เตน โข ปน สมเยน อญฺญตโร ภิกฺขุ อุปสมฺปนฺนสมนนฺตรา
อนาจารํ อาจรติ ฯ✎ ร่าง
Tena kho pana samayena aññataro bhikkhu upasampannasamanantarā anācāraṁ ācarati.
อ้างอิงฉัฏฐสังคายนา 89.64
ภิกฺขู เอวมาหํสุ✎ ร่าง
Bhikkhū evamāhaṁsu—
มา อาวุโส เอวรูปํ อกาสิ เนตํ
กปฺปตีติ ฯ✎ ร่าง
“māvuso, evarūpaṁ akāsi, netaṁ kappatī”ti.
โส เอวมาห✎ ร่าง
So evamāha—
เนวาหํ อายสฺมนฺเต ยาจึ อุปสมฺปาเทถ
มนฺติ✎ ร่าง
“nevāhaṁ āyasmante yāciṁ upasampādetha manti.
กิสฺส มํ ตุเมฺห อยาจิตา อุปสมฺปาทิตฺถาติ ฯ✎ ร่าง
Kissa maṁ tumhe ayācitā upasampāditthā”ti?
ภควโต
เอตมตฺถํ อาโรเจสุํ ฯ✎ ร่าง
Bhagavato etamatthaṁ ārocesuṁ.
น ภิกฺขเว อยาจิเตน อุปสมฺปาเทตพฺโพ✎ ร่าง
“Na, bhikkhave, ayācitena upasampādetabbo.
อ้างอิงPTS 1.57
โย อุปสมฺปาเทยฺย อาปตฺติ ทุกฺกฏสฺส ฯ✎ ร่าง
Yo upasampādeyya, āpatti dukkaṭassa.
อนุชานามิ ภิกฺขเว
ยาจิเตน อุปสมฺปาเทตุํ ฯ✎ ร่าง
Anujānāmi, bhikkhave, yācitena upasampādetuṁ.
เอวญฺจ ปน ภิกฺขเว ยาจิตพฺโพ✎ ร่าง
Evañca pana, bhikkhave, yācitabbo.
เตน
อุปสมฺปทาเปกฺเขน สงฺฆํ อุปสงฺกมิตฺวา เอกํสํ อุตฺตราสงฺคํ
กริตฺวา ภิกฺขูนํ ปาเท วนฺทิตฺวา อุกฺกุฏิกํ นิสีทตฺวา อญฺชลึ
ปคฺคเหตฺวา เอวมสฺส วจนีโย✎ ร่าง
Tena upasampadāpekkhena saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
สงฺฆํ ภนฺเต อุปสมฺปทํ ยาจามิ
อุลฺลุมฺปตุ มํ ภนฺเต สงฺโฆ อนุกมฺปํ อุปาทายาติ ฯ✎ ร่าง
‘saṅghaṁ, bhante, upasampadaṁ yācāmi, ullumpatu maṁ, bhante, saṅgho anukampaṁ upādāyā’ti.
ทุติยมฺปิ
ยาจิตพฺโพ✎ ร่าง
Dutiyampi yācitabbo.
ตติยมฺปิ ยาจิตพฺโพ ฯ✎ ร่าง
Tatiyampi yācitabbo.
พฺยตฺเตน ภิกฺขุนา ปฏิพเลน
สงฺโฆ ญาเปตพฺโพ ฯ✎ ร่าง
Byattena bhikkhunā paṭibalena saṅgho ñāpetabbo—
สุณาตุ เม ภนฺเต สงฺโฆ✎ ร่าง
‘Suṇātu me, bhante, saṅgho.
อ้างอิงสยามรัฐ 4.105 · พุทธชยันตี 3.124
อยํ อิตฺถนฺนาโม อิตฺถนฺนามสฺส
อายสฺมโต อุปสมฺปทาเปกฺโข ฯ✎ ร่าง
Ayaṁ itthannāmo itthannāmassa āyasmato upasampadāpekkho.
อิตฺถนฺนาโม สงฺฆํ อุปสมฺปทํ ยาจติ
อิตฺถนฺนาเมน อุปชฺฌาเยน ฯ✎ ร่าง
Itthannāmo saṅghaṁ upasampadaṁ yācati itthannāmena upajjhāyena.
ยทิ สงฺฆสฺส ปตฺตกลฺลํ สงฺโฆ อิตฺถนฺนามํ
อุปสมฺปาเทยฺย อิตฺถนฺนาเมน อุปชฺฌาเยน ฯ✎ ร่าง
Yadi saṅghassa pattakallaṁ, saṅgho itthannāmaṁ upasampādeyya itthannāmena upajjhāyena.
เอสา ญตฺติ ฯ✎ ร่าง
Esā ñatti.
สุณาตุ เม ภนฺเต สงฺโฆ✎ ร่าง
Suṇātu me, bhante, saṅgho.
อยํ อิตฺถนฺนาโม อิตฺถนฺนามสฺส
อายสฺมโต อุปสมฺปทาเปกฺโข✎ ร่าง
Ayaṁ itthannāmo itthannāmassa āyasmato upasampadāpekkho.
อิตฺถนฺนาโม สงฺฆํ อุปสมฺปทํ ยาจติ
อิตฺถนฺนาเมน อุปชฺฌาเยน ฯ✎ ร่าง
Itthannāmo saṅghaṁ upasampadaṁ yācati itthannāmena upajjhāyena.
สงฺโฆ อิตฺถนฺนามํ อุปสมฺปาเทติ
อิตฺถนฺนาเมน อุปชฺฌาเยน ฯ✎ ร่าง
Saṅgho itthannāmaṁ upasampādeti itthannāmena upajjhāyena.
ยสฺสายสฺมโต ขมติ อิตฺถนฺนามสฺส
อุปสมฺปทา อิตฺถนฺนาเมน อุปชฺฌาเยน โส ตุณฺหสฺส✎ ร่าง
Yassāyasmato khamati itthannāmassa upasampadā itthannāmena upajjhāyena, so tuṇhassa;
ยสฺส
นกฺขมติ โส ภาเสยฺย ฯ✎ ร่าง
yassa nakkhamati, so bhāseyya.
ทุติยมฺปิ เอตมตฺถํ วทามิ ฯเปฯ✎ ร่าง
Dutiyampi etamatthaṁ vadāmi …pe…
ตติยมฺปิ เอตมตฺถํ วทามิ
ฯเปฯ✎ ร่าง
tatiyampi etamatthaṁ vadāmi …pe….
อุปสมฺปนฺโน สงฺเฆน อิตฺถนฺนาโม อิตฺถนฺนาเมน อุปชฺฌาเยน ฯ✎ ร่าง
Upasampanno saṅghena itthannāmo itthannāmena upajjhāyena.
ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ฯ✎ ร่าง
Khamati saṅghassa, tasmā tuṇhī, evametaṁ dhārayāmī’”ti.