อถโข ภควา อนุปุพฺเพน จาริกํ จรมาโน เยน ราชคหํ
ตทวสริ ฯ ตตฺร สุทํ ภควา ราชคเห วิหรติ เวฬุวเน กลนฺทกนิวาเป ฯ✎ ร่าง
Atha kho bhagavā anupubbena cārikaṁ caramāno yena rājagahaṁ tadavasari. Tatra sudaṁ bhagavā rājagahe viharati veḷuvane kalandakanivāpe.
เตน โข ปน สมเยน ภควโต อุทรวาตาพาโธ โหติ ฯ✎ ร่าง
Tena kho pana samayena bhagavato udaravātābādho hoti.
อถโข
อายสฺมา อานนฺโท ปุพฺเพปิ ภควโต อุทรวาตาพาโธ
เตกฏุลาย ยาคุยา ผาสุ โหตีติ✎ ร่าง
Atha kho āyasmā ānando—“pubbepi bhagavato udaravātābādho tekaṭulayāguyā phāsu hotī”ti—
สามํ ติลํปิ ตณฺฑุลํปิ มุคฺคํปิ
วิญฺญาเปตฺวา อนฺโต วาเสตฺวา อนฺโต สามํ ปจิตฺวา ภควโต
อุปนาเมสิ✎ ร่าง
sāmaṁ tilampi, taṇḍulampi, muggampi viññāpetvā, anto vāsetvā, anto sāmaṁ pacitvā bhagavato upanāmesi—
ปิวตุ ภควา เตกฏุลํ ยาคุนฺติ ฯ✎ ร่าง
“pivatu bhagavā tekaṭulayāgun”ti.
ชานนฺตาปิ ตถาคตา ปุจฺฉนฺติ ชานนฺตาปิ น ปุจฺฉนฺติ✎ ร่าง
Jānantāpi tathāgatā pucchanti, jānantāpi na pucchanti;
กาลํ วิทิตฺวา ปุจฺฉนฺติ กาลํ วิทิตฺวา น ปุจฺฉนฺติ✎ ร่าง
kālaṁ viditvā pucchanti, kālaṁ viditvā na pucchanti;
อตฺถสญฺหิตํ
ตถาคตา ปุจฺฉนฺติ โน อนตฺถสญฺหิตํ✎ ร่าง
atthasaṁhitaṁ tathāgatā pucchanti, no anatthasaṁhitaṁ.
อนตฺถสญฺหิเต เสตุฆาโต
ตถาคตานํ ฯ✎ ร่าง
Anatthasaṁhite setughāto tathāgatānaṁ.
ทฺวีหากาเรหิ พุทฺธา ภควนฺโต ภิกฺขู ปฏิปุจฺฉนฺติ
ธมฺมํ วา เทเสสฺสาม สาวกานํ วา สิกฺขาปทํ ปญฺญาเปสฺสามาติ ฯ✎ ร่าง
Dvīhi ākārehi buddhā bhagavanto bhikkhū paṭipucchanti— “dhammaṁ vā desessāma, sāvakānaṁ vā sikkhāpadaṁ paññapessāmā”ti.
อถโข ภควา อายสฺมนฺตํ อานนฺทํ อามนฺเตสิ กุตายํ
@เชิงอรรถ: ๑ สี. ม. ยุ. โลณโสวิรกํ ฯ ๒ ม. ยุ. อยํ ปาโฐ น ทิสฺสติ ฯ
อานนฺท ยาคูติ ฯ✎ ร่าง
Atha kho bhagavā āyasmantaṁ ānandaṁ āmantesi—“kutāyaṁ, ānanda, yāgū”ti?
อ้างอิงPTS 1.211 · สยามรัฐ 5.60 · ฉัฏฐสังคายนา 89.288 · พุทธชยันตี 3.544
อถโข อายสฺมา อานนฺโท ภควโต เอตมตฺถํ
อาโรเจสิ ฯ✎ ร่าง
Atha kho āyasmā ānando bhagavato etamatthaṁ ārocesi.
วิครหิ พุทฺโธ ภควา✎ ร่าง
Vigarahi buddho bhagavā—
อนนุจฺฉวิกํ ๑- อานนฺท
อนนุโลมิกํ อปฺปฏิรูปํ อสฺสามณกํ อกปฺปิยํ อกรณียํ✎ ร่าง
“ananucchavikaṁ, ānanda, ananulomikaṁ, appatirūpaṁ, assāmaṇakaṁ, akappiyaṁ, akaraṇīyaṁ.
กถํ หิ
นาม ตฺวํ อานนฺท เอวรูปาย พาหุลฺลาย เจเตสฺสสิ✎ ร่าง
Kathañhi nāma tvaṁ, ānanda, evarūpāya bāhullāya cetessasi.
ยทปิ อานนฺท
อนฺโต วุตฺถํ ตทปิ อกปฺปิยํ✎ ร่าง
Yadapi, ānanda, anto vuṭṭhaṁ tadapi akappiyaṁ;
ยทปิ อนฺโต ปกฺกํ ตทปิ
อกปฺปิยํ✎ ร่าง
yadapi anto pakkaṁ, tadapi akappiyaṁ;
ยทปิ สามํ ปกฺกํ ตทปิ อกปฺปิยํ✎ ร่าง
yadapi sāmaṁ pakkaṁ, tadapi akappiyaṁ.
