ตติเยน อาปตฺติสมุฏฺฐาเนน กติ อาปตฺติโย อาปชฺชติ ฯ✎ ร่าง
Tatiyena āpattisamuṭṭhānena kati āpattiyo āpajjati?
อ้างอิงฉัฏฐสังคายนา 91.196
ตติเยน อาปตฺติสมุฏฺฐาเนน ปญฺจ อาปตฺติโย อาปชฺชติ✎ ร่าง
Tatiyena āpattisamuṭṭhānena pañca āpattiyo āpajjati.
ภิกฺขุ
กปฺปิยสญฺญี สํวิทหิตฺวา กุฏึ กโรติ อเทสิตวตฺถุกํ ปมาณาติกฺกนฺตํ
สารมฺภํ อปริกฺกมนํ ปโยเค ทุกฺกฏํ✎ ร่าง
Bhikkhu kappiyasaññī saṁvidahitvā kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ. Payoge dukkaṭaṁ;
เอกปิณฺเฑ อนาคเต อาปตฺติ
ถุลฺลจฺจยสฺส✎ ร่าง
ekaṁ piṇḍaṁ anāgate āpatti thullaccayassa;
ตสฺมึ ปิณฺเฑ อาคเต อาปตฺติ สงฺฆาทิเสสสฺส ฯ✎ ร่าง
tasmiṁ piṇḍe āgate āpatti saṅghādisesassa.
ภิกฺขุ กปฺปิยสญฺญี ปณีตโภชนานิ อตฺตโน อตฺถาย วิญฺญาเปตฺวา
ภุญฺชติ อาปตฺติ ปาจิตฺติยสฺส ฯ✎ ร่าง
Bhikkhu kappiyasaññī paṇītabhojanāni attano atthāya viññāpetvā bhuñjati, āpatti pācittiyassa.
ภิกฺขุ กปฺปิยสญฺญี ภิกฺขุนิยา
โวสาสนฺติยา น นิวาเรตฺวา ภุญฺชติ อาปตฺติ ปาฏิเทสนียสฺส ฯ✎ ร่าง
Bhikkhu kappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa—
ตติเยน อาปตฺติสมุฏฺฐาเนน อิมา ปญฺจ อาปตฺติโย อาปชฺชติ ฯ✎ ร่าง
tatiyena āpattisamuṭṭhānena imā pañca āpattiyo āpajjati.
ตา อาปตฺติโย จตุนฺนํ วิปตฺตีนํ กติ วิปตฺติโย
ภชนฺติ ฯเปฯ✎ ร่าง
Tā āpattiyo catunnaṁ vipattīnaṁ kati vipattiyo bhajanti …pe…
อ้างอิงสยามรัฐ 8.246 · พุทธชยันตี 6.330
สตฺตนฺนํ สมถานํ กตีหิ สมเถหิ สมฺมนฺติ ฯ✎ ร่าง
sattannaṁ samathānaṁ katihi samathehi sammanti?
ตา
อาปตฺติโย จตุนฺนํ วิปตฺตีนํ เทฺว วิปตฺติโย ภชนฺติ✎ ร่าง
Tā āpattiyo catunnaṁ vipattīnaṁ dve vipattiyo bhajanti—
สิยา
สีลวิปตฺตึ สิยา อาจารวิปตฺตึ ฯ✎ ร่าง
siyā sīlavipattiṁ, siyā ācāravipattiṁ.
สตฺตนฺนํ อาปตฺติกฺขนฺธานํ ปญฺจหิ
อาปตฺติกฺขนฺเธหิ สงฺคหิตา✎ ร่าง
Sattannaṁ āpattikkhandhānaṁ pañcahi āpattikkhandhehi saṅgahitā—
สิยา สงฺฆาทิเสสาปตฺติกฺขนฺเธน
สิยา ถุลฺลจฺจยาปตฺติกฺขนฺเธน สิยา ปาจิตฺติยาปตฺติกฺขนฺเธน สิยา
ปาฏิเทสนียาปตฺติกฺขนฺเธน สิยา ทุกฺกฏาปตฺติกฺขนฺเธน ฯ✎ ร่าง
siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
ฉนฺนํ
อาปตฺติสมุฏฺฐานานํ เอเกน สมุฏฺฐาเนน สมุฏฺฐหนฺติ✎ ร่าง
Channaṁ āpattisamuṭṭhānānaṁ ekena samuṭṭhānena samuṭṭhanti—
กายโต
จ วาจโต จ สมุฏฺฐหนฺติ น จิตฺตโต ฯ✎ ร่าง
kāyato ca vācato ca samuṭṭhanti, na cittato.
จตุนฺนํ อธิกรณานํ
อาปตฺตาธิกรณํ ฯ✎ ร่าง
Catunnaṁ adhikaraṇānaṁ, āpattādhikaraṇaṁ.
สตฺตนฺนํ สมถานํ ตีหิ สมเถหิ สมฺมนฺติ✎ ร่าง
Sattannaṁ samathānaṁ tīhi samathehi sammanti—
สิยา
สมฺมุขาวินเยน จ ปฏิญฺญาตกรเณน จ สิยา สมฺมุขาวินเยน จ
ติณวตฺถารเกน จ ฯ✎ ร่าง
siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.