จตสฺโส อิมา ภิกฺขเว ปฏิปทา🤖 AI จับคู่
“Catasso imā, bhikkhave, paṭipadā.
“Mendicants, there are four ways of practice.
อ้างอิงพุทธชยันตี 19.294
กตมา จตสฺโส🤖 AI จับคู่
Katamā catasso?
What four?
อกฺขมา ปฏิปทา ขมา ปฏิปทา ทมา ปฏิปทา สมา ปฏิปทา ฯ🤖 AI จับคู่
Akkhamā paṭipadā, khamā paṭipadā, damā paṭipadā, samā paṭipadā.
Impatient practice, patient practice, taming practice, and calming practice.
กตมา จ ภิกฺขเว อกฺขมา ปฏิปทา🤖 AI จับคู่
Katamā ca, bhikkhave, akkhamā paṭipadā?
And what’s the impatient practice?
อิธ ภิกฺขเว เอกจฺโจ ปุคฺคโล
อกฺโกสนฺตํ ปจฺจกฺโกสติ โรสนฺตํ ปฏิโรสติ ภณฺฑนฺตํ ปฏิภณฺฑติ🤖 AI จับคู่
Idha, bhikkhave, ekacco akkosantaṁ paccakkosati, rosantaṁ paṭirosati, bhaṇḍantaṁ paṭibhaṇḍati.
It’s when someone abuses, annoys, or argues with you, and you abuse, annoy, or argue right back at them.
อยํ วุจฺจติ ภิกฺขเว อกฺขมา ปฏิปทา ฯ🤖 AI จับคู่
Ayaṁ vuccati, bhikkhave, akkhamā paṭipadā.
This is called the impatient practice.
กตมา จ ภิกฺขเว ขมา ปฏิปทา🤖 AI จับคู่
Katamā ca, bhikkhave, khamā paṭipadā?
And what’s the patient practice?
อิธ ภิกฺขเว เอกจฺโจ
ปุคฺคโล อกฺโกสนฺตํ น ปจฺจกฺโกสติ โรสนฺตํ น ปฏิโรสติ ภณฺฑนฺตํ
น ปฏิภณฺฑติ🤖 AI จับคู่
Idha, bhikkhave, ekacco akkosantaṁ na paccakkosati, rosantaṁ na paṭirosati, bhaṇḍantaṁ na paṭibhaṇḍati.
It’s when someone abuses, annoys, or argues with you, and you don’t abuse, annoy, or argue back at them.
อยํ วุจฺจติ ภิกฺขเว ขมา ปฏิปทา ฯ🤖 AI จับคู่
Ayaṁ vuccati, bhikkhave, khamā paṭipadā.
This is called the patient practice.
กตมา จ ภิกฺขเว ทมา ปฏิปทา🤖 AI จับคู่
Katamā ca, bhikkhave, damā paṭipadā?
And what’s the taming practice?
อ้างอิงPTS 2.153 · สยามรัฐ 21.205 · ฉัฏฐสังคายนา 36.176
อิธ ภิกฺขเว ภิกฺขุ
จกฺขุนา รูปํ ทิสฺวา น นิมิตฺตคฺคาหี โหติ นานุพฺยญฺชนคฺคาหี🤖 AI จับคู่
Idha, bhikkhave, bhikkhu cakkhunā rūpaṁ disvā na nimittaggāhī hoti nānubyañjanaggāhī;
When a mendicant sees a sight with their eyes, they don’t get caught up in the features and details.
ยตฺวาธิกรณเมนํ จกฺขุนฺทฺริยํ อสํวุตํ วิหรนฺตํ อภิชฺฌาโทมนสฺสา
ปาปกา อกุสลา ธมฺมา อนฺวาสฺสเวยฺยุํ ตสฺส
สํวราย ปฏิปชฺชติ รกฺขติ จกฺขุนฺทฺริยํ จกฺขุนฺทฺริเย สํวรํ
อาปชฺชติ🤖 AI จับคู่
yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati cakkhundriyaṁ; cakkhundriye saṁvaraṁ āpajjati.
