ตสฺส เจ อานนฺท ภิกฺขุโน อิมินา วิหาเรน วิหรโต
จงฺกมาย จิตฺตํ นมติ ฯ โส จงฺกมติ✎ ร่าง
Tassa ce, ānanda, bhikkhuno iminā vihārena viharato caṅkamāya cittaṁ namati, so caṅkamati:
While a mendicant is practicing such a meditation, if their mind inclines to walking, they walk, thinking:
อ้างอิงPTS 3.113 · ฉัฏฐสังคายนา 14.156
เอวํ มํ จงฺกมนฺตํ
นาภิชฺฌาโทมนสฺสา ปาปกา อกุสลา ธมฺมา อนฺวาสฺสวิสฺสนฺตีติ ฯ✎ ร่าง
‘evaṁ maṁ caṅkamantaṁ nābhijjhādomanassā pāpakā akusalā dhammā anvāssavissantī’ti.
‘While I’m walking, bad, unskillful qualities of covetousness and displeasure will not overwhelm me.’
อิติห ตตฺถ สมฺปชาโน โหติ ฯ✎ ร่าง
Itiha tattha sampajāno hoti.
In this way they are aware of the situation.
ตสฺส เจ อานนฺท ภิกฺขุโน
อิมินา วิหาเรน วิหรโต ฐานาย จิตฺตํ นมติ ฯ โส ติฏฺฐติ✎ ร่าง
Tassa ce, ānanda, bhikkhuno iminā vihārena viharato ṭhānāya cittaṁ namati, so tiṭṭhati:
While a mendicant is practicing such a meditation, if their mind inclines to standing, they stand, thinking:
เอวํ
มํ ฐิตํ นาภิชฺฌาโทมนสฺสา ปาปกา อกุสลา ธมฺมา อนฺวาสฺสวิสฺสนฺตีติ ฯ✎ ร่าง
‘evaṁ maṁ ṭhitaṁ nābhijjhādomanassā pāpakā akusalā dhammā anvāssavissantī’ti.
‘While I’m standing, bad, unskillful qualities of covetousness and displeasure will not overwhelm me.’
อิติห ตตฺถ สมฺปชาโน โหติ ฯ✎ ร่าง
Itiha tattha sampajāno hoti.
In this way they are aware of the situation.
ตสฺส เจ อานนฺท ภิกฺขุโน อิมินา วิหาเรน วิหรโต
นิสชฺชาย จิตฺตํ นมติ ฯ โส นิสีทติ✎ ร่าง
Tassa ce, ānanda, bhikkhuno iminā vihārena viharato nisajjāya cittaṁ namati, so nisīdati:
While a mendicant is practicing such a meditation, if their mind inclines to sitting, they sit, thinking:
เอวํ มํ นิสินฺนํ นาภิชฺฌาโทมนสฺสา
ปาปกา อกุสลา ธมฺมา อนฺวาสฺสวิสฺสนฺตีติ ฯ✎ ร่าง
‘evaṁ maṁ nisinnaṁ nābhijjhādomanassā pāpakā akusalā dhammā anvāssavissantī’ti.
‘While I’m sitting, bad, unskillful qualities of covetousness and displeasure will not overwhelm me.’
อิติห ตตฺถ สมฺปชาโน โหติ ฯ✎ ร่าง
Itiha tattha sampajāno hoti.
In this way they are aware of the situation.
ตสฺส เจ อานนฺท ภิกฺขุโน อิมินา วิหาเรน วิหรโต
สยนาย จิตฺตํ นมติ ฯ โส สยติ✎ ร่าง
Tassa ce, ānanda, bhikkhuno iminā vihārena viharato sayanāya cittaṁ namati, so sayati:
While a mendicant is practicing such a meditation, if their mind inclines to lying down, they lie down, thinking:
เอวํ มํ สยนฺตํ นาภิชฺฌาโทมนสฺสา
ปาปกา อกุสลา ธมฺมา อนฺวาสฺสวิสฺสนฺตีติ ฯ✎ ร่าง
‘evaṁ maṁ sayantaṁ nābhijjhādomanassā pāpakā akusalā dhammā anvāssavissantī’ti.
‘While I’m lying down, bad, unskillful qualities of covetousness and displeasure will not overwhelm me.’
อิติห ตตฺถ สมฺปชาโน
โหติ ฯ✎ ร่าง
Itiha tattha sampajāno hoti.
In this way they are aware of the situation.
ตสฺส เจ อานนฺท ภิกฺขุโน อิมินา วิหาเรน วิหรโต
ภาสาย จิตฺตํ นมติ ฯ โส✎ ร่าง
Tassa ce, ānanda, bhikkhuno iminā vihārena viharato kathāya cittaṁ namati, so:
While a mendicant is practicing such a meditation, if their mind inclines to talking, they think:
อ้างอิงสยามรัฐ 14.239
ยายํ กถา หีนา คมฺมา โปถุชฺชนิกา
อนริยา อนตฺถสญฺหิตา น นิพฺพิทาย น วิราคาย น นิโรธาย น
อุปสมาย น อภิญฺญาย น สมฺโพธาย น นิพฺพานาย สํวตฺตติ
เสยฺยถีทํ ราชกถา โจรกถา มหามตฺตกถา เสนากถา ภยกถา
ยุทฺธกถา อนฺนกถา ปานกถา วตฺถกถา สยนกถา มาลากถา
คนฺธกถา ญาติกถา ยานกถา คามกถา นิคมกถา นครกถา ชนปทกถา
อิตฺถีกถา สูรกถา วิสิขากถา กุมฺภฏฺฐานกถา ปุพฺพเปตกถา นานตฺตกถา
โลกกฺขายิกา สมุทฺทกฺขายิกา อิติภวาภวกถา อิติ วา เอวรูปํ ๑- กถํ
น กเถสฺสามีติ ฯ✎ ร่าง
‘yāyaṁ kathā hīnā gammā pothujjanikā anariyā anatthasaṁhitā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattati, seyyathidaṁ—rājakathā corakathā mahāmattakathā senākathā bhayakathā yuddhakathā annakathā pānakathā vatthakathā sayanakathā mālākathā gandhakathā ñātikathā yānakathā gāmakathā nigamakathā nagarakathā janapadakathā itthikathā surākathā visikhākathā kumbhaṭṭhānakathā pubbapetakathā nānattakathā lokakkhāyikā samuddakkhāyikā itibhavābhavakathā iti vā iti—evarūpiṁ kathaṁ na kathessāmī’ti.
