เอกํ สมยํ ภควา ราชคเห วิหรติ คิชฺฌกูเฏ ปพฺพเต ฯ🤖 AI จับคู่
Ekaṁ samayaṁ bhagavā rājagahe viharati gijjhakūṭe pabbate.
Once the Buddha was staying near Rājagaha, on the Vulture’s Peak Mountain.
อ้างอิงสยามรัฐ 21.239
เตน โข ปน สมเยน สมฺพหุลา อภิญฺญาตา อภิญฺญาตา ปริพฺพาชกา
สปฺปินิยา ตีเร ปริพฺพาชการาเม ปฏิวสนฺติ เสยฺยถีทํ อนฺนภาโร ๑-
วธโร ๒- สกุลุทายี จ ปริพฺพาชโก อญฺเญ จ อภิญฺญาตา อภิญฺญาตา
ปริพฺพาชกา ฯ🤖 AI จับคู่
Tena kho pana samayena sambahulā abhiññātā abhiññātā paribbājakā sippinikātīre paribbājakārāme paṭivasanti, seyyathidaṁ annabhāro varadharo sakuludāyī ca paribbājako aññe ca abhiññātā abhiññātā paribbājakā.
Now at that time several very well-known wanderers were residing in the monastery of the wanderers on the bank of the Serpentine river. They included Annabhāra, Varadhara, Sakuludāyī, and other very well-known wanderers.
อถโข ภควา สายณฺหสมยํ ปฏิสลฺลานา วุฏฺฐิโต
เยน สปฺปินิยา ตีรํ ปริพฺพาชการาโม เตนุปสงฺกมิ ฯ🤖 AI จับคู่
Atha kho bhagavā sāyanhasamayaṁ paṭisallānā vuṭṭhito yena sippinikātīre paribbājakārāmo tenupasaṅkami.
Then in the late afternoon, the Buddha came out of retreat and went to the wanderer’s monastery on the bank of the Serpentine river.
เตน โข ปน สมเยน เตสํ อญฺญติตฺถิยานํ ปริพฺพาชกานํ
สนฺนิสินฺนานํ สนฺนิปติตานํ อยมนฺตรากถา อุทปาทิ🤖 AI จับคู่
Tena kho pana samayena tesaṁ aññatitthiyānaṁ paribbājakānaṁ sannisinnānaṁ sannipatitānaṁ ayamantarā kathā udapādi:
Now at that time this discussion came up while those wanderers of other religions were sitting together,
อิติปิ
พฺราหฺมณสจฺจานิ อิติปิ พฺราหฺมณสจฺจานีติ ฯ🤖 AI จับคู่
“itipi brāhmaṇasaccāni, itipi brāhmaṇasaccānī”ti.
“The truths of the brahmins are like this; the truths of the brahmins are like that.”
อถโข ภควา เยน เต
ปริพฺพาชกา เตนุปสงฺกมิ อุปสงฺกมิตฺวา ปญฺญตฺเต อาสเน นิสีทิ
นิสชฺช โข ภควา เต ปริพฺพาชเก เอตทโวจ🤖 AI จับคู่
Atha kho bhagavā yena te paribbājakā tenupasaṅkami; upasaṅkamitvā paññatte āsane nisīdi. Nisajja kho bhagavā te paribbājake etadavoca:
Then the Buddha went up to those wanderers, sat down on the seat spread out, and said to them,
กายนุตฺถ ปริพฺพาชกา
เอตรหิ กถาย สนฺนิสินฺนา กา จ ปน โว อนฺตรากถา วิปฺปกตาติ ฯ🤖 AI จับคู่
“Kāya nuttha, paribbājakā, etarahi kathāya sannisinnā, kā ca pana vo antarākathā vippakatā”ti?
“Wanderers, what were you sitting talking about just now? What conversation was left unfinished?”
อิธ โภ โคตม อมฺหากํ สนฺนิสินฺนานํ สนฺนิปติตานํ อยมนฺตรากถา
อุทปาทิ🤖 AI จับคู่
“Idha, bho gotama, amhākaṁ sannisinnānaṁ sannipatitānaṁ ayamantarākathā udapādi:
“Well, worthy Gotama, this discussion came up among us while we were sitting together:
อิติปิ พฺราหฺมณสจฺจานิ อิติปิ พฺราหฺมณสจฺจานีติ ฯ🤖 AI จับคู่
‘itipi brāhmaṇasaccāni, itipi brāhmaṇasaccānī’”ti.
‘The truths of the brahmins are like this; the truths of the brahmins are like that.’”
จตฺตารีมานิ ปริพฺพาชกา พฺราหฺมณสจฺจานิ มยา
สยํ อภิญฺญา สจฺฉิกตฺวา ปเวทิตานิ🤖 AI จับคู่
“Cattārimāni, paribbājakā, brāhmaṇasaccāni mayā sayaṁ abhiññā sacchikatvā paveditāni.
“Wanderers, I declare these four truths of the brahmins, having realized them with my own insight.
อ้างอิงฉัฏฐสังคายนา 36.205
กตมานิ จตฺตาริ🤖 AI จับคู่
Katamāni cattāri?
What four?
อิธ ปริพฺพาชกา
พฺราหฺมโณ เอวมาห🤖 AI จับคู่
Idha, paribbājakā, brāhmaṇo evamāha:
Take a brahmin who says:
สพฺเพ ปาณา อวชฺฌาติ🤖 AI จับคู่
‘sabbe pāṇā avajjhā’ti.
‘No sentient beings should be killed.’
อิติ วทํ พฺราหฺมโณ
สจฺจํ อาห โน มุสา🤖 AI จับคู่
Iti vadaṁ brāhmaṇo saccaṁ āha, no musā.
In speaking like this, a brahmin speaks the truth, not lies.
