กตเม ธมฺมา กุสลา✎ ร่าง
Katame dhammā kusalā?
อ้างอิงPTS 9 · สยามรัฐ 34.9 · ฉัฏฐสังคายนา 113.21 · พุทธชยันตี 41.26
ยสฺมึ สมเย กามาวจรํ กุสลํ
จิตฺตํ อุปฺปนฺนํ โหติ โสมนสฺสสหคตํ ญาณสมฺปยุตฺตํ รูปารมฺมณํ
วา สทฺทารมฺมณํ วา คนฺธารมฺมณํ วา รสารมฺมณํ วา โผฏฺฐพฺพารมฺมณํ
วา ธมฺมารมฺมณํ วา ยํ ยํ วา ปนารพฺภ ตสฺมึ สมเย✎ ร่าง
Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye—
ผสฺโส โหติ เวทนา โหติ สญฺญา โหติ เจตนา โหติ จิตฺตํ โหติ✎ ร่าง
Phasso hoti, vedanā hoti, saññā hoti, cetanā hoti, cittaṁ hoti,
วิตกฺโก โหติ วิจาโร โหติ ปีติ โหติ สุขํ โหติ จิตฺตสฺเสกคฺคตา
โหติ✎ ร่าง
Vitakko hoti, vicāro hoti, pīti hoti, sukhaṁ hoti, cittassekaggatā hoti,
สทฺธินฺทฺริยํ โหติ วิริยินฺทฺริยํ โหติ สตินฺทฺริยํ โหติ สมาธินฺทฺริยํ
โหติ ปญฺญินฺทฺริยํ โหติ มนินฺทฺริยํ โหติ โสมนสฺสินฺทฺริยํ โหติ
ชีวิตินฺทฺริยํ โหติ✎ ร่าง
Saddhindriyaṁ hoti, vīriyindriyaṁ hoti, satindriyaṁ hoti, samādhindriyaṁ hoti, paññindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti,
สมฺมาทิฏฺฐิ โหติ สมฺมาสงฺกปฺโป โหติ สมฺมาวายาโม
โหติ สมฺมาสติ โหติ สมฺมาสมาธิ โหติ✎ ร่าง
Sammādiṭṭhi hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti,
สทฺธาพลํ โหติ
วิริยพลํ โหติ สติพลํ โหติ สมาธิพลํ โหติ ปญฺญาพลํ โหติ
หิรีพลํ โหติ โอตฺตปฺปพลํ โหติ✎ ร่าง
Saddhābalaṁ hoti, vīriyabalaṁ hoti, satibalaṁ hoti, samādhibalaṁ hoti, paññābalaṁ hoti, hiribalaṁ hoti, ottappabalaṁ hoti,
อโลโภ โหติ อโทโส โหติ
อโมโห โหติ อนภิชฺฌา โหติ อพฺยาปาโท โหติ สมฺมาทิฏฺฐิ
โหติ✎ ร่าง
Alobho hoti, adoso hoti, amoho hoti, anabhijjhā hoti, abyāpādo hoti, sammādiṭṭhi hoti,
หิรี โหติ โอตฺตปฺปํ โหติ✎ ร่าง
Hirī hoti, ottappaṁ hoti,
กายปฺปสฺสทฺธิ โหติ จิตฺตปฺปสฺสทฺธิ
โหติ กายลหุตา โหติ จิตฺตลหุตา โหติ กายมุทุตา โหติ
จิตฺตมุทุตา โหติ กายกมฺมญฺญตา โหติ จิตฺตกมฺมญฺญตา โหติ
กายปาคุญฺญตา โหติ จิตฺตปาคุญฺญตา โหติ กายุชุกตา โหติ
จิตฺตุชุกตา โหติ✎ ร่าง
Kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti,
อ้างอิงสยามรัฐ 34.10
สติ โหติ สมฺปชญฺญํ โหติ✎ ร่าง
Sati hoti, sampajaññaṁ hoti,
สมโถ โหติ
วิปสฺสนา โหติ✎ ร่าง
Samatho hoti, vipassanā hoti,
ปคฺคาโห โหติ อวิกฺเขโป โหติ✎ ร่าง
Paggāho hoti, avikkhepo hoti;
เย วา ปน
ตสฺมึ สมเย อญฺเญปิ อตฺถิ ปฏิจฺจสมุปฺปนฺนา อรูปิโน ธมฺมา✎ ร่าง
Ye vā pana tasmiṁ samaye aññepi atthi paṭiccasamuppannā arūpino dhammā—
อิเม ธมฺมา กุสลา ฯ✎ ร่าง
ime dhammā kusalā.