If the faculty of sight were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of sight, and achieving restraint over it.
โสเตน สทฺทํ สุตฺวา🤖 AI จับคู่
Sotena saddaṁ sutvā …
When they hear a sound with their ears …
ฆาเนน คนฺธํ ฆายิตฺวา🤖 AI จับคู่
ghānena gandhaṁ ghāyitvā …
When they smell an odor with their nose …
ชิวฺหาย รสํ สายิตฺวา🤖 AI จับคู่
jivhāya rasaṁ sāyitvā …
When they taste a flavor with their tongue …
กาเยน โผฏฺฐพฺพํ ผุสิตฺวา🤖 AI จับคู่
kāyena phoṭṭhabbaṁ phusitvā …
When they feel a touch with their body …
มนสา
ธมฺมํ วิญฺญาย น นิมิตฺตคฺคาหี โหติ นานุพฺยญฺชนคฺคาหี🤖 AI จับคู่
manasā dhammaṁ viññāya na nimittaggāhī hoti nānubyañjanaggāhī;
When they know an idea with their mind, they don’t get caught up in the features and details.
ยตฺวาธิกรณเมนํ มนินฺทฺริยํ อสํวุตํ วิหรนฺตํ อภิชฺฌาโทมนสฺสา
ปาปกา อกุสลา ธมฺมา อนฺวาสฺสเวยฺยุํ ตสฺส สํวราย ปฏิปชฺชติ
รกฺขติ มนินฺทฺริยํ มนินฺทฺริเย สํวรํ อาปชฺชติ🤖 AI จับคู่
yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati manindriyaṁ; manindriye saṁvaraṁ āpajjati.
If the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving restraint over it.
อยํ วุจฺจติ ภิกฺขเว
ทมา ปฏิปทา ฯ🤖 AI จับคู่
Ayaṁ vuccati, bhikkhave, damā paṭipadā.
This is called the taming practice.
กตมา จ ภิกฺขเว สมา ปฏิปทา🤖 AI จับคู่
Katamā ca, bhikkhave, samā paṭipadā?
And what’s the calming practice?
อิธ ภิกฺขเว ภิกฺขุ
อุปฺปนฺนํ กามวิตกฺกํ นาธิวาเสติ ปชหติ วิโนเทติ สเมติ พฺยนฺตีกโรติ
อนภาวํ คเมติ อุปฺปนฺนํ พฺยาปาทวิตกฺกํ ... อุปฺปนฺนํ วิหึสาวิตกฺกํ ...
อุปฺปนฺนุปฺปนฺเน ปาปเก อกุสเล ธมฺเม นาธิวาเสติ ปชหติ วิโนเทติ
สเมติ พฺยนฺตีกโรติ อนภาวํ คเมติ🤖 AI จับคู่
Idha, bhikkhave, bhikkhu uppannaṁ kāmavitakkaṁ nādhivāseti pajahati vinodeti sameti byantīkaroti anabhāvaṁ gameti; uppannaṁ byāpādavitakkaṁ …pe… uppannaṁ vihiṁsāvitakkaṁ … uppannuppanne pāpake akusale dhamme nādhivāseti pajahati vinodeti sameti byantīkaroti anabhāvaṁ gameti.
It’s when a mendicant doesn’t tolerate a sensual, malicious, or cruel thought. They don’t tolerate any bad, unskillful qualities that have arisen, but give them up, get rid of them, calm them, eliminate them, and obliterate them.
อยํ วุจฺจติ ภิกฺขเว สมา ปฏิปทา ฯ🤖 AI จับคู่
Ayaṁ vuccati, bhikkhave, samā paṭipadā.
This is called the calming practice.
อิมา โข ภิกฺขเว จตสฺโส ปฏิปทาติ ฯ🤖 AI จับคู่
Imā kho, bhikkhave, catasso paṭipadā”ti.
These are the four ways of practice.”