เตน โข ปน สมเยน ภิกฺขู เอกวสฺสาปิ ทุวสฺสาปิ
สทฺธิวิหาริกํ อุปสมฺปาเทนฺติ ฯ✎ ร่าง
Tena kho pana samayena bhikkhū ekavassāpi duvassāpi saddhivihārikaṁ upasampādenti.
อ้างอิงสยามรัฐ 4.108
อายสฺมาปิ อุปเสโน วงฺคนฺตปุตฺโต
เอกวสฺโส สทฺธิวิหาริกํ อุปสมฺปาเทสิ ๑- ฯ✎ ร่าง
Āyasmāpi upaseno vaṅgantaputto ekavasso saddhivihārikaṁ upasampādesi.
โส วสฺสํ วุตฺโถ ทุวสฺโส
เอกวสฺสํ สทฺธิวิหาริกํ อาทาย เยน ภควา เตนุปสงฺกมิ
อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ✎ ร่าง
So vassaṁvuṭṭho duvasso ekavassaṁ saddhivihārikaṁ ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
อาจิณฺณํ
โข ปเนตํ พุทฺธานํ ภควนฺตานํ อาคนฺตุเกหิ ภิกฺขูหิ สทฺธึ
ปฏิสมฺโมทิตุํ ฯ✎ ร่าง
Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
อถโข ภควา อายสฺมนฺตํ อุปเสนํ วงฺคนฺตปุตฺตํ
เอตทโวจ✎ ร่าง
Atha kho bhagavā āyasmantaṁ upasenaṁ vaṅgantaputtaṁ etadavoca—
กจฺจิ ภิกฺขเว ๒- ขมนียํ กจฺจิ ยาปนียํ✎ ร่าง
“kacci, bhikkhu, khamanīyaṁ, kacci yāpanīyaṁ,
กจฺจิตฺถ ๓-
อปฺปกิลมเถน อทฺธานํ อาคตาติ ฯ✎ ร่าง
kacci tvaṁ appakilamathena addhānaṁ āgato”ti?
ขมนียํ ภควา ยาปนียํ
ภควา✎ ร่าง
“Khamanīyaṁ, bhagavā, yāpanīyaṁ, bhagavā.
อปฺปกิลมเถน จ มยํ ภนฺเต อทฺธานํ อาคตาติ ฯ✎ ร่าง
Appakilamathena mayaṁ, bhante, addhānaṁ āgatā”ti.
ชานนฺตาปิ ตถาคตา ปุจฺฉนฺติ ชานนฺตาปิ น ปุจฺฉนฺติ กาลํ
วิทิตฺวา ปุจฺฉนฺติ กาลํ วิทิตฺวา น ปุจฺฉนฺติ✎ ร่าง
Jānantāpi tathāgatā pucchanti, jānantāpi na pucchanti, kālaṁ viditvā pucchanti, kālaṁ viditvā na pucchanti;
อตฺถสญฺหิตํ
ตถาคตา ปุจฺฉนฺติ โน อนตฺถสญฺหิตํ✎ ร่าง
atthasaṁhitaṁ tathāgatā pucchanti; no anatthasaṁhitaṁ.
อนตฺถสญฺหิเต เสตุฆาโต
ตถาคตานํ ฯ✎ ร่าง
Anatthasaṁhite setughāto tathāgatānaṁ.
ทฺวีหิ อากาเรหิ พุทฺธา ภควนฺโต ภิกฺขู ปฏิปุจฺฉนฺติ
ธมฺมํ วา เทเสสฺสาม สาวกานํ วา สิกฺขาปทํ ปญฺญาเปสฺสามาติ ฯ✎ ร่าง
Dvīhi ākārehi buddhā bhagavanto bhikkhū paṭipucchanti— dhammaṁ vā desessāma, sāvakānaṁ vā sikkhāpadaṁ paññapessāmāti.
อถโข ภควา อายสฺมนฺตํ อุปเสนํ วงฺคนฺตปุตฺตํ เอตทโวจ กติวสฺโสสิ
ตฺวํ ภิกฺขูติ ฯ✎ ร่าง
Atha kho bhagavā āyasmantaṁ upasenaṁ vaṅgantaputtaṁ etadavoca— “kativassosi tvaṁ, bhikkhū”ti?
ทุวสฺโส อหํ ภควาติ ฯ✎ ร่าง
“Duvassohaṁ, bhagavā”ti.
อยํ ปน ภิกฺขุ
กติวสฺโสติ ฯ✎ ร่าง
“Ayaṁ pana bhikkhu kativasso”ti?
เอกวสฺโส ภควาติ ฯ✎ ร่าง
“Ekavasso, bhagavā”ti.
กินฺตายํ ภิกฺขุ โหตีติ ฯ✎ ร่าง
“Kiṁ tāyaṁ bhikkhu hotī”ti?
สทฺธิวิหาริโก เม ภควาติ ฯ✎ ร่าง
“Saddhivihāriko me, bhagavā”ti.
วิครหิ พุทฺโธ ภควา✎ ร่าง
Vigarahi buddho bhagavā—
อนนุจฺฉวิกํ
โมฆปุริส อนนุโลมิกํ อปฺปฏิรูปํ อสฺสามณกํ อกปฺปิยํ อกรณียํ✎ ร่าง
“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
กถํ หิ นาม ตฺวํ โมฆปุริส อญฺเญหิ โอวทิโย อนุสาสิโย
อญฺญํ โอวทิตุํ อนุสาสิตุํ มญฺญิสฺสสิ✎ ร่าง
Kathañhi nāma tvaṁ, moghapurisa, aññehi ovadiyo anusāsiyo aññaṁ ovadituṁ anusāsituṁ maññissasi.
อติลหุํ โข ๑- ตฺวํ โมฆปุริส
พาหุลฺลาย อาวตฺโต ยทิทํ คณพนฺธิกํ✎ ร่าง
Atilahuṁ kho tvaṁ, moghapurisa, bāhullāya āvatto, yadidaṁ gaṇabandhikaṁ.
เนตํ โมฆปุริส อปฺปสนฺนานํ
วา ปสาทาย ปสนฺนานํ วา ภิยฺโยภาวาย ๒- ฯเปฯ✎ ร่าง
Netaṁ, moghapurisa, appasannānaṁ vā pasādāya pasannānaṁ vā bhiyyobhāvāya …pe…
วิครหิตฺวา✎ ร่าง
vigarahitvā …pe…
ธมฺมึ กถํ กตฺวา ภิกฺขู อามนฺเตสิ✎ ร่าง
dhammiṁ kathaṁ katvā bhikkhū āmantesi—
น ภิกฺขเว อูนทสวสฺเสน
อุปสมฺปาเทตพฺโพ✎ ร่าง
“na, bhikkhave, ūnadasavassena upasampādetabbo.
โย อุปสมฺปาเทยฺย อาปตฺติ ทุกฺกฏสฺส ฯ✎ ร่าง
Yo upasampādeyya, āpatti dukkaṭassa.
อนุชานามิ ภิกฺขเว ทสวสฺเสน วา อติเรกทสวสฺเสน วา
อุปสมฺปาเทตุนฺติ ฯ✎ ร่าง
Anujānāmi, bhikkhave, dasavassena vā atirekadasavassena vā upasampādetun”ti.