Sanidassanasappaṭigho dhammo anidassanaappaṭighassa dhammassa purejātapaccayena paccayo. Ārammaṇapurejātaṁ—rūpe aniccato dukkhato anattato vipassati, assādeti abhinandati, taṁ ārabbha rāgo uppajjati, diṭṭhi …pe… vicikicchā …pe… uddhaccaṁ …pe… domanassaṁ uppajjati, dibbena cakkhunā rūpaṁ passati, rūpāyatanaṁ cakkhuviññāṇassa purejātapaccayena paccayo.