ทุติเยน อาปตฺติสมุฏฺฐาเนน กติ อาปตฺติโย อาปชฺชติ ฯ✎ ร่าง
Dutiyena āpattisamuṭṭhānena kati āpattiyo āpajjati?
อ้างอิงPTS 5.95
ทุติเยน อาปตฺติสมุฏฺฐาเนน จตสฺโส อาปตฺติโย อาปชฺชติ✎ ร่าง
Dutiyena āpattisamuṭṭhānena catasso āpattiyo āpajjati—
ภิกฺขุ
กปฺปิยสญฺญี สมาทิสติ ๑- กุฏึ เม กโรถาติ ตสฺส กุฏึ กโรนฺติ
อเทสิตวตฺถุกํ ปมาณาติกฺกนฺตํ สารมฺภํ อปริกฺกมนํ ปโยเค
ทุกฺกฏํ✎ ร่าง
bhikkhu kappiyasaññī samādisati—“kuṭiṁ me karothā”ti. Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ. Payoge dukkaṭaṁ;
เอกปิณฺเฑ อนาคเต อาปตฺติ ถุลฺลจฺจยสฺส✎ ร่าง
ekaṁ piṇḍaṁ anāgate āpatti thullaccayassa;
ตสฺมึ
ปิณฺเฑ อาคเต อาปตฺติ สงฺฆาทิเสสสฺส ฯ✎ ร่าง
tasmiṁ piṇḍe āgate āpatti saṅghādisesassa.
ภิกฺขุ กปฺปิยสญฺญี
อนุปสมฺปนฺนํ ปทโส ธมฺมํ วาเจติ อาปตฺติ ปาจิตฺติยสฺส ฯ✎ ร่าง
Bhikkhu kappiyasaññī anupasampannaṁ padaso dhammaṁ vāceti, āpatti pācittiyassa—
ทุติเยน อาปตฺติสมุฏฺฐาเนน อิมา จตสฺโส อาปตฺติโย อาปชฺชติ ฯ✎ ร่าง
dutiyena āpattisamuṭṭhānena imā catasso āpattiyo āpajjati.
ตา อาปตฺติโย จตุนฺนํ วิปตฺตีนํ กติ วิปตฺติโย ภชนฺติ ฯเปฯ✎ ร่าง
Tā āpattiyo catunnaṁ vipattīnaṁ kati vipattiyo bhajanti …pe…
อ้างอิงสยามรัฐ 8.245
สตฺตนฺนํ สมถานํ กตีหิ สมเถหิ สมฺมนฺติ ฯ✎ ร่าง
sattannaṁ samathānaṁ katihi samathehi sammanti?
ตา อาปตฺติโย จตุนฺนํ วิปตฺตีนํ เทฺว วิปตฺติโย ภชนฺติ✎ ร่าง
Tā āpattiyo catunnaṁ vipattīnaṁ dve vipattiyo bhajanti—
สิยา สีลวิปตฺตึ สิยา อาจารวิปตฺตึ ฯ✎ ร่าง
siyā sīlavipattiṁ, siyā ācāravipattiṁ.
สตฺตนฺนํ อาปตฺติกฺขนฺธานํ จตูหิ
อาปตฺติกฺขนฺเธหิ สงฺคหิตา✎ ร่าง
Sattannaṁ āpattikkhandhānaṁ catūhi āpattikkhandhehi saṅgahitā—
สิยา สงฺฆาทิเสสาปตฺติกฺขนฺเธน สิยา
ถุลฺลจฺจยาปตฺติกฺขนฺเธน สิยา ปาจิตฺติยาปตฺติกฺขนฺเธน สิยา
ทุกฺกฏาปตฺติกฺขนฺเธน ฯ✎ ร่าง
siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
ฉนฺนํ อาปตฺติสมุฏฺฐานานํ เอเกน สมุฏฺฐาเนน
สมุฏฺฐหนฺติ✎ ร่าง
Channaṁ āpattisamuṭṭhānānaṁ ekena samuṭṭhānena samuṭṭhanti—
วาจโต สมุฏฺฐหนฺติ น กายโต น จิตฺตโต ฯ✎ ร่าง
vācato samuṭṭhanti, na kāyato na cittato.
จตุนฺนํ อธิกรณานํ
อาปตฺตาธิกรณํ ฯ✎ ร่าง
Catunnaṁ adhikaraṇānaṁ, āpattādhikaraṇaṁ.
สตฺตนฺนํ สมถานํ ตีหิ สมเถหิ สมฺมนฺติ✎ ร่าง
Sattannaṁ samathānaṁ tīhi samathehi sammanti—
สิยา
@เชิงอรรถ: ๑ โป. ยุ. สมาทิยติ ฯ
สมฺมุขาวินเยน จ ปฏิญฺญาตกรเณน จ สิยา สมฺมุขาวินเยน จ
ติณวตฺถารเกน จ ฯ✎ ร่าง
siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.