สมฺมโต จายสฺมา ๑- ทพฺโพ มลฺลปุตฺโต สภาคานํ
สภาคานํ ๒- ภิกฺขูนํ เอกชฺฌํ เสนาสนํ ปญฺญาเปติ✎ ร่าง
Sammato ca panāyasmā dabbo mallaputto sabhāgānaṁ bhikkhūnaṁ ekajjhaṁ senāsanaṁ paññapeti.
เย เต ภิกฺขู
สุตฺตนฺติกา เตสํ เอกชฺฌํ เสนาสนํ ปญฺญาเปติ✎ ร่าง
Ye te bhikkhū suttantikā tesaṁ ekajjhaṁ senāsanaṁ paññapeti—
เต อญฺญมญฺญํ
สุตฺตนฺตํ สงฺคายิสฺสนฺตีติ✎ ร่าง
“te aññamaññaṁ suttantaṁ saṅgāyissantī”ti.
เย เต ภิกฺขู วินยธรา เตสํ เอกชฺฌํ เสนาสนํ
ปญฺญาเปติ✎ ร่าง
Ye te bhikkhū vinayadharā tesaṁ ekajjhaṁ senāsanaṁ paññapeti—
เต อญฺญมญฺญํ วินยํ วินิจฺฉินิสฺสนฺตีติ✎ ร่าง
“te aññamaññaṁ vinayaṁ vinicchinissantī”ti.
เย เต ภิกฺขู
ธมฺมกถิกา เตสํ เอกชฺฌํ เสนาสนํ ปญฺญาเปติ✎ ร่าง
Ye te bhikkhū dhammakathikā tesaṁ ekajjhaṁ senāsanaṁ paññapeti—
เต อญฺญมญฺญํ
ธมฺมํ สากจฺฉิสฺสนฺตีติ✎ ร่าง
“te aññamaññaṁ dhammaṁ sākacchissantī”ti.
เย เต ภิกฺขู ฌายิโน เตสํ เอกชฺฌํ เสนาสนํ
ปญฺญาเปติ✎ ร่าง
Ye te bhikkhū jhāyino tesaṁ ekajjhaṁ senāsanaṁ paññapeti—
เต อญฺญมญฺญํ น พฺยาพาธิสฺสนฺตีติ✎ ร่าง
“te aññamaññaṁ na byābādhissantī”ti.
เย เต ภิกฺขู
ติรจฺฉานกถิกา กายทฬฺหิพหุลา ๓- วิหรนฺติ เตสมฺปิ เอกชฺฌํ
เสนาสนํ ปญฺญาเปติ✎ ร่าง
Ye te bhikkhū tiracchānakathikā kāyadaḷhibahulā viharanti tesampi ekajjhaṁ senāsanaṁ paññapeti—
อ้างอิงPTS 2.76
อิมายปีเม ๔- อายสฺมนฺตา ๕- รติยา
อจฺฉิสฺสนฺตีติ✎ ร่าง
“imāyapime āyasmanto ratiyā acchissantī”ti.
เยปิ เต ภิกฺขู วิกาเล อาคจฺฉนฺติ เตสมฺปิ
เตโชธาตุํ สมาปชฺชิตฺวา เตเนว อาโลเกน เสนาสนํ ปญฺญาเปติ ฯ✎ ร่าง
Yepi te bhikkhū vikāle āgacchanti tesampi tejodhātuṁ samāpajjitvā teneva ālokena senāsanaṁ paññapeti;
อปิสฺสุ ภิกฺขู สญฺจิจฺจ วิกาเล อาคจฺฉนฺติ✎ ร่าง
apissu bhikkhū sañcicca vikāle āgacchanti—
มยํ อายสฺมโต
ทพฺพสฺส มลฺลปุตฺตสฺส อิทฺธิปาฏิหาริยํ ปสฺสิสฺสามาติ ฯ✎ ร่าง
“mayaṁ āyasmato dabbassa mallaputtassa iddhipāṭihāriyaṁ passissāmā”ti.
