เตน โข ปน สมเยน ปิณฺฑจาริกา ภิกฺขู ทุนฺนิวตฺถา
ทุปฺปารุตา อนากปฺปสมฺปนฺนา ปิณฺฑาย จรนฺติ อสลฺลกฺเขตฺวาปิ
นิเวสนํ ปวิสนฺติ อสลฺลกฺเขตฺวาปิ นิกฺขมนฺติ อติสหสาปิ ปวิสนฺติ
อติสหสาปิ นิกฺขมนฺติ อติทูเรปิ ติฏฺฐนฺติ อจฺจาสนฺเนปิ ติฏฺฐนฺติ
อติจิรํปิ ติฏฺฐนฺติ อติลหุกํปิ นิวตฺตนฺติ ฯ✎ ร่าง
Tena kho pana samayena piṇḍacārikā bhikkhū dunnivatthā duppārutā anākappasampannā piṇḍāya caranti, asallakkhetvāpi nivesanaṁ pavisanti, asallakkhetvāpi nikkhamanti, atisahasāpi pavisanti, atisahasāpi nikkhamanti, atidūrepi tiṭṭhanti, accāsannepi tiṭṭhanti, aticirampi tiṭṭhanti, atilahumpi nivattanti.
อ้างอิงสยามรัฐ 7.230 · พุทธชยันตี 5.354
อญฺญตโร ๑- ปิณฺฑจาริโก
ภิกฺขุ อสลฺลกฺเขตฺวา นิเวสนํ ปาวิสิ ฯ✎ ร่าง
Aññataropi piṇḍacāriko bhikkhu asallakkhetvā nivesanaṁ pāvisi.
โส จ ๒- ทฺวารํ
มญฺญมาโน อญฺญตรํ โอวรกํ ปาวิสิ ฯ✎ ร่าง
So ca dvāraṁ maññamāno aññataraṁ ovarakaṁ pāvisi.
ตสฺมิมฺปิ ๓- โอวรเก
อิตฺถี นคฺคา อุตฺตานา นิปนฺนา โหติ ฯ✎ ร่าง
Tasmimpi ovarake itthī naggā uttānā nipannā hoti.
อทฺทสา โข โส ภิกฺขุ
ตํ อิตฺถึ นคฺคํ อุตฺตานํ นิปนฺนํ✎ ร่าง
Addasā kho so bhikkhu taṁ itthiṁ naggaṁ uttānaṁ nipannaṁ.
นยิทํ ทฺวารํ โอวรกํ
@เชิงอรรถ: ๑ ม. ยุ. อญฺญตโรปิ ฯ ๒ ยุ. จสทฺโท นตฺถิ ฯ ๓ ยุ. ปิสทฺโท นตฺถิ ฯ
อิทนฺติ ตมฺหา โอวรกมฺหา นิกฺขมิ ฯ✎ ร่าง
“nayidaṁ dvāraṁ, ovarakaṁ idan”ti tamhā ovarakā nikkhami.
อทฺทสา โข ตสฺสา
อิตฺถิยา สามิโก ตํ อิตฺถึ นคฺคํ อุตฺตานํ นิปนฺนํ✎ ร่าง
Addasā kho tassā itthiyā sāmiko taṁ itthiṁ naggaṁ uttānaṁ nipannaṁ.
อิมินา
เม ภิกฺขุนา ปชาปติ ทูสิตาติ ตํ ภิกฺขุํ คเหตฺวา อาโกเฏติ ฯ✎ ร่าง
“iminā me bhikkhunā pajāpatī dūsitā”ti taṁ bhikkhuṁ gahetvā ākoṭesi.
อถโข สา อิตฺถี เตน สทฺเทน ปฏิพุชฺฌิตฺวา ตํ ปุริสํ เอตทโวจ✎ ร่าง
Atha kho sā itthī tena saddena paṭibujjhitvā taṁ purisaṁ etadavoca—
กิสฺส ตฺวํ อยฺย อิมํ ภิกฺขุํ อาโกเฏสีติ ฯ✎ ร่าง
“kissa tvaṁ, ayya, imaṁ bhikkhuṁ ākoṭesī”ti?
