อถโข ภควา ราชคเห ยถาภิรนฺตํ วิหริตฺวา เยน
อาฬวี เตน จาริกํ ปกฺกามิ✎ ร่าง
Atha kho bhagavā rājagahe yathābhirantaṁ viharitvā yena āḷavī tena cārikaṁ pakkāmi.
อ้างอิงฉัฏฐสังคายนา 87.225
อนุปุพฺเพน จาริกํ จรมาโน เยน
อาฬวี ตทวสริ ฯ✎ ร่าง
Anupubbena cārikaṁ caramāno yena āḷavī tadavasari.
ตตฺร สุทํ ภควา อาฬวิยํ วิหรติ อคฺคาฬเว
เจติเย ฯ✎ ร่าง
Tatra sudaṁ bhagavā āḷaviyaṁ viharati aggāḷave cetiye.
อถโข อายสฺมา มหากสฺสโป เยน ภควา เตนุปสงฺกมิ
อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ✎ ร่าง
Atha kho āyasmā mahākassapo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
เอกมนฺตํ
นิสินฺโน โข อายสฺมา มหากสฺสโป ภควโต เอตมตฺถํ อาโรเจสิ ฯ✎ ร่าง
Ekamantaṁ nisinno kho āyasmā mahākassapo bhagavato etamatthaṁ ārocesi.
อถโข ภควา เอตสฺมึ นิทาเน เอตสฺมึ ปกรเณ ภิกฺขุสงฺฆํ
สนฺนิปาตาเปตฺวา อาฬวิเก ภิกฺขู ปฏิปุจฺฉิ✎ ร่าง
Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āḷavake bhikkhū paṭipucchi—
อ้างอิงสยามรัฐ 1.331
สจฺจํ กิร ตุมฺเห ภิกฺขเว
สญฺญาจิกาโย กุฏิกาโย การาเปถ อสฺสามิกาโย อตฺตุทฺเทสิกาโย
@เชิงอรรถ: ๑ ยุ. ม. โปตฺถเกสุ อยํ ปาโฐ น โหติ ฯ
อปฺปมาณิกาโย✎ ร่าง
“saccaṁ kira tumhe, bhikkhave, saññācikāyo kuṭiyo kārāpetha assāmikāyo attuddesikāyo appamāṇikāyo.
ตาโย น นิฏฺฐานํ คจฺฉนฺติ✎ ร่าง
Tāyo na niṭṭhānaṁ gacchanti.
เต ตุมฺเห ยาจนพหุลา
วิญฺญตฺติพหุลา วิหรถ✎ ร่าง
Te tumhe yācanabahulā viññattibahulā viharatha—
ปุริสํ เทถ ปุริสตฺถกรํ เทถ โคณํ เทถ
สกฏํ เทถ วาสึ เทถ ผรุสํ เทถ กุฐารึ เทถ กุทฺทาลํ เทถ
นิขาทนํ เทถ วลฺลึ เทถ เวฬุํ เทถ มุญฺชํ เทถ ปพฺพชํ เทถ
ติณํ เทถ มตฺติกํ เทถาติ✎ ร่าง
‘purisaṁ detha purisatthakaraṁ detha …pe… tiṇaṁ detha mattikaṁ dethā’ti.
มนุสฺสา อุปทฺทุตา ยาจนาย อุปทฺทุตา
วิญฺญตฺติยา ภิกฺขู ทิสฺวา อุพฺพิชฺชนฺติปิ อุตฺตสนฺติปิ ปลายนฺติปิ
อญฺเญนปิ คจฺฉนฺติ อญฺเญนปิ มุขํ กโรนฺติ ทฺวารํปิ ถเกนฺติ
คาวีปิ ทิสฺวา ปลายนฺติ ภิกฺขูติ มญฺญมานาติ ฯ✎ ร่าง
Manussā upaddutā yācanāya upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti, gāvimpi disvā palāyanti bhikkhūti maññamānā”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ พุทฺโธ ภควา อนนุจฺฉวิกํ โมฆปุริสา ฯเปฯ อกรณียํ✎ ร่าง
Vigarahi buddho bhagavā …pe…
กถํ หิ นาม ตุเมฺห โมฆปุริสา สญฺญาจิกาโย กุฏิกาโย การาเปสฺสถ
{๔๙๘.๒} อสฺสามิกาโย อตฺตุทฺเทสิกาโย อปฺปมาณิกาโย✎ ร่าง
kathañhi nāma tumhe, moghapurisā, saṁyācikāyo kuṭiyo kārāpessatha assāmikāyo attuddesikāyo appamāṇikāyo.
ตาโย น
นิฏฺฐานํ คจฺฉนฺติ✎ ร่าง
Tāyo na niṭṭhānaṁ gacchanti.
เต ตุเมฺห ยาจนพหุลา วิญฺญตฺติพหุลา วิหริสฺสถ✎ ร่าง
Te tumhe yācanabahulā viññattibahulā viharissatha—
ปุริสํ เทถ ปุริสตฺถกรํ เทถ โคณํ เทถ สกฏํ เทถ วาสึ เทถ
ผรุสํ เทถ กุฐารึ เทถ กุทฺทาลํ เทถ นิขาทนํ เทถ วลฺลึ เทถ
เวฬุํ เทถ มุญฺชํ เทถ ปพฺพชํ เทถ ติณํ เทถ มตฺติกํ เทถาติ✎ ร่าง
“purisaṁ detha purisatthakaraṁ detha …pe… tiṇaṁ detha mattikaṁ dethā”ti.
เนตํ
โมฆปุริสา อปฺปสนฺนานํ วา ปสาทาย ฯเปฯ อญฺญถตฺตายาติ ฯ
อถโข ภควา อาฬวิเก ภิกฺขู อเนกปริยาเยน✎ ร่าง
Netaṁ moghapurisā, appasannānaṁ vā pasādāya …pe…
วิครหิตฺวา ฯเปฯ
ภิกฺขูนํ ตทนุจฺฉวิกํ ตทนุโลมิกํ ธมฺมึ กถํ กตฺวา ภิกฺขู อามนฺเตสิ✎ ร่าง
vigarahitvā dhammiṁ kathaṁ katvā bhikkhū āmantesi—