เตน โข ปน สมเยน ภควา คามํ ปิณฺฑาย ปวิฏฺโฐ โหติ ฯ✎ ร่าง
Tena kho pana samayena bhagavā gāmaṁ piṇḍāya paviṭṭho hoti.
อ้างอิงPTS 3.209 · สยามรัฐ 2.30 · พุทธชยันตี 1.524
อายสฺมา อุทายิ โอหิยโก โหติ วิหารปาโล ฯ✎ ร่าง
Āyasmā udāyī ohiyyako hoti vihārapālo.
อถโข อุปฺปลวณฺณา
ภิกฺขุนี เยนายสฺมา อุทายิ เตนุปสงฺกมิ อุปสงฺกมิตฺวา อายสฺมนฺตํ
อุทายึ เอตทโวจ✎ ร่าง
Atha kho uppalavaṇṇā bhikkhunī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
กหํ ภนฺเต ภควาติ ฯ✎ ร่าง
“kahaṁ, bhante, bhagavā”ti?
ปวิฏฺโฐ ภคินิ ภควา คามํ
ปิณฺฑายาติ ฯ✎ ร่าง
“Paviṭṭho, bhagini, bhagavā gāmaṁ piṇḍāyā”ti.
อิมํ ภนฺเต มํสํ ภควโต เทหีติ ฯ✎ ร่าง
“Imaṁ, bhante, maṁsaṁ bhagavato dehī”ti.
สนฺตปฺปิโต เต ๑-
ภคินิ ภควา มํเสน✎ ร่าง
“Santappito tayā, bhagini, bhagavā maṁsena.
สเจ เม ตฺวํ อนฺตรวาสกํ ทเทยฺยาสิ เอวมหมฺปิ ๒-
สนฺตปฺปิโต ภเวยฺยํ อนฺตรวาสเกนาติ ฯ✎ ร่าง
Sace me tvaṁ antaravāsakaṁ dadeyyāsi, evaṁ ahampi santappito bhaveyyaṁ antaravāsakenā”ti.
มยํ โข ภนฺเต มาตุคามา
นาม กิจฺฉลาภา อิทญฺจ เม อนฺติมํ ปญฺจมํ จีวรํ✎ ร่าง
“Mayaṁ kho, bhante, mātugāmā nāma kicchalābhā. Idañca me antimaṁ pañcamaṁ cīvaraṁ.
นาหํ ทสฺสามีติ ฯ✎ ร่าง
Nāhaṁ dassāmī”ti.
เสยฺยถาปิ ภคินิ ปุริโส หตฺถึ ทตฺวา กจฺเฉ วิสฺสชฺเชยฺย✎ ร่าง
“Seyyathāpi, bhagini, puriso hatthiṁ datvā kacche sajjeyya;
เอวเมว
โข ตฺวํ ภคินิ ภควโต มํสํ ทตฺวา มยฺหํ ๔- อนฺตรวาสกํ วิสฺสชฺเชหีติ ๕- ฯ✎ ร่าง
evameva kho tvaṁ, bhagini, bhagavato maṁsaṁ datvā mayi antaravāsake sajjasī”ti.
อถโข อุปฺปลวณฺณา ภิกฺขุนี อายสฺมตา อุทายินา
นิปฺปีฬิยมานา อนฺตรวาสกํ ทตฺวา อุปสฺสยํ อคมาสิ ฯ✎ ร่าง
Atha kho uppalavaṇṇā bhikkhunī āyasmatā udāyinā nippīḷiyamānā antaravāsakaṁ datvā upassayaṁ agamāsi.
ภิกฺขุนิโย
อุปฺปลวณฺณาย ภิกฺขุนิยา
@เชิงอรรถ: ๑ ม. ยุ. ตยา รามญฺญโปตฺถเก ปน น ทิสฺสติ ฯ ๒ เอวญฺจาหํปีติปิ ปาโฐ ฯ@๓ ม. ยุ. สชฺเชยฺย ฯ ๔ ม. ยุ. มยิ ฯ ๕ ม. ยุ. น สชฺชสีติ ฯ
ปตฺตจีวรํ ปฏิคฺคณฺหนฺติโย อุปฺปลวณฺณํ ภิกฺขุนึ เอตทโวจุํ✎ ร่าง
Bhikkhuniyo uppalavaṇṇāya bhikkhuniyā pattacīvaraṁ paṭiggaṇhantiyo uppalavaṇṇaṁ bhikkhuniṁ etadavocuṁ—
กหนฺเต
อยฺเย อนฺตรวาสโกติ ฯ✎ ร่าง
“kahaṁ te, ayye, antaravāsako”ti?
