อาปนฺโน ยาย วณฺณญฺจ✎ ร่าง
Āpanno yāyavaṇṇañca,
อ้างอิงพุทธชยันตี 6.202
อลชฺชี สงฺคาเมน จ✎ ร่าง
alajjī saṅgāmena ca;
อุสฺสิตา อุสฺสาเทตา จ✎ ร่าง
Ussitā ussādetā ca,
ปสยฺห ปริยตฺติยาติ ฯ✎ ร่าง
pasayha pariyattiyāti.
—
“Katihi nu kho, bhante, aṅgehi samannāgatena bhikkhunā saṅghe na voharitabban”ti
อ้างอิงPTS 5.185
—
“Pañcahupāli, aṅgehi samannāgatena bhikkhunā saṅghe na voharitabbaṁ.
อ้างอิงสยามรัฐ 8.454
—
Āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti—
—
imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
—
Pañcahupāli, aṅgehi samannāgatena bhikkhunā saṅghe voharitabbaṁ.
—
Āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti—
—
imehi kho, upāli, pañcahaṅgehi samannāgatena bhikkhunā saṅghe voharitabbaṁ.
—
Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
อ้างอิงฉัฏฐสังคายนา 91.345
—
Adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti—
—
imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
—
Pañcahupāli, aṅgehi samannāgatena bhikkhunā saṅghe voharitabbaṁ.
—
Adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti—
—
imehi kho, upāli, pañcahaṅgehi samannāgatena bhikkhunā saṅghe voharitabbaṁ.