เนตํ อานนฺท
อปฺปสนฺนานํ วา ปสาทาย ฯเปฯ✎ ร่าง
Netaṁ, ānanda, appasannānaṁ vā pasādāya …pe…
วิครหิตฺวา ธมฺมึ กถํ กตฺวา
ภิกฺขู อามนฺเตสิ✎ ร่าง
vigarahitvā dhammiṁ kathaṁ katvā bhikkhū āmantesi—
น ภิกฺขเว อนฺโต วุตฺถํ อนฺโต ปกฺกํ สามํ
ปกฺกํ ปริภุญฺชิตพฺพํ✎ ร่าง
“na, bhikkhave, anto vuṭṭhaṁ, anto pakkaṁ, sāmaṁ pakkaṁ paribhuñjitabbaṁ.
โย ปริภุญฺเชยฺย อาปตฺติ ทุกฺกฏสฺส ฯ✎ ร่าง
Yo paribhuñjeyya, āpatti dukkaṭassa.
อนฺโต เจ ภิกฺขเว วุตฺถํ อนฺโต ปกฺกํ สามํ ปกฺกํ ตญฺเจ
ปริภุญฺเชยฺย อาปตฺติ ติณฺณํ ทุกฺกฏานํ ฯ✎ ร่าง
Anto ce, bhikkhave, vuṭṭhaṁ, anto pakkaṁ, sāmaṁ pakkaṁ tañce paribhuñjeyya, āpatti tiṇṇaṁ dukkaṭānaṁ.
อนฺโต เจ ภิกฺขเว วุตฺถํ อนฺโต ปกฺกํ อญฺเญหิ ปกฺกํ
ตญฺเจ ปริภุญฺเชยฺย อาปตฺติ ทฺวินฺนํ ทุกฺกฏานํ ฯ✎ ร่าง
Anto ce, bhikkhave, vuṭṭhaṁ, anto pakkaṁ, aññehi pakkaṁ, tañce paribhuñjeyya, āpatti dvinnaṁ dukkaṭānaṁ.
อนฺโต เจ ภิกฺขเว
วุตฺถํ พหิ ปกฺกํ สามํ ปกฺกํ ตญฺเจ ปริภุญฺเชยฺย อาปตฺติ ทฺวินฺนํ
ทุกฺกฏานํ ฯ✎ ร่าง
Anto ce, bhikkhave, vuṭṭhaṁ, bahi pakkaṁ, sāmaṁ pakkaṁ, tañce paribhuñjeyya, āpatti dvinnaṁ dukkaṭānaṁ.
พหิ เจ ภิกฺขเว วุตฺถํ อนฺโต ปกฺกํ สามํ ปกฺกํ ตญฺเจ
ปริภุญฺเชยฺย อาปตฺติ ทฺวินฺนํ ทุกฺกฏานํ ฯ✎ ร่าง
Bahi ce, bhikkhave, vuṭṭhaṁ, anto pakkaṁ, sāmaṁ pakkaṁ, tañce paribhuñjeyya, āpatti dvinnaṁ dukkaṭānaṁ.
อนฺโต เจ ภิกฺขเว
วุตฺถํ พหิ ปกฺกํ อญฺเญหิ ปกฺกํ ตญฺเจ ปริภุญฺเชยฺย อาปตฺติ
ทุกฺกฏสฺส ฯ✎ ร่าง
Anto ce, bhikkhave, vuṭṭhaṁ, bahi pakkaṁ, aññehi pakkaṁ, tañce paribhuñjeyya, āpatti dukkaṭassa.
พหิ เจ ภิกฺขเว วุตฺถํ อนฺโต ปกฺกํ อญฺเญหิ ปกฺกํ
ตญฺเจ ปริภุญฺเชยฺย อาปตฺติ ทุกฺกฏสฺส ฯ✎ ร่าง
Bahi ce, bhikkhave, vuṭṭhaṁ, anto pakkaṁ, aññehi pakkaṁ, tañce paribhuñjeyya, āpatti dukkaṭassa.
พหิ เจ ภิกฺขเว
@เชิงอรรถ: ๑ สี. ยุ. อนนุจฺฉวิยํ ฯ
วุตฺถํ พหิ ปกฺกํ สามํ ปกฺกํ ตญฺเจ ปริภุญฺเชยฺย อาปตฺติ
ทุกฺกฏสฺส ฯ✎ ร่าง
Bahi ce, bhikkhave, vuṭṭhaṁ, bahi pakkaṁ, sāmaṁ pakkaṁ, tañce paribhuñjeyya, āpatti dukkaṭassa.
พหิ เจ ภิกฺขเว วุตฺถํ พหิ ปกฺกํ อญฺเญหิ ปกฺกํ
ตญฺเจ ปริภุญฺเชยฺย อนาปตฺตีติ ฯ✎ ร่าง
Bahi ce, bhikkhave, vuṭṭhaṁ, bahi pakkaṁ, aññehi pakkaṁ, tañce paribhuñjeyya, anāpattī”ti.