavicārañca dhammaṁ paṭicca savitakkasavicāro dhammo uppajjati ārammaṇapaccayā—paṭisandhikkhaṇe savitakkasavicāraṁ ekaṁ khandhañca vatthuñca paṭicca tayo khandhā …pe… dve khandhe ca vatthuñca paṭicca dve khandhā.

patthana1.7:52.1 #

—

Savitakkasavicārañca avitakkaavicārañca dhammaṁ paṭicca avitakkavicāramatto dhammo uppajjati ārammaṇapaccayā—paṭisandhikkhaṇe savitakkasavicāre khandhe ca vatthuñca paṭicca vitakko.

patthana1.7:53.1 #

—

Savitakkasavicārañca avitakkaavicārañca dhammaṁ paṭicca savitakkasavicāro ca avitakkavicāramatto ca dhammā uppajjanti ārammaṇapaccayā—paṭisandhikkhaṇe savitakkasavicāraṁ ekaṁ khandhañca vatthuñca paṭicca tayo khandhā vitakko ca …pe… dve khandhe ca vatthuñca paṭicca dve khandhā vitakko ca.

patthana1.7:54.1 #

—

Avitakkavicāramattañca avitakkaavicārañca dhammaṁ paṭicca savitakkasavicāro dhammo uppajjati ārammaṇapaccayā—paṭisandhikkhaṇe vitakkañca vatthuñca paṭicca savitakkasavicārā khandhā.

อ้างอิงสยามรัฐ 41.13 · ฉัฏฐสังคายนา 121.11 · พุทธชยันตี 50.391

patthana1.7:55.1 #

—

Avitakkavicāramattañca avitakkaavicārañca dhammaṁ paṭicca avitakkavicāramatto dhammo uppajjati ārammaṇapaccayā—avitakkavicāramattaṁ ekaṁ khandhañca vicārañca paṭicca tayo khandhā …pe… dve khandhe ca vicārañca paṭicca dve khandhā. Paṭisandhikkhaṇe avitakkavicāramattaṁ ekaṁ khandhañca vicārañca paṭicca tayo khandhā …pe… dve khandhe ca vicārañca paṭicca dve khandhā. Paṭisandhikkhaṇe avitakkavicāramattaṁ ekaṁ khandhañca vatthuñca paṭicca tayo khandhā …pe… dve khandhe ca vatthuñca paṭicca dve khandhā.

patthana1.7:56.1 #

—

Avitakkavicāramattañca avitakkaavicārañca dhammaṁ paṭicca avitakkaavicāro dhammo uppajjati ārammaṇapaccayā—paṭisandhikkhaṇe avitakkavicāramatte khandhe ca vatthuñca paṭicca vicāro.

patthana1.7:57.1 #

—

Avitakkavicāramattañca avitakkaavicārañca dhammaṁ paṭicca avitakkavicāramatto ca avitakkaavicāro ca dhammā uppajjanti ārammaṇapaccayā—paṭisandhikkhaṇe avitakkavicāramattaṁ ekaṁ khandhañca vatthuñca paṭicca tayo khandhā vicāro ca …pe… dve khandhe ca vatthuñca paṭicca dve khandhā vicāro ca.