ปญฺจ อาปตฺติโย ฯ✎ ร่าง
Pañca āpattiyo.
อ้างอิงPTS 5.129 · สยามรัฐ 8.325 · ฉัฏฐสังคายนา 91.254 · พุทธชยันตี 6.50
ปญฺจ อาปตฺติกฺขนฺธา ฯ✎ ร่าง
Pañca āpattikkhandhā.
ปญฺจ
วินีตวตฺถูนิ ฯ✎ ร่าง
Pañca vinītavatthūni.
ปญฺจ กมฺมานิ อานนฺตริกานิ ฯ✎ ร่าง
Pañca kammāni ānantarikāni.
ปญฺจ ปุคฺคลา
นิยตา ฯ✎ ร่าง
Pañca puggalā niyatā.
ปญฺจ เฉทนกา อาปตฺติโย ฯ✎ ร่าง
Pañca chedanakā āpattiyo.
ปญฺจหากาเรหิ อาปตฺตึ
อาปชฺชติ ฯ✎ ร่าง
Pañcahākārehi āpattiṁ āpajjati.
ปญฺจาปตฺติโย✎ ร่าง
Pañca āpattiyo.
มุสาวาทปจฺจยา ฯ ปญฺจหากาเรหิ
กมฺมํ น อุเปติ✎ ร่าง
Musāvādapaccayā pañcahākārehi kammaṁ na upeti—
สยํ วา กมฺมํ น กโรติ ปรํ วา นาชฺเฌสติ
ฉนฺทํ วา ปาริสุทฺธึ วา น เทติ กยิรมาเน กมฺเม ปฏิกฺโกสติ
กเต วา ปน กมฺเม อธมฺมทิฏฺฐิ โหติ ฯ✎ ร่าง
sayaṁ vā kammaṁ na karoti, paraṁ vā na ajjhesati, chandaṁ vā pārisuddhiṁ vā na deti, kayiramāne kamme paṭikkosati, kate vā pana kamme adhammadiṭṭhi hoti.
ปญฺจหากาเรหิ กมฺมํ
@เชิงอรรถ: ๑ สี. ม. ยุ. สภาคุปชฺฌาเยน ฯ ๒ สี. ม. ยุ. สุจริตํ ฯ ๓ ยุ. ปจฺจนฺติเม จ ฯ@๔ สี. อนญฺญสมฺมุติโย จ ฯ ม. อนญฺญา สมฺมุติโย จ ฯ ยุ. อนญฺญา สมฺมุติยา จ ฯ@๕ ม. วิสฺสชฺเชยฺยา ฯ
อุเปติ✎ ร่าง
Pañcahākārehi kammaṁ upeti—
สยํ วา กมฺมํ กโรติ ปรํ วา อชฺเฌสติ ฉนฺทํ วา ปาริสุทฺธึ
วา เทติ กยิรมาเน กมฺเม นปฺปฏิกฺโกสติ กเต วา ปน กมฺเม
ธมฺมทิฏฺฐิ โหติ ฯ✎ ร่าง
sayaṁ vā kammaṁ karoti, paraṁ vā ajjhesati, chandaṁ vā pārisuddhiṁ vā deti, kayiramāne kamme nappaṭikkosati, kate vā pana kamme dhammadiṭṭhi hoti.
ปญฺจ ปิณฺฑปาติกสฺส ภิกฺขุโน กปฺปนฺติ✎ ร่าง
Pañca piṇḍapātikassa bhikkhuno kappanti—
อนามนฺตจาโร คณโภชนํ ปรมฺปรโภชนํ อนธิฏฺฐานํ อวิกปฺปนา ฯ✎ ร่าง
anāmantacāro, gaṇabhojanaṁ, paramparabhojanaṁ, anadhiṭṭhānaṁ, avikappanā.