อิมินาสิ ตฺวํ ภิกฺขุนา
ทูสิตาติ ฯ✎ ร่าง
“Imināsi tvaṁ bhikkhunā dūsitā”ti?
นาหํ อยฺย อิมินา ภิกฺขุนา ทูสิตา✎ ร่าง
“Nāhaṁ, ayya, iminā bhikkhunā dūsitā;
อการโก โส
ภิกฺขูติ ตํ ภิกฺขุํ มุญฺจาเปสิ ฯ✎ ร่าง
akārako so bhikkhū”ti taṁ bhikkhuṁ muñcāpesi.
อถโข โส ภิกฺขุ อารามํ คนฺตฺวา
ภิกฺขูนํ เอตมตฺถํ อาโรเจสิ ฯ✎ ร่าง
Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
เย เต ภิกฺขู อปฺปิจฺฉา ฯเปฯ เต อุชฺฌายนฺติ ขียนฺติ
วิปาเจนฺติ✎ ร่าง
Ye te bhikkhū appicchā …pe… te ujjhāyanti khiyyanti vipācenti—
อ้างอิงพุทธชยันตี 5.356
กถํ หิ นาม ปิณฺฑจาริกา ภิกฺขู ทุนฺนิวตฺถา ทุปฺปารุตา
อนากปฺปสมฺปนฺนา ปิณฺฑาย จริสฺสนฺติ อสลฺลกฺเขตฺวาปิ นิเวสนํ
ปวิสิสฺสนฺติ อสลฺลกฺเขตฺวาปิ นิกฺขมิสฺสนฺติ อติสหสาปิ ปวิสิสฺสนฺติ
อติสหสาปิ นิกฺขมิสฺสนฺติ อติทูเรปิ ติฏฺฐิสฺสนฺติ อจฺจาสนฺเนปิ
ติฏฺฐิสฺสนฺติ อติจิรมฺปิ ติฏฺฐิสฺสนฺติ อติลหุกมฺปิ นิวตฺติสฺสนฺติติ ฯ✎ ร่าง
“kathañhi nāma piṇḍacārikā bhikkhū dunnivatthā duppārutā anākappasampannā piṇḍāya carissanti, asallakkhetvāpi nivesanaṁ pavisissanti, asallakkhetvāpi nikkhamissanti, atisahasāpi pavisissanti, atisahasāpi nikkhamissanti, atidūrepi tiṭṭhissanti, accāsannepi tiṭṭhissanti, aticirampi tiṭṭhissanti, atilahumpi nivattissantī”ti.
อถโข เต ภิกฺขู ภควโต เอตมตฺถํ อาโรเจสุํ ฯเปฯ✎ ร่าง
Atha kho te bhikkhū bhagavato etamatthaṁ ārocesuṁ …pe…
สจฺจํ กิร ภิกฺขเว
ฯเปฯ✎ ร่าง
“saccaṁ kira, bhikkhave …pe…
สจฺจํ ภควาติ ฯเปฯ✎ ร่าง
“saccaṁ, bhagavā”ti …pe…
วิครหิตฺวา✎ ร่าง
vigarahitvā …pe…
ธมฺมึ กถํ กตฺวา ภิกฺขู
อามนฺเตสิ✎ ร่าง
dhammiṁ kathaṁ katvā bhikkhū āmantesi—
เตนหิ ภิกฺขเว ปิณฺฑจาริกานํ ภิกฺขูนํ วตฺตํ
ปญฺญาเปสฺสามิ ยถา ปิณฺฑจาริเกหิ ภิกฺขูหิ สมฺมา วตฺติตพฺพํ ฯ✎ ร่าง
“Tena hi, bhikkhave, piṇḍacārikānaṁ bhikkhūnaṁ vattaṁ paññapessāmi yathā piṇḍacārikehi bhikkhūhi sammā vattitabbaṁ.
อ้างอิงสยามรัฐ 7.231 · ฉัฏฐสังคายนา 90.359