เล่ม ๖ — วินัยปิฎก จุลวรรค ๑ ข้อ 517

เนื้อความทั้งข้อ

[๕๑๗] ดูกรภิกษุทั้งหลาย อนึ่ง ภิกษุในธรรมวินัยนี้ ต้องอาบัติสังฆา- *ทิเสสหลายตัว คือ อาบัติบางอย่างเธอรู้ อาบัติบางอย่างไม่รู้ ปิดบังอาบัติที่รู้ ไม่ปิดบังอาบัติที่ไม่รู้ เธอสึกแล้วอุปสมบทใหม่ อาบัติเหล่าใดเธอรู้แล้วได้ปิดบัง ไว้เมื่อก่อน รู้อาบัติเหล่านั้นแล้วไม่ปิดบังในภายหลัง อาบัติเหล่าใดไม่รู้ไม่ได้ ปิดบังไว้เมื่อก่อน รู้อาบัติเหล่านั้นแล้วปิดบังไว้ในภายหลัง พึงให้ปริวาสในกอง อาบัติตามที่ปิดบังไว้ครั้งก่อนและหลัง แล้วให้มานัตแก่ภิกษุนั้น ฯ

pli-tv-kd13:29.3.8 #

อิธ ปน ภิกฺขเว ภิกฺขุ สมฺพหุลา สงฺฆาทิเสสา อาปตฺติโย อาปชฺชติ✎ ร่าง

Idha pana, bhikkhave, bhikkhu sambahulā saṅghādisesā āpattiyo āpajjati.

อ้างอิงพุทธชยันตี 4.296

pli-tv-kd13:29.3.9 #

เอกจฺจา อาปตฺติโย ชานาติ เอกจฺจา อาปตฺติโย น ชานาติ✎ ร่าง

Ekaccā āpattiyo jānāti, ekaccā āpattiyo na jānāti.

pli-tv-kd13:29.3.10 #

ยา อาปตฺติโย ชานาติ ตา อาปตฺติโย ฉาเทติ✎ ร่าง

Yā āpattiyo jānāti tā āpattiyo chādeti.

pli-tv-kd13:29.3.11 #

ยา อาปตฺติโย น ชานาติ ตา อาปตฺติโย น ฉาเทติ ฯ✎ ร่าง

Yā āpattiyo na jānāti tā āpattiyo nacchādeti.

pli-tv-kd13:29.3.12 #

โส วิพฺภมิตฺวา ปุน อุปสมฺปนฺโน ยา อาปตฺติโย ปุพฺเพ ชานิตฺวา ฉาเทสิ ตา อาปตฺติโย ปจฺฉา ชานิตฺวา น ฉาเทติ✎ ร่าง

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti;

pli-tv-kd13:29.3.13 #

ยา อาปตฺติโย ปุพฺเพ อชานิตฺวา น ฉาเทสิ ตา อาปตฺติโย ปจฺฉา ชานิตฺวา ฉาเทติ ฯ✎ ร่าง

yā āpattiyo pubbe ajānitvā nacchādesi tā āpattiyo pacchā jānitvā chādeti.

pli-tv-kd13:29.3.14 #

ตสฺส ภิกฺขเว ภิกฺขุโน ปุริมสฺมิญฺจ ปจฺฉิมสฺมิญฺจ อาปตฺติกฺขนฺเธ ยถาปฏิจฺฉนฺเน ปริวาสํ ทตฺวา มานตฺตํ ทาตพฺพํ ฯ✎ ร่าง

Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.