เล่ม ๔๓ — อภิธรรมปิฎก ปัฏฐาน ๑ ข้อ 337

patthana2.10:1054.1 #

นเหตุยา นว นอารมฺมเณ นว สพฺพตฺถ นว นสมฺปยุตฺเต นว นวิปฺปยุตฺเต ฉ โนอตฺถิยา จตฺตาริ โนนตฺถิยา นว โนวิคเต นว โนอวิคเต จตฺตาริ ฯ✎ ร่าง

Nahetuyā nava, naārammaṇe nava (sabbattha nava), nasampayutte nava, navippayutte cha, noatthiyā cattāri, nonatthiyā nava, novigate nava, noavigate cattāri.

patthana2.10:1008.1 #

—

Noupādā dhammo noupādā dhammassa adhipatipaccayena paccayo—ārammaṇādhipati, sahajātādhipati. Ārammaṇādhipati—dānaṁ …pe… sīlaṁ …pe… uposathakammaṁ katvā taṁ garuṁ katvā paccavekkhati assādeti abhinandati, taṁ garuṁ katvā rāgo uppajjati, diṭṭhi uppajjati. Pubbe suciṇṇāni …pe… jhānā vuṭṭhahitvā jhānaṁ …pe… ariyā maggā vuṭṭhahitvā maggaṁ garuṁ katvā …pe… phalaṁ …pe… nibbānaṁ garuṁ katvā paccavekkhanti. Nibbānaṁ gotrabhussa, vodānassa, maggassa, phalassa adhipatipaccayena paccayo; phoṭṭhabbe noupādā khandhe garuṁ katvā assādeti abhinandati, taṁ garuṁ katvā rāgo uppajjati, diṭṭhi uppajjati. Sahajātādhipati—noupādādhipati sampayuttakānaṁ khandhānaṁ noupādā ca cittasamuṭṭhānānaṁ rūpānaṁ adhipatipaccayena paccayo.

patthana2.10:1009.1 #

—

Noupādā dhammo upādā dhammassa adhipatipaccayena paccayo. Sahajātādhipati—noupādādhipati upādā cittasamuṭṭhānānaṁ rūpānaṁ adhipatipaccayena paccayo.

อ้างอิงสยามรัฐ 43.195 · ฉัฏฐสังคายนา 122.652

patthana2.10:1010.1 #

—

Noupādā dhammo upādā ca noupādā ca dhammassa adhipatipaccayena paccayo. Sahajātādhipati—noupādādhipati sampayuttakānaṁ khandhānaṁ upādā ca noupādā ca cittasamuṭṭhānānaṁ rūpānaṁ adhipatipaccayena paccayo.

patthana2.10:1011.0 #

—

Anantarādi

patthana2.10:1011.1 #

—

Noupādā dhammo noupādā dhammassa anantarapaccayena paccayo—purimā purimā noupādā khandhā pacchimānaṁ pacchimānaṁ noupādā khandhānaṁ anantarapaccayena paccayo; anulomaṁ gotrabhussa …pe… phalasamāpattiyā anantarapaccayena paccayo.

patthana2.10:1012.1 #

—

Samanantarapaccayena paccayo … sahajātapaccayena paccayo (paṭiccasadisaṁ) … aññamaññapaccayena paccayo (paṭiccasadisaṁ) … nissayapaccayena paccayo. (Paccayavāre nissayasadisaṁ.)

patthana2.10:1013.0 #

—

Upanissaya

patthana2.10:1013.1 #

—

Upādā dhammo noupādā dhammassa upanissayapaccayena paccayo—ārammaṇūpanissayo, pakatūpanissayo …pe…. Pakatūpanissayo—cakkhusampadaṁ …pe… kāyasampadaṁ … vaṇṇasampadaṁ … saddasampadaṁ … gandhasampadaṁ … rasasampadaṁ … bhojanaṁ upanissāya dānaṁ deti …pe… saṅghaṁ bhindati, cakkhusampadā …pe… kāyasampadā … vaṇṇasampadā … saddasampadā … gandhasampadā … rasasampadā … bhojanaṁ saddhāya …pe… phalasamāpattiyā upanissayapaccayena paccayo.

patthana2.10:1014.1 #

—

Noupādā dhammo noupādā dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—saddhaṁ upanissāya dānaṁ deti …pe… samāpattiṁ uppādeti, mānaṁ jappeti, diṭṭhiṁ gaṇhāti; sīlaṁ …pe… paññaṁ … rāgaṁ …pe… patthanaṁ … kāyikaṁ sukhaṁ … kāyikaṁ dukkhaṁ … utuṁ … senāsanaṁ upanissāya dānaṁ deti …pe… saṅghaṁ bhindati; saddhā …pe… senāsanaṁ saddhāya …pe… phalasamāpattiyā upanissayapaccayena paccayo.

