โย ปฐมํ ชนฺตาฆรํ ๒- คจฺฉติ สเจ ฉาริกา อุสฺสนฺนา
โหติ ฉาริกา ฉฑฺเฑตพฺพา✎ ร่าง
Yo paṭhamaṁ jantāgharaṁ gacchati, sace chārikā ussannā hoti, chārikā chaḍḍetabbā.
สเจ ชนฺตาฆรํ อุกฺลาปํ โหติ
ชนฺตาฆรํ สมฺมชฺชิตพฺพํ✎ ร่าง
Sace jantāgharaṁ uklāpaṁ hoti, jantāgharaṁ sammajjitabbaṁ.
สเจ ปริภณฺฑํ อุกฺลาปํ โหติ ปริภณฺฑํ
สมฺมชฺชิตพฺพํ✎ ร่าง
Sace paribhaṇḍaṁ uklāpaṁ hoti, paribhaṇḍaṁ sammajjitabbaṁ.
สเจ ปริเวณํ อุกฺลาปํ โหติ ปริเวณํ
สมฺมชฺชิตพฺพํ✎ ร่าง
Sace pariveṇaṁ uklāpaṁ hoti, pariveṇaṁ sammajjitabbaṁ.
สเจ โกฏฺฐโก อุกฺลาโป โหติ โกฏฺฐโก
@เชิงอรรถ: ๑ ม. จสทฺโท นตฺถิ ฯ ๒ ม. ชนฺตาฆเร ฯ@* มีการแก้ไขคำ ฉพฺยคฺคิยา เป็น ฉพฺพคฺคิยา@* มีการแก้ไขคำ ชนตาฆรวตฺตํ เป็น ชนฺตาฆรวตฺตํ
สมฺมชฺชิตพฺโพ✎ ร่าง
Sace koṭṭhako uklāpo hoti, koṭṭhako sammajjitabbo.
สเจ ชนฺตาฆรสาลา อุกฺลาปา โหติ ชนฺตาฆรสาลา
สมฺมชฺชิตพฺพา✎ ร่าง
Sace jantāgharasālā uklāpā hoti, jantāgharasālā sammajjitabbā.
จุณฺณํ สนฺเนตพฺพํ มตฺติกา เตเมตพฺพา อุทกโทณิกาย
อุทกํ อาสิญฺจิตพฺพํ✎ ร่าง
Cuṇṇaṁ sannetabbaṁ, mattikā temetabbā, udakadoṇikāya udakaṁ āsiñcitabbaṁ.
อ้างอิงฉัฏฐสังคายนา 90.365
ชนฺตาฆรํ ปวิสนฺเตน มตฺติกาย มุขํ มกฺเขตฺวา
ปุรโต จ ปจฺฉโต จ ปฏิจฺฉาเทตฺวา ชนฺตาฆรํ ปวิสิตพฺพํ✎ ร่าง
Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
น เถเร
ภิกฺขู อนุปขชฺช นิสีทิตพฺพํ✎ ร่าง
Na there bhikkhū anupakhajja nisīditabbaṁ.
น นวา ภิกฺขู อาสเนน ปฏิพาหิตพฺพา✎ ร่าง
Na navā bhikkhū āsanena paṭibāhitabbā.
สเจ อุสฺสหติ ชนฺตาฆเร เถรานํ ภิกฺขูนํ ปริกมฺมํ กาตพฺพํ✎ ร่าง
Sace ussahati, jantāghare therānaṁ bhikkhūnaṁ parikammaṁ kātabbaṁ.
ชนฺตาฆรา
นิกฺขมนฺเตน ชนฺตาฆรปีฐํ อาทาย ปุรโต จ ปจฺฉโต จ ปฏิจฺฉาเทตฺวา
ชนฺตาฆรา นิกฺขมิตพฺพํ✎ ร่าง
Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
สเจ อุสฺสหติ อุทเกปิ เถรานํ ภิกฺขูนํ ปริกมฺมํ
กาตพฺพํ✎ ร่าง
Sace ussahati, udakepi therānaṁ bhikkhūnaṁ parikammaṁ kātabbaṁ.
น เถรานํ ภิกฺขูนํ ปุรโตปิ ๑- นหายิตพฺพํ น อุปริโสเตปิ ๒-
นหายิตพฺพํ✎ ร่าง
Na therānaṁ bhikkhūnaṁ puratopi nahāyitabbaṁ, na uparitopi nahāyitabbaṁ.
อ้างอิงPTS 2.221
นหาเตน อุตฺตรนฺเตน โอตรนฺตานํ มคฺโค ทาตพฺโพ✎ ร่าง
Nahātena uttarantena otarantānaṁ maggo dātabbo.
โย ปจฺฉา ชนฺตาฆรา นิกฺขมติ สเจ ชนฺตาฆรํ จิกฺขลฺลํ โหติ
โธวิตพฺพํ✎ ร่าง
Yo pacchā jantāgharā nikkhamati, sace jantāgharaṁ cikkhallaṁ hoti, dhovitabbaṁ.
มตฺติกาโทณิกํ โธวิตฺวา ชนฺตาฆรปีฐํ ปฏิสาเมตฺวา
อคฺคึ วิชฺฌาเปตฺวา ทฺวารํ ถเกตฺวา ปกฺกมิตพฺพํ✎ ร่าง
Mattikādoṇikaṁ dhovitvā jantāgharapīṭhaṁ paṭisāmetvā aggiṁ vijjhāpetvā dvāraṁ thaketvā pakkamitabbaṁ.
อิทํ โข ภิกฺขเว ภิกฺขูนํ ชนฺตาฆรวตฺตํ ยถา ภิกฺขูหิ
ชนฺตาฆเร สมฺมา วตฺติตพฺพนฺติ ฯ✎ ร่าง
Idaṁ kho, bhikkhave, bhikkhūnaṁ jantāgharavattaṁ yathā bhikkhūhi jantāghare sammā vattitabban”ti.
—
10. Vaccakuṭivattakathā