ปญฺจหงฺเคหิ สมนฺนาคโต ภิกฺขุ อุสฺสงฺกิตปริสงฺกิโต โหติ✎ ร่าง
Pañcahaṅgehi samannāgato bhikkhu ussaṅkitaparisaṅkito hoti—
ปาปภิกฺขุป อกุปฺปธมฺโมปิ เวสิยาโคจโร วา โหติ วิธวโคจโร
วา โหติ ถุลฺลกุมารีโคจโร วา โหติ ปณฺฑกโคจโร วา โหติ
ภิกฺขุนีโคจโร วา โหติ ฯ✎ ร่าง
pāpabhikkhupi akuppadhammopi vesiyāgocaro vā hoti, vidhavāgocaro vā hoti, thullakumārigocaro vā hoti, paṇḍakagocaro vā hoti, bhikkhunigocaro vā hoti.
ปญฺจ เตลานิ✎ ร่าง
Pañca telāni—
ติลเตลํ สาสปเตลํ มธุกเตลํ
เอรณฺฑกเตลํ วสาเตลํ ฯ✎ ร่าง
tilatelaṁ, sāsapatelaṁ, madhukatelaṁ, eraṇḍakatelaṁ, vasātelaṁ.
ปญฺจ วสานิ✎ ร่าง
Pañca vasāni—
อจฺฉวสํ มจฺฉวสํ
สุสุกาวสํ สูกรวสํ คทฺรภวสํ ฯ✎ ร่าง
acchavasaṁ, macchavasaṁ, susukāvasaṁ, sūkaravasaṁ, gadrabhavasaṁ.
ปญฺจ พฺยสนานิ✎ ร่าง
Pañca byasanāni—
ญาติพฺยสนํ
โภคพฺยสนํ โรคพฺยสนํ สีลพฺยสนํ ทิฏฺฐิพฺยสนํ ฯ✎ ร่าง
ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ.
ปญฺจ สมฺปทา✎ ร่าง
Pañca sampadā—
ญาติสมฺปทา โภคสมฺปทา อโรคสมฺปทา สีลสมฺปทา ทิฏฺฐิสมฺปทา ฯ✎ ร่าง
ñātisampadā, bhogasampadā, arogasampadā, sīlasampadā, diṭṭhisampadā.
ปญฺจ นิสฺสยปฏิปฺปสฺสทฺธิโย อุปชฺฌายมฺหา✎ ร่าง
Pañca nissayapaṭippassaddhiyo upajjhāyamhā—
อุปชฺฌาโย ปกฺกนฺโต
วา โหติ วิพฺภนฺโต วา กาลกโต วา ปกฺขสงฺกนฺโต วา อาณตฺติเยว
ปญฺจมี ฯ✎ ร่าง
upajjhāyo pakkanto vā hoti, vibbhanto vā, kālaṅkato vā, pakkhasaṅkanto vā, āṇattiyeva pañcamī.
ปญฺจ ปุคฺคลา น อุปสมฺปาเทตพฺพา✎ ร่าง
Pañca puggalā na upasampādetabbā—
อทฺธานหีโน องฺคหีโน
วตฺถุวิปนฺโน กรณทุกฺกฏโก อปริปูโร ฯ✎ ร่าง
addhānahīno, aṅgahīno, vatthuvipanno, karaṇadukkaṭako, aparipūro.
ปญฺจ ปํสุกูลานิ✎ ร่าง
Pañca paṁsukūlāni—
โสสานิกํ
อาปณิกํ ๑- อุนฺทุรกฺขายิตํ ๒- อุปจิกกฺขายิกํ อคฺคิทฑฺฒํ ฯ✎ ร่าง
sosānikaṁ, pāpaṇikaṁ, undūrakkhāyikaṁ, upacikakkhāyikaṁ, aggidaḍḍhaṁ.
อปรานิปิ
ปญฺจ ปํสุกูลานิ✎ ร่าง
Aparānipi pañca paṁsukūlāni—
โคขายิตํ อชกฺขายิตํ ๓- ถูปจีวรํ อภิเสกิกํ ๔- คตปฏิยาคตํ ฯ✎ ร่าง
gokhāyikaṁ, ajakkhāyikaṁ, thūpacīvaraṁ, ābhisekikaṁ, gatapaṭiyāgataṁ.
