ปุถุสทฺโท สมชโน✎ ร่าง
“Puthusaddo samajano,
น พาโล โกจิ มญฺญถ✎ ร่าง
na bālo koci maññatha;
สงฺฆสฺมึ ภิชฺชมานสฺมึ✎ ร่าง
Saṅghasmiṁ bhijjamānasmiṁ,
นาญฺญํ ภิยฺโย อมญฺญรุํ ฯ✎ ร่าง
nāññaṁ bhiyyo amaññaruṁ.
ปริมุฏฺฐา ปณฺฑิตา ภาสา✎ ร่าง
Parimuṭṭhā paṇḍitābhāsā,
วาจาโคจรภาณิโน✎ ร่าง
vācāgocarabhāṇino;
ยาวิจฺฉนฺติ มุขายามํ✎ ร่าง
Yāvicchanti mukhāyāmaṁ,
เยน นีตา น ตํ วิทู ฯ✎ ร่าง
yena nītā na taṁ vidū.
อกฺโกจฺฉิ มํ อวธิ มํ✎ ร่าง
Akkocchi maṁ avadhi maṁ,
อ้างอิงสยามรัฐ 5.336
อชินิ มํ อหาสิ เม✎ ร่าง
ajini maṁ ahāsi me;
เย จ ตํ อุปนยฺหนฺติ✎ ร่าง
Ye ca taṁ upanayhanti,
เวรํ เตสํ น สมฺมติ ฯ✎ ร่าง
veraṁ tesaṁ na sammati.
อกฺโกจฺฉิ มํ อวธิ มํ✎ ร่าง
Akkocchi maṁ avadhi maṁ,
อชินิ มํ อหาสิ เม✎ ร่าง
ajini maṁ ahāsi me;
เย จ ตํ นุปนยฺหนฺติ✎ ร่าง
Ye ca taṁ nupanayhanti,
เวรํ เตสูปสมฺมติ ฯ✎ ร่าง
veraṁ tesūpasammati.
น หิ เวเรน เวรานิ✎ ร่าง
Na hi verena verāni,
อ้างอิงฉัฏฐสังคายนา 89.471
สมฺมนฺตีธ กุทาจนํ✎ ร่าง
sammantīdha kudācanaṁ;
อเวเรน จ สมฺมนฺติ✎ ร่าง
Averena ca sammanti,
เอส ธมฺโม สนนฺตโน ฯ✎ ร่าง
esadhammo sanantano.
ปเร จ น วิชานนฺติ✎ ร่าง
Pare ca na vijānanti,
มยเมตฺถ ยมามฺหเส ๑- ฯ✎ ร่าง
mayamettha yamāmase;
เย จ ตตฺถ วิชานนฺติ✎ ร่าง
Ye ca tattha vijānanti,
ตโต สมฺมนฺติ เมธคา ฯ✎ ร่าง
tato sammanti medhagā.
อฏฺฐิจฺฉิทฺทา ๒- ปาณหรา✎ ร่าง
Aṭṭhicchinnā pāṇaharā,
อ้างอิงPTS 1.350
ควาสฺสธนหาริโน✎ ร่าง
gavāssadhanahārino;
รฏฺฐํ วิลุมฺปมานานํ✎ ร่าง
Raṭṭhaṁ vilumpamānānaṁ,
เตสํปิ โหติ สงฺคติ ฯ✎ ร่าง
tesampi hoti saṅgati.
กสฺมา ตุมฺหาก ๓- โน สิยา ฯ✎ ร่าง
Kasmā tumhāka no siyā.
สเจ ลเภถ นิปกํ สหายํ✎ ร่าง
Sace labhetha nipakaṁ sahāyaṁ,
สทฺธิญฺจรํ สาธุวิหาริธีรํ✎ ร่าง
Saddhiñcaraṁ sādhuvihāri dhīraṁ;
อภิภุยฺย สพฺพานิ ปริสฺสยานิ✎ ร่าง
Abhibhuyya sabbāni parissayāni,
จเรยฺย เตนตฺตมโน สตีมา ฯ✎ ร่าง
Careyya tenattamano satīmā.
โน เจ ลเภถ นิปกํ สหายํ✎ ร่าง
No ce labhetha nipakaṁ sahāyaṁ,
สทฺธิญฺจรํ สาธุวิหาริธีรํ✎ ร่าง
Saddhiñcaraṁ sādhuvihāri dhīraṁ;
ราชาว รฏฺฐํ วิชิตํ ปหาย✎ ร่าง
Rājāva raṭṭhaṁ vijitaṁ pahāya,
เอโก จเร มาตงฺครญฺเญว นาโค ฯ✎ ร่าง
Eko care mātaṅgaraññeva nāgo.
เอกสฺส จริตํ เสยฺโย✎ ร่าง
Ekassa caritaṁ seyyo,
อ้างอิงสยามรัฐ 5.337
นตฺถิ พาเล สหายตา ฯ✎ ร่าง
Natthi bāle sahāyatā;
เอโก จเร น จ ปาปานิ กยิรา✎ ร่าง
Eko care na ca pāpāni kayirā,
อปฺโปสฺสุกฺโก มาตงฺครญฺเญว นาโคติ ฯ✎ ร่าง
Appossukko mātaṅgaraññeva nāgo”ti.
—
3. Bālakaloṇakagamanakathā