เต อายสฺมนฺตํ ทพฺพํ มลฺลปุตฺตํ อุปสงฺกมิตฺวา
เอวํ วเทนฺติ✎ ร่าง
Te āyasmantaṁ dabbaṁ mallaputtaṁ upasaṅkamitvā evaṁ vadanti—
อ้างอิงสยามรัฐ 6.307
อมฺหากํ อาวุโส ทพฺพ เสนาสนํ ปญฺญาเปหีติ ฯ✎ ร่าง
“amhākaṁ, āvuso dabba, senāsanaṁ paññapehī”ti.
เต อายสฺมา ทพฺโพ มลฺลปุตฺโต เอวํ วเทติ✎ ร่าง
Te āyasmā dabbo mallaputto evaṁ vadeti—
กตฺถ อายสฺมนฺตา
อิจฺฉนฺติ กตฺถ ปญฺญาเปมีติ ฯ✎ ร่าง
“kattha āyasmantā icchanti kattha paññapemī”ti?
เต สญฺจิจฺจ ทูเร อปทิสฺสนฺติ✎ ร่าง
Te sañcicca dūre apadisanti—
อมฺหากํ อาวุโส ทพฺพ คิชฺฌกูเฏ ปพฺพเต ๖-@เชิงอรรถ: ๑ ม. จ ปนายสฺมา ฯ ยุ. จ อายสฺมา ฯ ๒ ม. ยุ. อยํ ปาโฐ นตฺถิ ฯ@๓ ยุ. กายทฬฺหีพหุลา ฯ ๔ ม. ยุ. อิมายปิเม ฯ ๕ ม. อายสฺมนฺโต ฯ@๖ ยุ. อยํ ปาโฐ น ทิสฺสติ ฯ
เสนาสนํ ปญฺญาเปหิ ฯ✎ ร่าง
“amhākaṁ, āvuso dabba, gijjhakūṭe pabbate senāsanaṁ paññapehi.
อมฺหากํ อาวุโส ทพฺพ ๑- โจรปฺปปาเต
เสนาสนํ ปญฺญาเปหิ ฯ✎ ร่าง
Amhākaṁ, āvuso, corapapāte senāsanaṁ paññapehi.
อมฺหากํ อาวุโส ทพฺพ อิสิคิลิปสฺเส
กาฬสิลายํ เสนาสนํ ปญฺญาเปหิ ฯ✎ ร่าง
Amhākaṁ, āvuso, isigilipasse kāḷasilāyaṁ senāsanaṁ paññapehi.
อมฺหากํ อาวุโส ทพฺพ
เวภารปสฺเส สตฺตปณฺณคุหายํ เสนาสนํ ปญฺญาเปหิ ฯ✎ ร่าง
Amhākaṁ, āvuso, vebhārapasse sattapaṇṇiguhāyaṁ senāsanaṁ paññapehi.
อมฺหากํ
อาวุโส ทพฺพ สีตวเน สปฺปโสณฺฑิกปพฺภาเร เสนาสนํ ปญฺญาเปหิ ฯ✎ ร่าง
Amhākaṁ, āvuso, sītavane sappasoṇḍikapabbhāre senāsanaṁ paññapehi.
อมฺหากํ อาวุโส ทพฺพ โคมฏกนฺทรายํ เสนาสนํ ปญฺญาเปหิ ฯ✎ ร่าง
Amhākaṁ, āvuso, gotamakakandarāyaṁ senāsanaṁ paññapehi.
อมฺหากํ อาวุโส ทพฺพ ติณฺฑุกกนฺทรายํ ๒- เสนาสนํ ปญฺญาเปหิ ฯ✎ ร่าง
Amhākaṁ, āvuso, tindukakandarāyaṁ senāsanaṁ paññapehi.
อมฺหากํ อาวุโส ทพฺพ กโปตกนฺทรายํ ๓- เสนาสนํ ปญฺญาเปหิ ฯ✎ ร่าง
Amhākaṁ, āvuso, tapodakandarāyaṁ senāsanaṁ paññapehi.