ปญฺจ อวหารา✎ ร่าง
Pañca avahārā—
เถยฺยาวหาโร ปสยฺหาวหาโร ปริกปฺปาวหาโร
@เชิงอรรถ: ๑ ม. ยุ. ปาปณิกํ ฯ ๒ ม. อุนฺทูรกฺขายิกํ ฯ ๓ ม. โคขายิกํ อชกฺขายิกํ ฯ@๔ ม. ยุ. อาภิเสกิกํ ฯ
ปฏิจฺฉนฺนาวหาโร กุสาวหาโร ฯ✎ ร่าง
theyyāvahāro, pasayhāvahāro, parikappāvahāro, paṭicchannāvahāro, kusāvahāro.
ปญฺจ มหาโจรา สนฺโต
สํวิชฺชมานา โลกสฺมึ ฯ✎ ร่าง
Pañca mahācorā santo saṁvijjamānā lokasmiṁ.
ปญฺจ อวิสฺสชฺชนียานิ ๑- ฯ✎ ร่าง
Pañca avissajjaniyāni.
ปญฺจ
อเวภงฺคียานิ ฯ✎ ร่าง
Pañca avebhaṅgiyāni.
ปญฺจาปตฺติโย กายโต สมุฏฺฐหนฺติ น วาจโต
น จิตฺตโต ฯ✎ ร่าง
Pañcāpattiyo kāyato samuṭṭhanti, na vācato na cittato.
ปญฺจาปตฺติโย กายโต จ วาจโต จ สมุฏฺฐหนฺติ
น จิตฺตโต ฯ✎ ร่าง
Pañcāpattiyo kāyato ca vācato ca samuṭṭhanti, na cittato.
ปญฺจาปตฺติโย เทสนาคามินิโย ฯ✎ ร่าง
Pañcāpattiyo desanāgāminiyo.
ปญฺจ สงฺฆา ฯ✎ ร่าง
Pañca saṅghā.
ปญฺจ ปาติโมกฺขุทฺเทสา ฯ✎ ร่าง
Pañca pātimokkhuddesā.
สพฺพปจฺจนฺติเมสุ ชนปเทสุ
วินยธรปญฺจเมน คเณน อุปสมฺปาเทตพฺพํ ฯ✎ ร่าง
Sabbapaccantimesu janapadesu vinayadharapañcamena gaṇena upasampādetabbaṁ.
ปญฺจานิสํสา กฐินตฺถาเร ฯ✎ ร่าง
Pañcānisaṁsā kathinatthāre.
ปญฺจ กมฺมานิ ฯ✎ ร่าง
Pañca kammāni.
ยาวตติยเก ปญฺจ อาปตฺติโย ฯ✎ ร่าง
Yāvatatiyake pañca āpattiyo.
ปญฺจหากาเรหิ
อทินฺนํ อาทิยนฺตสฺส อาปตฺติ ปาราชิกสฺส ฯ✎ ร่าง
Pañcahākārehi adinnaṁ ādiyantassa āpatti pārājikassa.
ปญฺจหากาเรหิ อทินฺนํ
อาทิยนฺตสฺส อาปตฺติ ถุลฺลจฺจยสฺส ฯ✎ ร่าง
Pañcahākārehi adinnaṁ ādiyantassa āpatti thullaccayassa.
ปญฺจหากาเรหิ อทินฺนํ
อาทิยนฺตสฺส อาปตฺติ ทุกฺกฏสฺส ฯ✎ ร่าง
Pañcahākārehi adinnaṁ ādiyantassa āpatti dukkaṭassa.
