เตน สมเยน พุทฺโธ ภควา สาวตฺถิยํ วิหรติ เชตวเน
อนาถปิณฺฑิกสฺส อาราเม ฯ✎ ร่าง
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
อ้างอิงPTS 4.84 · สยามรัฐ 2.331 · ฉัฏฐสังคายนา 88.115
เตน โข ปน สมเยน เทฺว ภิกฺขู
โกสเลสุ ชนปเทสุ ๑- สาวตฺถึ อทฺธานมคฺคปฏิปนฺนา โหนฺติ ฯ✎ ร่าง
Tena kho pana samayena dve bhikkhū kosalesu janapade sāvatthiṁ addhānamaggappaṭipannā honti.
เอโก ภิกฺขุ อนาจารํ อาจรติ ฯ✎ ร่าง
Eko bhikkhu anācāraṁ ācarati.
ทุติโย ภิกฺขุ ตํ ภิกฺขุํ เอตทโวจ✎ ร่าง
Dutiyo bhikkhu taṁ bhikkhuṁ etadavoca—
มา
อาวุโส เอวรูปํ อกาสิ เนตํ กปฺปตีติ ฯ✎ ร่าง
“māvuso, evarūpamakāsi, netaṁ kappatī”ti.
โส ตสฺมึ อุปนนฺธิ ฯ✎ ร่าง
So tasmiṁ upanandhi.
อถโข เต ภิกฺขู สาวตฺถึ อคมํสุ ฯ✎ ร่าง
Atha kho te bhikkhū sāvatthiṁ agamaṁsu.
เตน โข ปน สมเยน สาวตฺถิยํ
อญฺญตรสฺส ปูคสฺส สงฺฆภตฺตํ โหติ ฯ✎ ร่าง
Tena kho pana samayena sāvatthiyaṁ aññatarassa pūgassa saṅghabhattaṁ hoti.
ทุติโย ภิกฺขุ ภุตฺตาวี
ปวาริโต โหติ ฯ✎ ร่าง
Dutiyo bhikkhu bhuttāvī pavārito hoti.
อุปนทฺโธ ภิกฺขุ ญาติกุลํ คนฺตฺวา ปิณฺฑปาตํ
อาทาย เยน โส ภิกฺขุ เตนุปสงฺกมิ อุปสงฺกมิตฺวา ตํ ภิกฺขุํ
เอตทโวจ✎ ร่าง
Upanaddho bhikkhu ñātikulaṁ gantvā piṇḍapātaṁ ādāya yena so bhikkhu tenupasaṅkami; upasaṅkamitvā taṁ bhikkhuṁ etadavoca—
ภุญฺชาหิ อาวุโสติ ฯ✎ ร่าง
“bhuñjāhi, āvuso”ti.
อลํ อาวุโส ปริปุณฺโณมฺหีติ ฯ✎ ร่าง
“Alaṁ, āvuso, paripuṇṇomhī”ti.
สุนฺทโร อาวุโส ปิณฺฑปาโต ภุญฺชาหีติ ฯ✎ ร่าง
“Sundaro, āvuso, piṇḍapāto, bhuñjāhī”ti.
อถโข โส ภิกฺขุ เตน ภิกฺขุนา นิปฺปิฬิยมาโน ตํ
ปิณฺฑปาตํ ภุญฺชิ ฯ✎ ร่าง
Atha kho so bhikkhu tena bhikkhunā nippīḷiyamāno taṁ piṇḍapātaṁ bhuñji.
อุปนทฺโธ ภิกฺขุ ตํ ภิกฺขุํ เอตทโวจ✎ ร่าง
Upanaddho bhikkhu taṁ bhikkhuṁ etadavoca—
ตฺวํ ๒- หิ
นาม อาวุโส มํ วตฺตพฺพํ มญฺญสิ ยํ ตฺวํ ภุตฺตาวี ปวาริโต
อนติริตฺตํ โภชนํ ภุญฺชสีติ ฯ✎ ร่าง
“tvampi nāma, āvuso, maṁ vattabbaṁ maññasi yaṁ tvaṁ bhuttāvī pavārito anatirittaṁ bhojanaṁ bhuñjasī”ti.
นนุ อาวุโส อาจิกฺขิตพฺพนฺติ ฯ✎ ร่าง
“Nanu, āvuso, ācikkhitabban”ti.
นนุ
อาวุโส ปุจฺฉิตพฺพนฺติ ฯ✎ ร่าง
“Nanu, āvuso, pucchitabban”ti.
อถโข โส ภิกฺขุ ภิกฺขูนํ เอตมตฺถํ อาโรเจสิ ฯ✎ ร่าง
Atha kho so bhikkhu bhikkhūnaṁ etamatthaṁ ārocesi.
อ้างอิงสยามรัฐ 2.332 · พุทธชยันตี 2.1.234
เย เต ภิกฺขู อปฺปิจฺฉา ฯเปฯ เต อุชฺฌายนฺติ ขียนฺติ วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
กถํ หิ นาม ภิกฺขุ ภิกฺขุํ ภุตฺตาวึ ปวาริตํ อนติริตฺเตน โภชเนน
@เชิงอรรถ: ๑ ม. สพฺพตฺถ ชนปเท ฯ ๒ ม. ตฺวํปิ ฯ
อภิหฏฺฐุํ ปวาเรสฺสตีติ ฯเปฯ✎ ร่าง
“kathañhi nāma bhikkhu bhikkhuṁ bhuttāviṁ pavāritaṁ anatirittena bhojanena abhihaṭṭhuṁ pavāressatī”ti …pe…
สจฺจํ กิร ตฺวํ ภิกฺขุ ภิกฺขุํ ภุตฺตาวึ
ปวาริตํ อนติริตฺเตน โภชเนน อภิหฏฺฐุํ ปวาเรสีติ ฯ✎ ร่าง
“saccaṁ kira tvaṁ, bhikkhu, bhikkhuṁ bhuttāviṁ pavāritaṁ anatirittena bhojanena abhihaṭṭhuṁ pavāresī”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ พุทฺโธ ภควา✎ ร่าง
Vigarahi buddho bhagavā …pe…
กถํ หิ นาม ตฺวํ โมฆปุริส ภิกฺขุํ ภุตฺตาวึ
ปวาริตํ อนติริตฺเตน โภชเนน อภิหฏฺฐุํ ปวาเรสฺสสิ✎ ร่าง
kathañhi nāma tvaṁ, moghapurisa, bhikkhuṁ bhuttāviṁ pavāritaṁ anatirittena bhojanena abhihaṭṭhuṁ pavāressasi.
เนตํ โมฆปุริส
อปฺปสนฺนานํ วา ปสาทาย ปสนฺนานํ วา ภิยฺโยภาวาย ฯเปฯ✎ ร่าง
Netaṁ, moghapurisa, appasannānaṁ vā pasādāya …pe…
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana bhikkhave imaṁ sikkhāpadaṁ uddiseyyātha—
โย ปน ภิกฺขุ ภิกฺขุํ ภุตฺตาวึ ปวาริตํ อนติริตฺเตน
ขาทนีเยน วา โภชนีเยน วา อภิหฏฺฐุํ ปวาเรยฺย หนฺท ภิกฺขุ ขาท
วา ภุญฺช วาติ ชานํ อาสาทนาเปกฺโข ภุตฺตสฺมึ ปาจิตฺติยนฺติ ฯ✎ ร่าง
“Yo pana bhikkhu bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavāreyya—‘handa, bhikkhu, khāda vā bhuñja vā’ti, jānaṁ āsādanāpekkho, bhuttasmiṁ, pācittiyan”ti.