เตน โข ปน สมเยน รญฺโญ มาคธสฺส เสนิยสฺส
พิมฺพิสารสฺส อาราเม อมฺพา ผลิโน ๒- โหนฺติ ฯ✎ ร่าง
Tena kho pana samayena rañño māgadhassa seniyassa bimbisārassa ārāme ambā phalino honti.
อ้างอิงสยามรัฐ 7.10 · พุทธชยันตี 5.14
รญฺญา จ ๓-
มาคเธน เสนิเยน พิมฺพิสาเรน อนุญฺญาตํ โหติ✎ ร่าง
Raññā māgadhena seniyena bimbisārena anuññātaṁ hoti—
ยถาสุขํ อยฺยา
อมฺพํ ปริภุญฺชนฺตูติ ฯ✎ ร่าง
“yathāsukhaṁ ayyā ambaṁ paribhuñjantū”ti.
ฉพฺพคฺคิยา ภิกฺขู ตรุณญฺเญว อมฺพํ
ปาตาเปตฺวา ปริภุญฺชึสุ ฯ✎ ร่าง
Chabbaggiyā bhikkhū taruṇaññeva ambaṁ pātāpetvā paribhuñjiṁsu.
รญฺโญ จ มาคธสฺส เสนิยสฺส พิมฺพิสารสฺส
อมฺเพน อตฺโถ โหติ ฯ✎ ร่าง
Rañño ca māgadhassa seniyassa bimbisārassa ambena attho hoti.
อ้างอิงPTS 2.109
อถโข ราชา มาคโธ เสนิโย พิมฺพิสาโร
มนุสฺเส อาณาเปสิ✎ ร่าง
Atha kho rājā māgadho seniyo bimbisāro manusse āṇāpesi—
คจฺฉถ ภเณ อารามํ คนฺตฺวา อมฺพํ
@เชิงอรรถ: ๑ ม. ยุ. ทิฏฺฐานุคตึ อาปชฺชติ ฯ ๒ ยุ. ผลิตา ฯ ๓ ม. อยํ ปาโฐ นตฺถิ ฯ
อาหรถาติ ฯ✎ ร่าง
“gacchatha, bhaṇe, ārāmaṁ gantvā ambaṁ āharathā”ti.
เอวํ เทวาติ โข เต มนุสฺสา รญฺโญ มาคธสฺส
เสนิยสฺส พิมฺพิสารสฺส ปฏิสฺสุตฺวา อารามํ คนฺตฺวา อารามปาลํ ๑-
เอตทโวจุํ✎ ร่าง
“Evaṁ, devā”ti kho te manussā rañño māgadhassa seniyassa bimbisārassa paṭissutvā ārāmaṁ gantvā ārāmapālaṁ etadavocuṁ—
เทวสฺส ภเณ อมฺเพน อตฺโถ อมฺพํ เทถาติ ฯ✎ ร่าง
“devassa, bhaṇe, ambena attho, ambaṁ dethā”ti.
นตฺถยฺยา
อมฺพํ✎ ร่าง
“Natthāyyā, ambaṁ.
ตรุณญฺเญว อมฺพํ ปาตาเปตฺวา ภิกฺขู ปริภุญฺชึสูติ ฯ✎ ร่าง
Taruṇaññeva ambaṁ pātāpetvā bhikkhū paribhuñjiṁsū”ti.
อถโข
เต มนุสฺสา รญฺโญ มาคธสฺส เสนิยสฺส พิมฺพิสารสฺส เอตมตฺถํ
อาโรเจสุํ ฯ✎ ร่าง
Atha kho te manussā rañño māgadhassa seniyassa bimbisārassa etamatthaṁ ārocesuṁ.
สุปริภุตฺตํ ภเณ อยฺเยหิ อมฺพํ อปิจ ภควตา มตฺตา
วณฺณิตาติ ฯ✎ ร่าง
“Suparibhuttaṁ, bhaṇe, ayyehi ambaṁ, api ca bhagavatā mattā vaṇṇitā”ti.
มนุสฺสา อุชฺฌายนฺติ ขียนฺติ วิปาเจนฺติ✎ ร่าง
Manussā ujjhāyanti khiyyanti vipācenti—
กถํ หิ นาม
สมณา สกฺยปุตฺติยา น มตฺตํ ชานิตฺวา รญฺโญ อมฺพํ ปริภุญฺชิสฺสนฺตีติ ฯ✎ ร่าง
“kathañhi nāma samaṇā sakyaputtiyā na mattaṁ jānitvā rañño ambaṁ paribhuñjissantī”ti.
อสฺโสสุํ โข ภิกฺขู เตสํ มนุสฺสานํ อุชฺฌายนฺตานํ ขียนฺตานํ วิปาเจนฺตานํ
ฯเปฯ✎ ร่าง
Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
อถโข เต ภิกฺขู ภควโต เอตมตฺถํ อาโรเจสุํ ฯเปฯ✎ ร่าง
Atha kho te bhikkhū bhagavato etamatthaṁ ārocesuṁ.
น ภิกฺขเว
อมฺพํ ปริภุญฺชิตพฺพํ✎ ร่าง
“Na, bhikkhave, ambaṁ paribhuñjitabbaṁ.
โย ปริภุญฺเชยฺย อาปตฺติ ทุกฺกฏสฺสาติ ฯ✎ ร่าง
Yo paribhuñjeyya, āpatti dukkaṭassā”ti.