เตน โข ปน สมเยน เทวทตฺโต มหติยา ปริสาย
ปริวุโต ธมฺมํ เทเสนฺโต นิสินฺโน โหติ ฯ✎ ร่าง
Tena kho pana samayena devadatto mahatiyā parisāya parivuto dhammaṁ desento nisinno hoti.
อ้างอิงสยามรัฐ 7.198
อทฺทสา โข เทวทตฺโต
สารีปุตฺตโมคฺคลฺลาเน ทูรโต ว อาคจฺฉนฺเต✎ ร่าง
Addasā kho devadatto sāriputtamoggallāne dūratova āgacchante.
ทิสฺวาน ภิกฺขู
อามนฺเตสิ✎ ร่าง
Disvāna bhikkhū āmantesi—
ปสฺสถ ภิกฺขเว ยาว สฺวากฺขาโต มยา ธมฺโม เยปิ
เต สมณสฺส โคตมสฺส อคฺคสาวกา สารีปุตฺตโมคฺคลฺลานา เตปิ
มม สนฺติเก อาคจฺฉนฺติ✎ ร่าง
“passatha, bhikkhave, yāva svākkhāto mayā dhammo, yepi te samaṇassa gotamassa aggasāvakā sāriputtamoggallānā tepi mama santike āgacchanti.
มม ธมฺมํ โรเจนฺตาติ ฯ✎ ร่าง
Mama dhammaṁ rocentā”ti.
เอวํ วุตฺเต โกกาลิโก
เทวทตฺตํ เอตทโวจ✎ ร่าง
Evaṁ vutte, kokāliko devadattaṁ etadavoca—
มา อาวุโส เทวทตฺต สารีปุตฺตโมคฺคลฺลาเนหิ ๒-@เชิงอรรถ: ๑ ม. ยุ. ภควโต อวิทูเร โรทมาโน ฐิโต โหตีติ ฯ@๒ ม. ยุ. สารีปุตฺตโมคฺคลฺลาเน ฯ
วิสฺสาสิ✎ ร่าง
“mā, āvuso devadatta, sāriputtamoggallāne vissasi.
ปาปิจฺฉา สารีปุตฺตโมคฺคลฺลานา ปาปิกานํ อิจฺฉานํ
วสํ คตาติ ฯ✎ ร่าง
Pāpicchā sāriputtamoggallānā, pāpikānaṁ icchānaṁ vasaṁ gatā”ti.
อ้างอิงPTS 2.200
อลํ อาวุโส✎ ร่าง
“Alaṁ, āvuso.
สฺวาคตํ เตสํ ยโต เม ธมฺมํ โรเจนฺตีติ ฯ✎ ร่าง
Svāgataṁ tesaṁ yato me dhammaṁ rocentī”ti.
อถโข เทวทตฺโต อายสฺมนฺตํ สารีปุตฺตํ อุปฑฺฒาสเนน นิมนฺเตสิ✎ ร่าง
Atha kho devadatto āyasmantaṁ sāriputtaṁ upaḍḍhāsanena nimantesi—
อ้างอิงฉัฏฐสังคายนา 90.340
เอหาวุโส สารีปุตฺต อิธ นิสีทาหีติ ฯ✎ ร่าง
“ehāvuso sāriputta, idha nisīdāhī”ti.
อลํ อาวุโสติ โข อายสฺมา
สารีปุตฺโต อญฺญตรํ อาสนํ คเหตฺวา เอกมนฺตํ นิสีทิ ฯ✎ ร่าง
“Alaṁ, āvuso”ti kho āyasmā sāriputto aññataraṁ āsanaṁ gahetvā ekamantaṁ nisīdi.
อายสฺมาปิ
โข มหาโมคฺคลฺลาโน อญฺญตรํ อาสนํ คเหตฺวา เอกมนฺตํ นิสีทิ ฯ✎ ร่าง
Āyasmāpi kho mahāmoggallāno aññataraṁ āsanaṁ gahetvā ekamantaṁ nisīdi.
อถโข เทวทตฺโต พหุเทว รตฺตึ ภิกฺขู ธมฺมิยา กถาย สนฺทสฺเสตฺวา
สมาทเปตฺวา สมุตฺเตเชตฺวา สมฺปหํเสตฺวา อายสฺมนฺตํ สารีปุตฺตํ
อชฺเฌสิ✎ ร่าง
Atha kho devadatto bahudeva rattiṁ bhikkhū dhammiyā kathāya sandassetvā samādapetvā samuttejetvā sampahaṁsetvā āyasmantaṁ sāriputtaṁ ajjhesi—
วิคตถีนมิทฺโธ โข อาวุโส สารีปุตฺเต ภิกฺขุสงฺโฆ✎ ร่าง
“vigatathinamiddho kho, āvuso sāriputta, bhikkhusaṅgho.
ปฏิภาตุ
ตํ อาวุโส สารีปุตฺต ภิกฺขูนํ ธมฺมี กถา ปิฏฺฐิ เม อาคิลายติ ตมหํ
อายมิสฺสามีติ ฯ✎ ร่าง
Paṭibhātu taṁ, āvuso sāriputta, bhikkhūnaṁ dhammī kathā, piṭṭhi me āgilāyati, tamahaṁ āyamissāmī”ti.
เอวมาวุโสติ โข อายสฺมา สารีปุตฺโต เทวทตฺตสฺส
ปจฺจสฺโสสิ ฯ✎ ร่าง
“Evamāvuso”ti kho āyasmā sāriputto devadattassa paccassosi.
อถโข เทวทตฺโต จตุคฺคุณํ สงฺฆาฏึ ปญฺญาเปตฺวา
ทกฺขิเณน ปสฺเสน เสยฺยํ กปฺเปสิ ฯ✎ ร่าง
Atha kho devadatto catugguṇaṁ saṅghāṭiṁ paññapetvā dakkhiṇena passena seyyaṁ kappesi.
ตสฺส กิลนฺตสฺส ๑- มุฏฺฐสฺสติสฺส
อสมฺปชานสฺส มุหุตฺตเกเนว นิทฺทํ ๒- โอกฺกมิ ฯ✎ ร่าง
Tassa kilamantassa muṭṭhassatissa asampajānassa muhuttakeneva niddā okkami.