มานาติมานา สหเปสุณา จาติ✎ ร่าง
Mānātimānā sahapesuṇā cāti.
อ้างอิงสยามรัฐ 29.308 · พุทธชยันตี 33.348
—
Piyaṁ vatthuṁ rakkhanti gopenti pariggaṇhanti mamāyanti maccharāyanti.
มาโนติ อิเธกจฺโจ
มานํ ชเนติ ชาติยา วา โคตฺเตน วา โกลปุตฺติเกน วา วณฺณโปกฺขรตาย
วา ธเนน วา อชฺเฌเนน วา กมฺมายตเนน วา สิปฺปายตเนน วา
วิชฺชฏฺฐาเนน วา สุเตน วา ปฏิภาเณน วา อญฺญตรญฺญตเรน
วา วตฺถุนา ฯ✎ ร่าง
Mānoti idhekacco mānaṁ janeti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā.
อติมาโนติ อิเธกจฺโจ อญฺญํ ๑- อติมญฺญติ ชาติยา
วา โคตฺเตน วา ฯเปฯ อญฺญตรญฺญตเรน วา วตฺถุนา ฯ✎ ร่าง
Atimānoti idhekacco paraṁ atimaññati jātiyā vā gottena vā …pe… aññataraññatarena vā vatthunā.
เปสุญฺญนฺติ
อิเธกจฺโจ ปิสุณวาโจ โหติ✎ ร่าง
Pesuññanti idhekacco pisuṇavāco hoti—
อิโต สุตฺวา อมุตฺร อกฺขาตา อิเมสํ
เภทาย อมุตฺร วา สุตฺวา อิเมสํ อกฺขาตา อมูสํ เภทาย✎ ร่าง
ito sutvā amutra akkhātā imesaṁ bhedāya, amutra vā sutvā imesaṁ akkhātā amūsaṁ bhedāya.
อิติ สมคฺคานํ
วา เภตฺตา ภินฺนานํ วา อนุปฺปทาตา วคฺคาราโม วคฺครโต วคฺคนนฺที
วคฺคกรณึ วาจํ ภาสิตา โหติ✎ ร่าง
Iti samaggānaṁ vā bhettā, bhinnānaṁ vā anuppadātā, vaggārāmo vaggarato vagganandī vaggakaraṇiṁ vācaṁ bhāsitā hoti—
อิทํ วุจฺจติ เปสุญฺญํ ฯ✎ ร่าง
idaṁ vuccati pesuññaṁ.
อปิจ ทฺวีหิ
การเณหิ เปสุญฺญํ อุปสํหรติ✎ ร่าง
Api ca dvīhi kāraṇehi pesuññaṁ upasaṁharati—
ปิยกมฺยตาย วา เภทาธิปฺปาโย ๒-
วา ฯ✎ ร่าง
piyakamyatāya vā bhedādhippāyena vā.
กถํ ปิยกมฺยตาย เปสุญฺญํ อุปสํหรติ ฯ✎ ร่าง
Kathaṁ piyakamyatāya pesuññaṁ upasaṁharati?
อิมสฺส
ปิโย ภวิสฺสามิ มนาโป ภวิสฺสามิ วิสฺสาสิโก ภวิสฺสามิ อพฺภนฺตริโก
ภวิสฺสามิ สุหทโย ภวิสฺสามีติ✎ ร่าง
Imassa piyo bhavissāmi, manāpo bhavissāmi, vissāsiko bhavissāmi, abbhantariko bhavissāmi, suhadayo bhavissāmīti—
เอวํ ปิยกมฺยตาย เปสุญฺญํ อุปสํหรติ ฯ✎ ร่าง
evaṁ piyakamyatāya pesuññaṁ upasaṁharati.
กถํ เภทาธิปฺปาโย ๓- เปสุญฺญํ อุปสํหรติ ฯ✎ ร่าง
Kathaṁ bhedādhippāyena pesuññaṁ upasaṁharati?
กถํ
อิเม นานา อสฺสุ วินา อสฺสุ วคฺคา อสฺสุ เทฺวธา อสฺสุ เทฺวชฺฌา
อสฺสุ เทฺวปกฺขา อสฺสุ ภิชฺเชยฺยุํ น สมาคจฺเฉยฺยุํ ทุกฺขํ น
@เชิงอรรถ: ๑ ม. ปรํ ฯ ๒-๓ ม. ยุ. เภทาธิปฺปาเยน ฯ อิโต ปรํ เอวํ ญาตพฺพํ ฯ
ผาสุ วิหเรยฺยุนฺติ✎ ร่าง
Kathaṁ ime nānā assu, vinā assu, vaggā assu, dvidhā assu, dvejjhā assu, dve pakkhā assu, bhijjeyyuṁ na samāgaccheyyuṁ, dukkhaṁ na phāsu vihareyyunti—
เอวํ เภทาธิปฺปาโย เปสุญฺญํ อุปสํหรตีติ✎ ร่าง
evaṁ bhedādhippāyena pesuññaṁ upasaṁharatīti—
มานาติมานา สหเปสุณา จ ฯ✎ ร่าง
mānātimānā sahapesuṇā ca.