อถโข อายสฺมา โสโณ✎ ร่าง
Atha kho āyasmā soṇo—
อ้างอิงสยามรัฐ 5.35 · พุทธชยันตี 3.512
ปฏิสมฺโมทติ โข มํ ภควา
อยํ ขฺวสฺส กาโล ยํ เม อุปชฺฌาโย ปริทสฺสีติ✎ ร่าง
“paṭisammodati kho maṁ bhagavā, ayaṁ khvassa kālo yaṁ me upajjhāyo paridassī”ti—
อุฏฺฐายาสนา
เอกํสํ อุตฺตราสงฺคํ กริตฺวา ภควโต ปาเทสุ สิรสา นิปติตฺวา
ภควนฺตํ เอตทโวจ✎ ร่าง
uṭṭhāyāsanā ekaṁsaṁ uttarāsaṅgaṁ karitvā bhagavato pādesu sirasā nipatitvā bhagavantaṁ etadavoca—
อุปชฺฌาโย เม ภนฺเต อายสฺมา มหากจฺจาโน
ภควโต ปาเทสุ สิรสา วนฺทติ เอวญฺจ วเทติ อวนฺติทกฺขิณาปโถ
ภนฺเต อปฺปภิกฺขุโก✎ ร่าง
“upajjhāyo me, bhante, āyasmā mahākaccāno bhagavato pāde sirasā vandati, evañca vadeti avantidakkhiṇāpatho, bhante, appabhikkhuko.
ติณฺณํ เม วสฺสานํ อจฺจเยน กิจฺเฉน กสิเรน
ตโต ตโต ทสวคฺคํ ภิกฺขุสงฺฆํ สนฺนิปาตาเปตฺวา อุปสมฺปทํ
อลตฺถํ อปฺเปวนาม ภควา อวนฺติทกฺขิณาปเถ อปฺปตเรน
คเณน อุปสมฺปทํ อนุชาเนยฺย✎ ร่าง
Tiṇṇaṁ me vassānaṁ accayena kicchena kasirena tato tato dasavaggaṁ bhikkhusaṅghaṁ sannipātāpetvā upasampadaṁ alatthaṁ, appeva nāma bhagavā avantidakkhiṇāpathe appatarena gaṇena upasampadaṁ anujāneyya.
อวนฺติทกฺขิณาปเถ ภนฺเต
กณฺหุตฺตรา ภูมิ ขรา โคกณฺฏกหตา✎ ร่าง
Avantidakkhiṇāpathe, bhante, kaṇhuttarā bhūmi kharā gokaṇṭakahatā;
อปฺเปวนาม ภควา
อวนฺติทกฺขิณาปเถ คณงฺคณุปาหนํ อนุชาเนยฺย✎ ร่าง
appeva nāma bhagavā avantidakkhiṇāpathe guṇaṅguṇūpāhanaṁ anujāneyya.
อวนฺติทกฺขิณาปเถ
ภนฺเต นหานครุกา มนุสฺสา อุทกสุทฺธิกา อปฺเปวนาม ภควา
อวนฺติทกฺขิณาปเถ ธุวนหานํ อนุชาเนยฺย✎ ร่าง
Avantidakkhiṇāpathe, bhante, nahānagarukā manussā udakasuddhikā, appeva nāma bhagavā avantidakkhiṇāpathe dhuvanahānaṁ anujāneyya.
อวนฺติทกฺขิณาปเถ
ภนฺเต จมฺมานิ อตฺถรณานิ เอฬกจมฺมํ อชจมฺมํ มิคจมฺมํ✎ ร่าง
Avantidakkhiṇāpathe, bhante, cammāni attharaṇāni, eḷakacammaṁ ajacammaṁ migacammaṁ.
เสยฺยถาปิ ภนฺเต มชฺฌิเมสุ ชนปเทสุ เอรคุ โมรคุ มชฺชารุ
@เชิงอรรถ: ๑ ยุ. สาสเน รมติ สุจีติ ฯ
ชนฺตุ✎ ร่าง
Seyyathāpi, bhante, majjhimesu janapadesu eragū moragū majjārū jantū;
เอวเมว โข ภนฺเต อวนฺติทกฺขิณาปเถ จมฺมานิ อตฺถรณานิ
เอฬกจมฺมํ อชจมฺมํ มิคจมฺมํ✎ ร่าง
evameva kho, bhante, avantidakkhiṇāpathe cammāni attharaṇāni, eḷakacammaṁ ajacammaṁ migacammaṁ;
อปฺเปวนาม ภควา อวนฺติทกฺขิณาปเถ
จมฺมานิ อตฺถรณานิ อนุชาเนยฺย เอฬกจมฺมํ อชจมฺมํ มิคจมฺมํ✎ ร่าง
appeva nāma bhagavā avantidakkhiṇāpathe cammāni attharaṇāni anujāneyya, eḷakacammaṁ ajacammaṁ migacammaṁ.
เอตรหิ ภนฺเต มนุสฺสา นิสฺสีมคตานํ ภิกฺขูนํ จีวรํ เทนฺติ✎ ร่าง
Etarahi, bhante, manussā nissīmagatānaṁ bhikkhūnaṁ cīvaraṁ denti—
อิมํ จีวรํ
อิตฺถนฺนามสฺส เทมาติ✎ ร่าง
‘imaṁ cīvaraṁ itthannāmassa demā’ti.
เต อาคนฺตฺวา อาโรเจนฺติ✎ ร่าง
Te āgantvā ārocenti—
อิตฺถนฺนาเมหิ เต
อาวุโส มนุสฺเสหิ จีวรํ ทินฺนนฺติ✎ ร่าง
‘itthannāmehi te, āvuso, manussehi cīvaraṁ dinnan’ti.
เต กุกฺกุจฺจายนฺตา น สาทิยนฺติ✎ ร่าง
Te kukkuccāyantā na sādiyanti—
มา โน นิสฺสคฺคิยํ อโหสีติ✎ ร่าง
‘mā no nissaggiyaṁ ahosī’ti;
อปฺเปวนาม ภควา จีวเร ปริยายํ
อาจิกฺเขยฺยาติ ฯ✎ ร่าง
appeva nāma bhagavā cīvare pariyāyaṁ ācikkheyyā”ti.