อ้างอิงสยามรัฐ 43.196 · ฉัฏฐสังคายนา 122.653

patthana2.10:1015.0 #

—

Purejāta

patthana2.10:1015.1 #

—

Upādā dhammo noupādā dhammassa purejātapaccayena paccayo—ārammaṇapurejātaṁ, vatthupurejātaṁ. Ārammaṇapurejātaṁ—cakkhuṁ …pe… vatthuṁ aniccato …pe… domanassaṁ uppajjati; dibbena cakkhunā rūpaṁ passati, dibbāya sotadhātuyā saddaṁ suṇāti. Rūpāyatanaṁ cakkhuviññāṇassa …pe… rasāyatanaṁ jivhāviññāṇassa …pe…. Vatthupurejātaṁ—cakkhāyatanaṁ cakkhuviññāṇassa …pe… kāyāyatanaṁ …pe… vatthu noupādā khandhānaṁ purejātapaccayena paccayo.

อ้างอิงพุทธชยันตี 51.1022

patthana2.10:1016.1 #

—

Noupādā dhammo noupādā dhammassa purejātapaccayena paccayo. Ārammaṇapurejātaṁ—phoṭṭhabbe aniccato …pe… domanassaṁ uppajjati; phoṭṭhabbāyatanaṁ kāyaviññāṇassa purejātapaccayena paccayo.

patthana2.10:1017.1 #

—

Upādā ca noupādā ca dhammā noupādā dhammassa purejātapaccayena paccayo— ārammaṇapurejātaṁ, vatthupurejātaṁ. Phoṭṭhabbāyatanañca kāyāyatanañca kāyaviññāṇassa purejātapaccayena paccayo; phoṭṭhabbāyatanañca vatthu ca noupādā khandhānaṁ purejātapaccayena paccayo.

patthana2.10:1018.0 #

—

Pacchājātāsevana

patthana2.10:1018.1 #

—

Noupādā dhammo noupādā dhammassa pacchājātapaccayena paccayo—pacchājātā noupādā khandhā purejātassa imassa noupādā kāyassa pacchājātapaccayena paccayo. (Mūlaṁ pucchitabbaṁ.) Pacchājātā noupādā khandhā purejātassa imassa upādā kāyassa pacchājātapaccayena paccayo. (Mūlaṁ pucchitabbaṁ.) Pacchājātā noupādā khandhā purejātassa imassa upādā kāyassa ca noupādā kāyassa ca pacchājātapaccayena paccayo.

อ้างอิงสยามรัฐ 43.197

patthana2.10:1019.1 #

—

Āsevanapaccayena paccayo … ekaṁ.

patthana2.10:1020.0 #

—

Kamma

patthana2.10:1020.1 #

—

Noupādā dhammo noupādā dhammassa kammapaccayena paccayo—sahajātā, nānākkhaṇikā. Sahajātā—noupādā cetanā sampayuttakānaṁ khandhānaṁ noupādā ca cittasamuṭṭhānānaṁ rūpānaṁ kammapaccayena paccayo; paṭisandhikkhaṇe …pe…. Nānākkhaṇikā—noupādā cetanā vipākānaṁ khandhānaṁ noupādā ca kaṭattārūpānaṁ kammapaccayena paccayo.

อ้างอิงฉัฏฐสังคายนา 122.654

patthana2.10:1021.1 #

—

Noupādā dhammo upādā dhammassa kammapaccayena paccayo—sahajātā, nānākkhaṇikā. Sahajātā—noupādā cetanā upādā cittasamuṭṭhānānaṁ rūpānaṁ kammapaccayena paccayo; paṭisandhikkhaṇe …pe…. Nānākkhaṇikā—noupādā cetanā upādā kaṭattārūpānaṁ kammapaccayena paccayo.

patthana2.10:1055.0 #

—

2.10.13.7.3. Paccayānulomapaccanīya