ภิกฺขุนิโย เอวมาหํสุ นนุ อโวจุมฺหา นทานิ อชฺช
โอวาโท อิทฺโธ ภวิสฺสติ ตญฺเญวทานิ อุทานํ อยฺโย จูฬปนฺถโก
ปุนปฺปุนํ ภณิสฺสตีติ ฯ✎ ร่าง
Bhikkhuniyo evamāhaṁsu—“nanu avocumhā—na dāni ajja ovādo iddho bhavissati, taññeva dāni udānaṁ ayyo cūḷapanthako punappunaṁ bhaṇissatī”ti.
อ้างอิงสยามรัฐ 2.275 · พุทธชยันตี 2.1.160
อสฺโสสิ โข อายสฺมา จูฬปนฺถโก ตาสํ
ภิกฺขุนีนํ อิมํ กถาสลฺลาปํ ฯ✎ ร่าง
Assosi kho āyasmā cūḷapanthako tāsaṁ bhikkhunīnaṁ imaṁ kathāsallāpaṁ.
อถโข อายสฺมา จูฬปนฺถโก เวหาสํ
อพฺภุคฺคนฺตฺวา อากาเส อนฺตลิกฺเข จงฺกมติปิ ติฏฺฐติปิ นิสีทติปิ
เสยฺยํปิ กปฺเปติ ธูมายติปิ ปชฺชลติปิ อนฺตรธายติปิ ตญฺเญว ๑-
อุทานํ ภณติ อญฺญญฺจ พหุํ พุทฺธวจนํ ฯ✎ ร่าง
Atha kho āyasmā cūḷapanthako vehāsaṁ abbhuggantvā ākāse antalikkhe caṅkamatipi tiṭṭhatipi nisīdatipi seyyampi kappeti dhūmāyatipi pajjalatipi antaradhāyatipi, tañceva udānaṁ bhaṇati aññañca bahuṁ buddhavacanaṁ.
ภิกฺขุนิโย เอวมาหํสุ✎ ร่าง
Bhikkhuniyo evamāhaṁsu—
อจฺฉริยํ วต โภ อพฺภุตํ วต โภ✎ ร่าง
“acchariyaṁ vata bho, abbhutaṁ vata bho.
น วต โน อิโต ปุพฺเพ โอวาโท
เอวํ อิทฺโธ ภูตปุพฺโพ ยถา อยฺยสฺส จูฬปนฺถกสฺสาติ ฯ✎ ร่าง
Na vata no ito pubbe ovādo evaṁ iddho bhūtapubbo yathā ayyassa cūḷapanthakassā”ti.
อถโข
อายสฺมา จูฬปนฺถโก ตา ภิกฺขุนิโย ยาว สมนฺธการา โอวทิตฺวา
อุยฺโยเชสิ คจฺฉถ ภคินิโยติ ฯ✎ ร่าง
Atha kho āyasmā cūḷapanthako tā bhikkhuniyo yāva samandhakārā ovaditvā uyyojesi—“gacchatha, bhaginiyo”ti.
อถโข ตา ภิกฺขุนิโย นครทฺวาเร ถกฺกิเต ๒- พหินคเร
วสิตฺวา กาลสฺเสว นครํ ปวิสนฺติ ฯ✎ ร่าง
Atha kho tā bhikkhuniyo nagaradvāre thakite bahinagare vasitvā kālasseva nagaraṁ pavisanti.
มนุสฺสา อุชฺฌายนฺติ ขียนฺติ
วิปาเจนฺติ อพฺรหฺมจารินิโย อิมา ภิกฺขุนิโย✎ ร่าง
Manussā ujjhāyanti khiyyanti vipācenti—“abrahmacāriniyo imā bhikkhuniyo;
อาราเม ภิกฺขูหิ สทฺธึ
วสิตฺวา อิทานิ นครํ ปวิสนฺตีติ ฯ✎ ร่าง
ārāme bhikkhūhi saddhiṁ vasitvā idāni nagaraṁ pavisantī”ti.
อสฺโสสุํ โข ภิกฺขู เตสํ มนุสฺสานํ
อุชฺฌายนฺตานํ ขียนฺตานํ วิปาเจนฺตานํ ฯ✎ ร่าง
Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
อ้างอิงPTS 4.55
เย เต ภิกฺขู อปฺปิจฺฉา
ฯเปฯ เต อุชฺฌายนฺติ ขียนฺติ วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
กถํ หิ นาม อายสฺมา
จูฬปนฺถโก อตฺถงฺคเต สุริเย ๓- ภิกฺขุนิโย โอวทิสฺสตีติ ฯเปฯ✎ ร่าง
“kathañhi nāma āyasmā cūḷapanthako atthaṅgate sūriye bhikkhuniyo ovadissatī”ti …pe…
สจฺจํ กิร ตฺวํ จูฬปนฺถก อตฺถงฺคเต สุริเย ภิกฺขุนิโย โอวทสีติ ฯ✎ ร่าง
“saccaṁ kira tvaṁ, cūḷapanthaka, atthaṅgate sūriye bhikkhuniyo ovadasī”ti?
สจฺจํ ภควาติ ฯ✎ ร่าง
“Saccaṁ, bhagavā”ti.
วิครหิ พุทฺโธ ภควา✎ ร่าง
Vigarahi buddho bhagavā …pe…
กถํ หิ นาม ตฺวํ จูฬปนฺถก
อตฺถงฺคเต สุริเย ภิกฺขุนิโย โอวทิสฺสสิ✎ ร่าง
kathañhi nāma tvaṁ, cūḷapanthaka, atthaṅgate sūriye bhikkhuniyo ovadissasi.
เนตํ จูฬปนฺถก อปฺปสนฺนานํ
วา ปสาทาย ฯเปฯ✎ ร่าง
Netaṁ, cūḷapanthaka, appasannānaṁ vā pasādāya …pe…
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana, bhikkhave, imaṁ sikkhāpadaṁ uddiseyyātha—
สมฺมโตปิ เจ ภิกฺขุ อตฺถงฺคเต สุริเย ภิกฺขุนิโย โอวเทยฺย
ปาจิตฺติยนฺติ ฯ✎ ร่าง
“Sammatopi ce bhikkhu atthaṅgate sūriye bhikkhuniyo ovadeyya, pācittiyan”ti.
อ้างอิงสยามรัฐ 2.276