อมฺหากํ อาวุโส ทพฺพ ตโปทาราเม เสนาสนํ ปญฺญาเปหิ ฯ✎ ร่าง
Amhākaṁ, āvuso, tapodārāme senāsanaṁ paññapehi.
อมฺหากํ อาวุโส ทพฺพ ชีวกมฺพวเน เสนาสนํ ปญฺญาเปหิ ฯ✎ ร่าง
Amhākaṁ, āvuso, jīvakambavane senāsanaṁ paññapehi.
อมฺหากํ
อาวุโส ทพฺพ มทฺทกุจฺฉิมฺหิ มิคทาเย เสนาสนํ ปญฺญาเปหีติ ฯ✎ ร่าง
Amhākaṁ, āvuso, maddakucchimhi migadāye senāsanaṁ paññapehī”ti.
เตสํ อายสฺมา ทพฺโพ มลฺลปุตฺโต เตโชธาตุํ
สมาปชฺชิตฺวา องฺคุลิยา ชลมานาย ปุรโต ปุรโต คจฺฉติ ฯ✎ ร่าง
Tesaṁ āyasmā dabbo mallaputto tejodhātuṁ samāpajjitvā aṅguliyā jalamānāya purato purato gacchati.
อ้างอิงสยามรัฐ 6.308 · ฉัฏฐสังคายนา 90.179 · พุทธชยันตี 4.342
เตปิ เตเนว อาโลเกน อายสฺมโต ทพฺพสฺส มลฺลปุตฺตสฺส ปิฏฺฐิโต
ปิฏฺฐิโต คจฺฉนฺติ ฯ✎ ร่าง
Tepi teneva ālokena āyasmato dabbassa mallaputtassa piṭṭhito piṭṭhito gacchanti.
เตสํ อายสฺมา ทพฺโพ มลฺลปุตฺโต เอวํ เสนาสนํ
ปญฺญาเปติ✎ ร่าง
Tesaṁ āyasmā dabbo mallaputto evaṁ senāsanaṁ paññapeti—
อยํ มญฺโจ อิทํ ปีฐํ อยํ ภิสี อิทํ พิมฺโพหนํ อิทํ
วจฺจฏฺฐานํ อิทํ ปสฺสาวฏฺฐานํ อิทํ ปานียํ อิทํ ปริโภชนียํ
อยํ กตฺตรทณฺโฑ อิทํ สงฺฆสฺส กติกสณฺฐานํ อิมํ กาลํ
@เชิงอรรถ: ๑ อิโต ปรํ ทพฺพาตฺยาลปนํ สพฺพตฺถ น ทิสฺสติ ฯ ๒ ยุ. รา. ตินฺทุกกนฺทรายํ ฯ@๓ ยุ. ตโปทกนฺทรายํ ฯ
ปวิสิตพฺพํ อิมํ กาลํ นิกฺขมิตพฺพนฺติ ฯ✎ ร่าง
“ayaṁ mañco, idaṁ pīṭhaṁ, ayaṁ bhisi, idaṁ bibbohanaṁ, idaṁ vaccaṭṭhānaṁ, idaṁ passāvaṭṭhānaṁ, idaṁ pānīyaṁ, idaṁ paribhojanīyaṁ, ayaṁ kattaradaṇḍo, idaṁ saṅghassa katikasaṇṭhānaṁ, imaṁ kālaṁ pavisitabbaṁ, imaṁ kālaṁ nikkhamitabban”ti.
เตสํ อายสฺมา ทพฺโพ
มลฺลปุตฺโต เอวํ เสนาสนํ ปญฺญาเปตฺวา ปุนเทว เวฬุวนํ ปจฺจาคจฺฉติ ฯ✎ ร่าง
Tesaṁ āyasmā dabbo mallaputto evaṁ senāsanaṁ paññapetvā punadeva veḷuvanaṁ paccāgacchati.