เตน สมเยน พุทฺโธ ภควา สาวตฺถิยํ วิหรติ เชตวเน
อนาถปิณฺฑิกสฺส อาราเม ฯ✎ ร่าง
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
อ้างอิงสยามรัฐ 2.327 · พุทธชยันตี 2.1.228
เตน โข ปน สมเยน อญฺญตโร
พฺราหฺมโณ ภิกฺขู นิมนฺเตตฺวา โภเชสิ ฯ✎ ร่าง
Tena kho pana samayena aññataro brāhmaṇo bhikkhū nimantetvā bhojesi.
ภิกฺขู ภุตฺตาวี ปวาริตา
ญาติกุลานิ คนฺตฺวา เอกจฺเจ ภุญฺชึสุ เอกจฺเจ ปิณฺฑปาตํ
อาทาย อคมํสุ ฯ✎ ร่าง
Bhikkhū bhuttāvī pavāritā ñātikulāni gantvā ekacce bhuñjiṁsu ekacce piṇḍapātaṁ ādāya agamaṁsu.
อถโข โส พฺราหฺมโณ ปฏิวิสฺสเก เอตทโวจ✎ ร่าง
Atha kho so brāhmaṇo paṭivissake etadavoca—
ภิกฺขู มยา อยฺยา สนฺตปฺปิตา✎ ร่าง
“bhikkhū mayā, ayyā, santappitā.
เอถ ตุเมฺหปิ สนฺตปฺเปสฺสามีติ ฯ✎ ร่าง
Etha, tumhepi santappessāmī”ti.
เต เอวมาหํสุ กึ ตฺวํ อยฺย ๑- อเมฺห สนฺตปฺเปสฺสสิ✎ ร่าง
Te evamāhaṁsu—“kiṁ tvaṁ, ayyo, amhe santappessasi?
เยปิ ตยา
นิมนฺติตา เตปิ อมฺหากํ ฆรานิ อาคนฺตฺวา เอกจฺเจ ภุญฺชึสุ
เอกจฺเจ ปิณฺฑปาตํ อาทาย อคมํสูติ ฯ✎ ร่าง
Yepi tayā nimantitā tepi amhākaṁ gharāni āgantvā ekacce bhuñjiṁsu ekacce piṇḍapātaṁ ādāya agamaṁsū”ti.
อถโข โส พฺราหฺมโณ อุชฺฌายติ ขียติ วิปาเจติ✎ ร่าง
Atha kho so brāhmaṇo ujjhāyati khiyyati vipāceti—
กถํ หิ นาม ภทฺทนฺตา อมฺหากํ ฆเร ภุญฺชิตฺวา อญฺญตฺร
ภุญฺชิสฺสนฺติ✎ ร่าง
“kathañhi nāma bhadantā amhākaṁ ghare bhuñjitvā aññatra bhuñjissanti.
น จาหํ ปฏิพโล ยาวทตฺถํ ทาตุนฺติ ฯ✎ ร่าง
Na cāhaṁ paṭibalo yāvadatthaṁ dātun”ti.
อสฺโสสุํ โข ภิกฺขู ตสฺส พฺราหฺมณสฺส อุชฺฌายนฺตสฺส
ขียนฺตสฺส วิปาเจนฺตสฺส ฯ✎ ร่าง
Assosuṁ kho bhikkhū tassa brāhmaṇassa ujjhāyantassa khiyyantassa vipācentassa.
อ้างอิงPTS 4.82 · สยามรัฐ 2.328 · ฉัฏฐสังคายนา 88.113
เย เต ภิกฺขู อปฺปิจฺฉา ฯเปฯ เต
อุชฺฌายนฺติ ขียนฺติ วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
กถํ หิ นาม ภิกฺขู ภุตฺตาวี
ปวาริตา อญฺญตฺร ภุญฺชิสฺสนฺตีติ ฯเปฯ✎ ร่าง
“kathañhi nāma bhikkhū bhuttāvī pavāritā aññatra bhuñjissantī”ti …pe…
สจฺจํ กิร ภิกฺขเว ภิกฺขู
ภุตฺตาวี ปวาริตา อญฺญตฺร ภุญฺชนฺตีติ ฯ✎ ร่าง
“saccaṁ kira, bhikkhave, bhikkhū bhuttāvī pavāritā aññatra bhuñjantī”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ พุทฺโธ ภควา✎ ร่าง
Vigarahi buddho bhagavā …pe…
กถํ หิ นาม เต ภิกฺขเว โมฆปุริสา
ภุตฺตาวี ปวาริตา อญฺญตฺร ภุญฺชิสฺสนฺติ✎ ร่าง
kathañhi nāma te, bhikkhave, moghapurisā bhuttāvī pavāritā aññatra bhuñjissanti.
เนตํ ภิกฺขเว
@เชิงอรรถ: ๑ ม. อยฺโย ฯ
อปฺปสนฺนานํ วา ปสาทาย ปสนฺนานํ วา ภิยฺโยภาวาย ฯเปฯ✎ ร่าง
Netaṁ, bhikkhave, appasannānaṁ vā pasādāya …pe…
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana, bhikkhave, imaṁ sikkhāpadaṁ uddiseyyātha—
โย ปน ภิกฺขุ ภุตฺตาวี ปวาริโต ขาทนียํ วา โภชนียํ
วา ขาเทยฺย วา ภุญฺเชยฺย วา ปาจิตฺติยนฺติ ฯ✎ ร่าง
“Yo pana bhikkhu bhuttāvī pavārito khādanīyaṁ vā bhojanīyaṁ vā khādeyya vā bhuñjeyya vā, pācittiyan”ti.
เอวญฺจิทํ ภควตา ภิกฺขูนํ สิกฺขาปทํ ปญฺญตฺตํ โหติ ฯ✎ ร่าง
Evañcidaṁ bhagavatā bhikkhūnaṁ sikkhāpadaṁ paññattaṁ hoti.