อุปฺปลวณฺณา ภิกฺขุนี ภิกฺขุนีนํ เอตมตฺถํ
อาโรเจสิ ฯ✎ ร่าง
Uppalavaṇṇā bhikkhunī bhikkhunīnaṁ etamatthaṁ ārocesi.
ภิกฺขุนิโย อุชฺฌายนฺติ ขียนฺติ วิปาเจนฺติ✎ ร่าง
Bhikkhuniyo ujjhāyanti khiyyanti vipācenti—
กถํ หิ นาม
อยฺโย อุทายิ ภิกฺขุนิยา หตฺถโต ๑- จีวรํ ปฏิคฺคเหสฺสติ กิจฺฉลาโภ
มาตุคาโมติ ฯ✎ ร่าง
“kathañhi nāma ayyo udāyī bhikkhuniyā cīvaraṁ paṭiggahessati kicchalābho mātugāmo”ti.
อถโข ตา ภิกฺขุนิโย ภิกฺขูนํ เอตมตฺถํ อาโรเจสุํ ฯ✎ ร่าง
Atha kho tā bhikkhuniyo bhikkhūnaṁ etamatthaṁ ārocesuṁ.
เย เต ภิกฺขู อปฺปิจฺฉา ฯเปฯ เต อุชฺฌายนฺติ ขียนฺติ วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
กถํ
หิ นาม อายสฺมา อุทายิ ภิกฺขุนิยา หตฺถโต ๒- จีวรํ ปริคฺคเหสฺสตีติ ฯ✎ ร่าง
“kathañhi nāma āyasmā udāyī bhikkhuniyā cīvaraṁ paṭiggahessatī”ti.
อถโข เต ภิกฺขู ภควโต เอตมตฺถํ อาโรเจสุํ ฯเปฯ✎ ร่าง
Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
อ้างอิงฉัฏฐสังคายนา 87.319
สจฺจํ
กิร ตฺวํ อุทายิ ภิกฺขุนิยา หตฺถโต ๓- จีวรํ ปฏิคฺคเหสีติ ฯ✎ ร่าง
“saccaṁ kira tvaṁ, udāyi, bhikkhuniyā cīvaraṁ paṭiggahesī”ti?
สจฺจํ
ภควาติ ฯ✎ ร่าง
“Saccaṁ, bhagavā”ti.
ญาติกา เต อุทายิ อญฺญาติกาติ ฯ✎ ร่าง
“Ñātikā te, udāyi, aññātikā”ti?
อญฺญาติกา
ภควาติ ฯ✎ ร่าง
“Aññātikā, bhagavā”ti.
อญฺญาตโก โมฆปุริส อญฺญาติกาย น ชานาติ ปฏิรูปํ
วา อปฺปฏิรูปํ วา สนฺตํ วา อสนฺตํ วา✎ ร่าง
“Aññātako, moghapurisa, aññātikāya na jānāti patirūpaṁ vā appatirūpaṁ vā santaṁ vā asantaṁ vā.
ตตฺถ นาม ตฺวํ โมฆปุริส
อญฺญาติกาย ภิกฺขุนิยา หตฺถโต จีวรํ ปฏิคฺคเหสฺสสิ✎ ร่าง
Tattha nāma tvaṁ, moghapurisa, aññātikāya bhikkhuniyā hatthato cīvaraṁ paṭiggahessasi.
เนตํ โมฆปุริส
อปฺปสนฺนานํ วา ปสาทาย ปสนฺนานํ วา ภิยฺโยภาวาย ฯเปฯ✎ ร่าง
Netaṁ moghapurisa, appasannānaṁ vā pasādāya …pe…
เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ✎ ร่าง
evañca pana, bhikkhave, imaṁ sikkhāpadaṁ uddiseyyātha—
โย ปน ภิกฺขุ อญฺญาติกาย ภิกฺขุนิยา หตฺถโต จีวรํ
ปฏิคฺคเณฺหยฺย นิสฺสคฺคิยํ ปาจิตฺติยนฺติ ฯ✎ ร่าง
“Yo pana bhikkhu aññātikāya bhikkhuniyā hatthato cīvaraṁ paṭiggaṇheyya, nissaggiyaṁ pācittiyan”ti.
เอวญฺจิทํ ภควตา ภิกฺขูนํ สิกฺขาปทํ ปญฺญตฺตํ โหติ ฯ✎ ร่าง
Evañcidaṁ bhagavatā bhikkhūnaṁ sikkhāpadaṁ paññattaṁ hoti.