เตน สมเยน พุทฺโธ ภควา สาวตฺถิยํ วิหรติ เชตวเน
อนาถปิณฺฑิกสฺส อาราเม ฯ✎ ร่าง
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
อ้างอิงPTS 3.128 · สยามรัฐ 1.273 · พุทธชยันตี 1.320
เตน โข ปน สมเยน อายสฺมา
อุทายิ อรญฺเญ วิหรติ✎ ร่าง
Tena kho pana samayena āyasmā udāyī araññe viharati.
ฯ✎ ร่าง
Tassāyasmato vihāro abhirūpo hoti dassanīyo pāsādiko.
เตน โข ปน สมเยน สมฺพหุลา
อิตฺถิโย อารามํ อคมํสุ วิหารเปกฺขิกาโย ฯ✎ ร่าง
Tena kho pana samayena sambahulā itthiyo ārāmaṁ āgamaṁsu vihārapekkhikāyo.
อถโข ตา อิตฺถิโย เยนายสฺมา อุทายิ เตนุปสงฺกมึสุ✎ ร่าง
Atha kho tā itthiyo yenāyasmā udāyī tenupasaṅkamiṁsu;
อุปสงฺกมิตฺวา อายสฺมนฺตํ อุทายึ เอตทโวจุํ✎ ร่าง
upasaṅkamitvā āyasmantaṁ udāyiṁ etadavocuṁ—
อิจฺฉาม มยํ ภนฺเต
อยฺยสฺส วิหารํ เปกฺขิตุนฺติ ฯ✎ ร่าง
“icchāma mayaṁ, bhante, ayyassa vihāraṁ pekkhitun”ti.
อถโข อายสฺมา อุทายิ ตา อิตฺถิโย
วิหารํ เปกฺขาเปตฺวา ตาสํ อิตฺถีนํ วจฺจมคฺคํ ปสฺสาวมคฺคํ อาทิสฺส
วณฺณํปิ ภณติ อวณฺณํปิ ภณติ ยาจติปิ อายาจติปิ ปุจฺฉติปิ
ปฏิปุจฺฉติปิ อาจิกฺขติปิ อนุสาสติปิ อกฺโกสติปิ ฯ✎ ร่าง
Atha kho āyasmā udāyī tā itthiyo vihāraṁ pekkhāpetvā tāsaṁ itthīnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati yācatipi āyācatipi pucchatipi paṭipucchatipi ācikkhatipi anusāsatipi akkosatipi.
—
akkosatipi, āpatti saṅghādisesena dukkaṭassa.
ยา ตา อิตฺถิโย
ฉินฺนกา ธุตฺติกา อหิริกาโย อเหสุํ ๒- ตา อายสฺมตา อุทายินา
สทฺธึ อูหสนฺติปิ อุลฺลปนฺติปิ อุชฺฌคฺคนฺติปิ อุปฺผณฺเฑนฺติปิ ฯ✎ ร่าง
Yā tā itthiyo chinnikā dhuttikā ahirikāyo tā āyasmatā udāyinā saddhiṁ uhasantipi ullapantipi ujjagghantipi uppaṇḍentipi.
ยา ปน ตา อิตฺถิโย หิริมนา ตา นิกฺขมิตฺวา
ภิกฺขู อุชฺฌาเปนฺติ✎ ร่าง
Yā pana tā itthiyo hirimanā tā nikkhamitvā bhikkhū ujjhāpenti—
อิทํ ภนฺเต น ฉนฺนํ น ปฏิรูปํ✎ ร่าง
“idaṁ, bhante, nacchannaṁ nappatirūpaṁ.
สามิเกนปิ
มยํ เอวํ วุตฺตา น อิจฺเฉยฺยาม กึ ปนยฺเยน อุทายินาติ ฯ✎ ร่าง
Sāmikenapi mayaṁ evaṁ vuttā na iccheyyāma, kiṁ panāyyena udāyinā”ti.