‘I will not engage in the kind of speech that is low, crude, ordinary, ignoble, and pointless. Such speech doesn’t lead to disillusionment, dispassion, cessation, peace, insight, awakening, and extinguishment. Namely: talk about kings, bandits, and chief ministers; talk about armies, threats, and wars; talk about food, drink, clothes, and beds; talk about garlands and fragrances; talk about family, vehicles, villages, towns, cities, and countries; talk about women and heroes; street talk and well talk; talk about the departed; motley talk; tales of land and sea; and talk about being reborn in this or that state of existence.’
อิติห ตตฺถ สมฺปชาโน โหติ ฯ✎ ร่าง
Itiha tattha sampajāno hoti.
In this way they are aware of the situation.
ยา จ อยํ
อานนฺท กถา อภิสลฺเลขิกา เจโตวิจารณสปฺปายา เอกนฺตนิพฺพิทาย
วิราคาย นิโรธาย อุปสมาย อภิญฺญาย สมฺโพธาย นิพฺพานาย
สํวตฺตติ เสยฺยถีทํ อปฺปิจฺฉกถา สนฺตุฏฺฐิกถา ปวิเวกกถา
อสํสคฺคกถา วิริยารมฺภกถา สีลกถา สมาธิกถา ปญฺญากถา
วิมุตฺติกถา วิมุตฺติญาณทสฺสนกถา อิติ เอวรูปํ กถํ กเถสฺสามีติ ฯ✎ ร่าง
Yā ca kho ayaṁ, ānanda, kathā abhisallekhikā cetovinīvaraṇasappāyā ekantanibbidāya virāgāya nirodhāya upasamāya abhiññāya sambodhāya nibbānāya saṁvattati, seyyathidaṁ—appicchakathā santuṭṭhikathā pavivekakathā asaṁsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā iti: ‘evarūpiṁ kathaṁ kathessāmī’ti.
‘But I will take part in talk about self-effacement that helps open the heart and leads solely to disillusionment, dispassion, cessation, peace, insight, awakening, and extinguishment. That is, talk about fewness of wishes, contentment, seclusion, aloofness, arousing energy, ethics, immersion, wisdom, freedom, and the knowledge and vision of freedom.’
อิติห ตตฺถ สมฺปชาโน โหติ ฯ✎ ร่าง
Itiha tattha sampajāno hoti.
In this way they are aware of the situation.
ตสฺส เจ อานนฺท ภิกฺขุโน อิมินา วิหาเรน วิหรโต
วิตกฺกาย จิตฺตํ นมติ ฯ โส✎ ร่าง
Tassa ce, ānanda, bhikkhuno iminā vihārena viharato vitakkāya cittaṁ namati, so:
While a mendicant is practicing such a meditation, if their mind inclines to thinking, they think:
อ้างอิงPTS 3.114 · พุทธชยันตี 12.278
เยเม วิตกฺกา หีนา คมฺมา โปถุชฺชนิกา
อนริยา อนตฺถสญฺหิตา น นิพฺพิทาย น วิราคาย น นิโรธาย น
อุปสมาย น อภิญฺญาย น สมฺโพธาย น นิพฺพานาย สํวตฺตนฺติ
เสยฺยถีทํ กามวิตกฺโก พฺยาปาทวิตกฺโก วิหึสาวิตกฺโก อิติ เอวรูเป
วิตกฺเก น วิตกฺเกสฺสามีติ ฯ✎ ร่าง
‘ye te vitakkā hīnā gammā pothujjanikā anariyā anatthasaṁhitā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattanti, seyyathidaṁ—kāmavitakko byāpādavitakko vihiṁsāvitakko iti evarūpe vitakke na vitakkessāmī’ti.
‘I will not think the kind of thought that is low, crude, ordinary, ignoble, and pointless. Such thoughts don’t lead to disillusionment, dispassion, cessation, peace, insight, awakening, and extinguishment. That is, sensual, malicious, or cruel thoughts.’
อิติห ตตฺถ สมฺปชาโน โหติ ฯ✎ ร่าง
Itiha tattha sampajāno hoti.
In this way they are aware of the situation.
เย จ โข✎ ร่าง
Ye ca kho ime, ānanda, vitakkā ariyā niyyānikā niyyanti takkarassa sammādukkhakkhayāya, seyyathidaṁ—nekkhammavitakko abyāpādavitakko avihiṁsāvitakko iti: ‘evarūpe vitakke vitakkessāmī’ti.
‘But I will think the kind of thought that is noble and emancipating, and brings one who practices it to the complete ending of suffering. That is, thoughts of renunciation, good will, and harmlessness.’