ปญฺจ อกปฺปิยานิ น ปริภุญฺชิตพฺพานิ✎ ร่าง
Pañca akappiyāni na paribhuñjitabbāni—
อทินฺนญฺจ โหติ อวิทิตญฺจ โหติ อกปฺปิยญฺจ โหติ อปฺปฏิคฺคหิตญฺจ
โหติ อกตาติริตฺตญฺจ โหติ ฯ✎ ร่าง
adinnañca hoti, aviditañca hoti, akappiyañca hoti, appaṭiggahitañca hoti, akatātirittañca hoti.
ปญฺจ กปฺปิยานิ ปริภุญฺชิตพฺพานิ✎ ร่าง
Pañca kappiyāni paribhuñjitabbāni—
ทินฺนญฺจ
โหติ วิทิตญฺจ โหติ กปฺปิยญฺจ โหติ ปฏิคฺคหิตญฺจ โหติ กตาติริตฺตญฺจ
โหติ ฯ✎ ร่าง
dinnañca hoti, viditañca hoti, kappiyañca hoti, paṭiggahitañca hoti, katātirittañca hoti.
ปญฺจ ทานานิ อปุญฺญานิ ปุญฺญสมฺมตานิ โลกสฺส✎ ร่าง
Pañca dānāni apuññāni puññasammatāni lokasmiṁ—
มชฺชทานํ
สมชฺชทานํ อิตฺถีทานํ อุสภทานํ จิตฺตกมฺมทานํ ฯ✎ ร่าง
majjadānaṁ, samajjadānaṁ, itthidānaṁ, usabhadānaṁ, cittakammadānaṁ.
ปญฺจ อุปฺปนฺนา
ทุปฺปฏิวิโนทิยา✎ ร่าง
Pañca uppannā duppaṭivinodayā—
อุปฺปนฺโน ราโค ทุปฺปฏิวิโนทิโย อุปฺปนฺโน
โทโส ทุปฺปฏิวิโนทิโย อุปฺปนฺโน โมโห ทุปฺปฏิวิโนทิโย อุปฺปนฺนํ
ปฏิภาณํ ทุปฺปฏิวิโนทิยํ อุปฺปนฺนํ คมิยจิตฺตํ ทุปฺปฏิวิโนทิยํ ฯ✎ ร่าง
uppanno rāgo duppaṭivinodayo, uppanno doso duppaṭivinodayo, uppanno moho duppaṭivinodayo, uppannaṁ paṭibhānaṁ duppaṭivinodayaṁ, uppannaṁ gamiyacittaṁ duppaṭivinodayaṁ.
ปญฺจานิสํสา สมฺมชฺชนิยา✎ ร่าง
Pañcānisaṁsā sammajjaniyā—
สกจิตฺตํ ปสีทติ ปรจิตฺตํ
ปสีทติ เทวตา อตฺตมนา โหนฺติ ปสาทิกสํวตฺตนิยํ ๑- กมฺมํ
อุปจินติ กายสฺส เภทา ปรมฺมรณา สุคตึ สคฺคํ โลกํ อุปปชฺชติ ฯ✎ ร่าง
sakacittaṁ pasīdati, paracittaṁ pasīdati, devatā attamanā honti, pāsādikasaṁvattanikakammaṁ upacinati, kāyassa bhedā paraṁ maraṇā sugatiṁ saggaṁ lokaṁ upapajjati.
อปเรปิ ปญฺจานิสํสา สมฺมชฺชนิยา✎ ร่าง
Aparepi pañcānisaṁsā sammajjaniyā—
สกจิตฺตํ ปสีทติ ปรจิตฺตํ
ปสีทติ เทวตา อตฺตมนา โหนฺติ สตฺถุสาสนํ กตํ โหติ ปจฺฉิมา
ชนตา ทิฏฺฐานุคตึ อาปชฺชติ ฯ✎ ร่าง
sakacittaṁ pasīdati, paracittaṁ pasīdati, devatā attamanā honti, satthusāsanaṁ kataṁ hoti, pacchimā janatā diṭṭhānugatiṁ āpajjati.