เย เต ภิกฺขู อปฺปิจฺฉา สนฺตุฏฺฐา ลชฺชิโน กุกฺกุจฺจกา
@เชิงอรรถ: ๑ อิโต ปรํ ยุโรปิยโปตฺถเก ตสฺสายสฺมโต วิหาโร อภิรูโป โหติ@ทสฺสนีโย ปาสาทิโกติ ปญฺญายติ ฯ ๒ ยุ. ม. โปตฺถเกสุ อยํ@ปาโฐ น ทิสฺสติ ฯ
สิกฺขากามา เต อุชฺฌายนฺติ ขียนฺติ วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
กถํ หิ นาม
อายสฺมา อุทายิ มาตุคามํ ทุฏฺฐุลฺลาหิ วาจาหิ โอภาสิสฺสตีติ ฯ✎ ร่าง
“kathañhi nāma āyasmā udāyī mātugāmaṁ duṭṭhullāhi vācāhi obhāsissatī”ti.
อถโข เต ภิกฺขู ภควโต เอตมตฺถํ อาโรเจสุํ ฯ✎ ร่าง
Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ.
อ้างอิงฉัฏฐสังคายนา 87.189
อถโข ภควา เอตสฺมึ นิทาเน เอตสฺมึ ปกรเณ ภิกฺขุสงฺฆํ
สนฺนิปาตาเปตฺวา อายสฺมนฺตํ อุทายึ ปฏิปุจฺฉิ✎ ร่าง
Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi—
สจฺจํ กิร
ตฺวํ อุทายิ มาตุคามํ ทุฏฺฐุลฺลาหิ วาจาหิ โอภาสสีติ ฯ✎ ร่าง
“saccaṁ kira tvaṁ, udāyi, mātugāmaṁ duṭṭhullāhi vācāhi obhāsasī”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ พุทฺโธ ภควา✎ ร่าง
Vigarahi buddho bhagavā—
อนนุจฺฉวิกํ
โมฆปุริส อนนุโลมิกํ อปฺปฏิรูปํ อสฺสามณกํ อกปฺปิยํ
อกรณียํ✎ ร่าง
“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
กถํ หิ นาม ตฺวํ โมฆปุริส มาตุคามํ ทุฏฺฐุลฺลาหิ
วาจาหิ โอภาสิสฺสสิ✎ ร่าง
Kathañhi nāma tvaṁ, moghapurisa, mātugāmaṁ duṭṭhullāhi vācāhi obhāsissasi.
นนุ มยา โมฆปุริส อเนกปริยาเยน วิราคาย
ธมฺโม เทสิโต โน สราคาย ฯเปฯ✎ ร่าง
Nanu mayā, moghapurisa, anekapariyāyena virāgāya dhammo desito no sarāgāya …pe…
กามปริฬาหานํ วูปสโม
อกฺขาโต✎ ร่าง
kāmapariḷāhānaṁ vūpasamo akkhāto.
เนตํ โมฆปุริส อปฺปสนฺนานํ วา ปสาทาย ฯเปฯ✎ ร่าง
Netaṁ, moghapurisa, appasannānaṁ vā pasādāya …pe…
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana, bhikkhave, imaṁ sikkhāpadaṁ uddiseyyātha—
โย ปน ภิกฺขุ โอติณฺโณ วิปริณเตน จิตฺเตน
มาตุคามํ ทุฏฺฐุลฺลาหิ วาจาหิ โอภาเสยฺย ยถาตํ ยุวา ยุวตึ
เมถุนูปสญฺหิตาหิ สงฺฆาทิเสโสติ ฯ✎ ร่าง
“Yo pana bhikkhu otiṇṇo vipariṇatena cittena mātugāmaṁ duṭṭhullāhi vācāhi obhāseyya yathā taṁ yuvā yuvatiṁ methunupasaṁhitāhi, saṅghādiseso”ti.