เตน สมเยน พุทฺโธ ภควา สาวตฺถิยํ วิหรติ เชตวเน
อนาถปิณฺฑิกสฺส อาราเม ฯ✎ ร่าง
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
อ้างอิงสยามรัฐ 2.409
เตน โข ปน สมเยน สตฺตรสวคฺคิยา
ภิกฺขู อสนฺนิหิตปริกฺขารา โหนฺติ ฯ✎ ร่าง
Tena kho pana samayena sattarasavaggiyā bhikkhū asannihitaparikkhārā honti.
ฉพฺพคฺคิยา ภิกฺขู สตฺตรสวคฺคิยานํ
ภิกฺขูนํ ปตฺตํปิ จีวรํปิ อปนิเธนฺติ ฯ✎ ร่าง
Chabbaggiyā bhikkhū sattarasavaggiyānaṁ bhikkhūnaṁ pattampi cīvarampi apanidhenti.
สตฺตรสวคฺคิยา ภิกฺขู ฉพฺพคฺคิเย
ภิกฺขู เอตทโวจุํ✎ ร่าง
Sattarasavaggiyā bhikkhū chabbaggiye bhikkhū etadavocuṁ—
เทถาวุโส อมฺหากํ ปตฺตํปิ จีวรํปีติ ฯ✎ ร่าง
“dethāvuso, amhākaṁ pattampi cīvarampī”ti.
อ้างอิงPTS 4.123
ฉพฺพคฺคิยา
ภิกฺขู หสนฺติ ฯ เต โรทนฺติ ฯ✎ ร่าง
Chabbaggiyā bhikkhū hasanti, te rodanti.
ภิกฺขู เอวมาหํสุ✎ ร่าง
Bhikkhū evamāhaṁsu—
กิสฺส ตุเมฺห อาวุโส
โรทถาติ ฯ✎ ร่าง
“kissa tumhe, āvuso, rodathā”ti?
อิเม อาวุโส ฉพฺพคฺคิยา ภิกฺขู อมฺหากํ ปตฺตํปิ จีวรํปิ
อปนิเธนฺตีติ ฯ✎ ร่าง
“Ime, āvuso, chabbaggiyā bhikkhū amhākaṁ pattampi cīvarampi apanidhentī”ti.
เย เต ภิกฺขู อปฺปิจฺฉา ฯเปฯ เต อุชฺฌายนฺติ ขียนฺติ
วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
อ้างอิงพุทธชยันตี 2.1.332
กถํ หิ นาม ฉพฺพคฺคิยา ภิกฺขู ภิกฺขูนํ ปตฺตํปิ จีวรํปิ
อปนิเธสฺสนฺตีติ ฯเปฯ✎ ร่าง
“kathañhi nāma chabbaggiyā bhikkhū bhikkhūnaṁ pattampi cīvarampi apanidhessantī”ti …pe…
สจฺจํ กิร ตุเมฺห ภิกฺขเว ภิกฺขูนํ ปตฺตํปิ
จีวรํปิ อปนิเธถาติ ฯ✎ ร่าง
“saccaṁ kira tumhe, bhikkhave, bhikkhūnaṁ pattampi cīvarampi apanidhethā”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ พุทฺโธ ภควา✎ ร่าง
Vigarahi buddho bhagavā …pe…
กถํ
หิ นาม ตุเมฺห โมฆปุริสา ภิกฺขูนํ ปตฺตํปิ จีวรํปิ อปนิเธสฺสถ✎ ร่าง
kathañhi nāma tumhe, moghapurisā, bhikkhūnaṁ pattampi cīvarampi apanidhessatha.
เนตํ
โมฆปุริสา อปฺปสนฺนานํ วา ปสาทาย ปสนฺนานํ วา ภิยฺโยภาวาย
ฯเปฯ✎ ร่าง
Netaṁ, moghapurisā, appasannānaṁ vā pasādāya …pe…
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana, bhikkhave, imaṁ sikkhāpadaṁ uddiseyyātha—
โย ปน ภิกฺขุ ภิกฺขุสฺส ปตฺตํ วา จีวรํ วา นิสีทนํ วา
สูจิฆรํ วา กายพนฺธนํ วา อปนิเธยฺย วา อปนิธาเปยฺย วา อนฺตมโส
หสฺสาเปกฺโขปิ ๑- ปาจิตฺติยนฺติ ฯ✎ ร่าง
“Yo pana bhikkhu bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidheyya vā apanidhāpeyya vā, antamaso hasāpekkhopi, pācittiyan”ti.
อ้างอิงฉัฏฐสังคายนา 88.166