จตุตฺเถน อาปตฺติสมุฏฺฐาเนน กติ อาปตฺติโย อาปชฺชติ ฯ✎ ร่าง
Catutthena āpattisamuṭṭhānena kati āpattiyo āpajjati?
อ้างอิงPTS 5.96
จตุตฺเถน อาปตฺติสมุฏฺฐาเนน ฉ อาปตฺติโย อาปชฺชติ✎ ร่าง
Catutthena āpattisamuṭṭhānena cha āpattiyo āpajjati—
ภิกฺขุ เมถุนํ
ธมฺมํ ปฏิเสวติ อาปตฺติ ปาราชิกสฺส ฯ✎ ร่าง
bhikkhu methunaṁ dhammaṁ paṭisevati, āpatti pārājikassa;
ภิกฺขุ อกปฺปิยสญฺญี
สญฺญาจิกาย กุฏึ กโรติ อเทสิตวตฺถุกํ ปมาณาติกฺกนฺตํ สารมฺภํ
อปริกฺกมนํ ปโยเค ทุกฺกฏํ✎ ร่าง
bhikkhu akappiyasaññī saññācikāya kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ;
เอกปิณฺเฑ อนาคเต อาปตฺติ
ถุลฺลจฺจยสฺส✎ ร่าง
ekaṁ piṇḍaṁ anāgate āpatti thullaccayassa;
ตสฺมึ ปิณฺเฑ อาคเต อาปตฺติ สงฺฆาทิเสสสฺส ฯ✎ ร่าง
tasmiṁ piṇḍe āgate āpatti saṅghādisesassa.
ภิกฺขุ อกปฺปิยสญฺญี วิกาเล โภชนํ ภุญฺชติ อาปตฺติ ปาจิตฺติยสฺส ฯ✎ ร่าง
Bhikkhu akappiyasaññī vikāle bhojanaṁ bhuñjati, āpatti pācittiyassa.
ภิกฺขุ อกปฺปิยสญฺญี อญฺญาติกาย ภิกฺขุนิยา อนฺตรฆรํ
ปวิฏฺฐาย หตฺถโต ขาทนียํ วา โภชนียํ วา สหตฺถา ปฏิคฺคเหตฺวา
ภุญฺชติ อาปตฺติ ปาฏิเทสนียสฺส ฯ✎ ร่าง
Bhikkhu akappiyasaññī aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjati, āpatti pāṭidesanīyassa.
จตุตฺเถน อาปตฺติสมุฏฺฐาเนน
อิมา ฉ อาปตฺติโย อาปชฺชติ ฯ✎ ร่าง
Catutthena āpattisamuṭṭhānena imā cha āpattiyo āpajjati.
ตา อาปตฺติโย จตุนฺนํ วิปตฺตีนํ กติ วิปตฺติโย ภชนฺติ ฯเปฯ✎ ร่าง
Tā āpattiyo catunnaṁ vipattīnaṁ kati vipattiyo bhajanti …pe…
อ้างอิงสยามรัฐ 8.247 · ฉัฏฐสังคายนา 91.197
สตฺตนฺนํ สมถานํ กตีหิ สมเถหิ สมฺมนฺติ ฯ✎ ร่าง
sattannaṁ samathānaṁ katihi samathehi sammanti?
ตา อาปตฺติโย จตุนฺนํ
วิปตฺตีนํ เทฺว วิปตฺติโย ภชนฺติ✎ ร่าง
Tā āpattiyo catunnaṁ vipattīnaṁ dve vipattiyo bhajanti—
สิยา สีลวิปตฺตึ สิยา อาจารวิปตฺตึ ฯ✎ ร่าง
siyā sīlavipattiṁ, siyā ācāravipattiṁ.
สตฺตนฺนํ อาปตฺติกฺขนฺธานํ ฉหิ อาปตฺติกฺขนฺเธหิ สงฺคหิตา✎ ร่าง
Sattannaṁ āpattikkhandhānaṁ chahi āpattikkhandhehi saṅgahitā—
สิยา
ปาราชิกาปตฺติกฺขนฺเธน สิยา สงฺฆาทิเสสาปตฺติกฺขนฺเธน สิยา
ถุลฺลจฺจยาปตฺติกฺขนฺเธน สิยา ปาจิตฺติยาปตฺติกฺขนฺเธน สิยา
ปาฏิเทสนียาปตฺติกฺขนฺเธน สิยา ทุกฺกฏาปตฺติกฺขนฺเธน ฯ✎ ร่าง
siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
ฉนฺนํ
อาปตฺติสมุฏฺฐานานํ เอเกน สมุฏฺฐาเนน สมุฏฺฐหนฺติ✎ ร่าง
Channaṁ āpattisamuṭṭhānānaṁ ekena samuṭṭhānena samuṭṭhanti—
กายโต จ จิตฺตโต
จ สมุฏฺฐหนฺติ น วาจโต ฯ✎ ร่าง
kāyato ca cittato ca samuṭṭhanti, na vācato.
จตุนฺนํ อธิกรณานํ อาปตฺตาธิกรณํ ฯ✎ ร่าง
Catunnaṁ adhikaraṇānaṁ, āpattādhikaraṇaṁ.
สตฺตนฺนํ สมถานํ ตีหิ สมเถหิ สมฺมนฺติ✎ ร่าง
Sattannaṁ samathānaṁ tīhi samathehi sammanti—
สิยา สมฺมุขาวินเยน จ
ปฏิญฺญาตกรเณน จ สิยา สมฺมุขาวินเยน จ ติณวตฺถารเกน จ ฯ✎ ร่าง
siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.