โส เตน น สมโณติ มญฺญติ น พฺราหฺมโณติ
มญฺญติ น เสยฺโยหมสฺมีติ มญฺญติ น สทิโสหมสฺมีติ มญฺญติ น
หีโนหมสฺมีติ มญฺญติ🤖 AI จับคู่
So tena na samaṇoti maññati, na brāhmaṇoti maññati, na seyyohamasmīti maññati, na sadisohamasmīti maññati, na hīnohamasmīti maññati.
But they don’t think of themselves as an ‘ascetic’ or ‘brahmin’ because of that. Nor do they think ‘I’m better’ or ‘I’m equal’ or ‘I’m worse’.
อปิจ ยเทว ตตฺถ สจฺจํ ตทภิญฺญาย
ปาณานํเยว อนุทยาย ๓- อนุกมฺปาย ปฏิปนฺโน โหติ ฯ🤖 AI จับคู่
Api ca yadeva tattha saccaṁ tadabhiññāya pāṇānaṁyeva anuddayāya anukampāya paṭipanno hoti.
Rather, they simply practice out of kindness and sympathy for living creatures, having had insight into the truth of that.
ปุน จปรํ ปริพฺพาชกา พฺราหฺมโณ เอวมาห🤖 AI จับคู่
Puna caparaṁ, paribbājakā, brāhmaṇo evamāha:
Take another brahmin who says:
อ้างอิงPTS 2.177 · สยามรัฐ 21.240
สพฺเพ กามา อนิจฺจา ทุกฺขา วิปริณามธมฺมาติ🤖 AI จับคู่
‘sabbe kāmā aniccā dukkhā vipariṇāmadhammā’ti.
‘All sensual pleasures are impermanent, suffering, and perishable.’
อิทํ วทํ พฺราหฺมโณ
สจฺจํ อาห โน มุสา🤖 AI จับคู่
Iti vadaṁ brāhmaṇo saccamāha, no musā.
Saying this, a brahmin speaks the truth, not lies.
โส เตน น สมโณติ มญฺญติ น พฺราหฺมโณติ
มญฺญติ น เสยฺโยหมสฺมีติ มญฺญติ น สทิโสหมสฺมีติ มญฺญติ น
หีโนหมสฺมีติ มญฺญติ🤖 AI จับคู่
So tena na samaṇoti maññati, na brāhmaṇoti maññati, na seyyohamasmīti maññati, na sadisohamasmīti maññati, na hīnohamasmīti maññati.
But they don’t think of themselves as an ‘ascetic’ or ‘brahmin’ because of that. Nor do they think ‘I’m better’ or ‘I’m equal’ or ‘I’m worse’.
อปิจ ยเทว ตตฺถ สจฺจํ ตทภิญฺญาย กามานํเยว
นิพฺพิทาย วิราคาย นิโรธาย ปฏิปนฺโน โหติ ฯ🤖 AI จับคู่
Api ca yadeva tattha saccaṁ tadabhiññāya kāmānaṁyeva nibbidāya virāgāya nirodhāya paṭipanno hoti.
Rather, they simply practice for disillusionment, dispassion, and cessation regarding sensual pleasures, having had insight into the truth of that.
ปุน จปรํ ปริพฺพาชกา พฺราหฺมโณ เอวมาห🤖 AI จับคู่
Puna caparaṁ, paribbājakā, brāhmaṇo evamāha:
Take another brahmin who says:
อ้างอิงพุทธชยันตี 19.344
สพฺเพ
ภวา อนิจฺจา ทุกฺขา วิปริณามธมฺมาติ อิติ วทํ พฺราหฺมโณ สจฺจํ
อาห โน มุสา โส เตน น สมโณติ มญฺญติ น พฺราหฺมโณติ
มญฺญติ น เสยฺโยหมสฺมีติ มญฺญติ น สทิโสหมสฺมีติ มญฺญติ น
หีโนหมสฺมีติ มญฺญติ อปิจ ยเทว ตตฺถ สจฺจํ ตทภิญฺญาย
ภวานํ เยว นิพฺพิทาย วิราคาย นิโรธาย ปฏิปนฺโน โหติ ฯ🤖 AI จับคู่
‘sabbe bhavā aniccā …pe… tadabhiññāya bhavānaṁyeva nibbidāya virāgāya nirodhāya paṭipanno hoti.
‘All states of existence are impermanent, suffering, and perishable.’ … They simply practice for disillusionment, dispassion, and cessation regarding future lives, having had insight into the truth of that.
ปุน จปรํ ปริพฺพาชกา พฺราหฺมโณ เอวมาห🤖 AI จับคู่
Puna caparaṁ, paribbājakā, brāhmaṇo evamāha:
Take another brahmin who says:
นาหํ
กฺวจินิ ๑- กสฺสจิ กิญฺจนตสฺมึ น จ มม กฺวจินิ ๑- กตฺถจิ กิญฺจินตฺถีติ🤖 AI จับคู่
‘nāhaṁ kvacani kassaci kiñcanatasmiṁ na ca mama kvacani katthaci kiñcanatatthī’ti.
‘I don’t belong to anyone anywhere. And nothing belongs to me anywhere.’
อิติ วทํ พฺราหฺมโณ สจฺจํ อาห โน มุสา🤖 AI จับคู่
Iti vadaṁ brāhmaṇo saccaṁ āha, no musā.
In speaking like this, a brahmin speaks the truth, not lies.
โส เตน น สมโณติ มญฺญติ
น พฺราหฺมโณติ มญฺญติ น เสยฺโยหมสฺมีติ มญฺญติ น สทิโสหมสฺมีติ
มญฺญติ น หีโนหมสฺมีติ มญฺญติ🤖 AI จับคู่
So tena na samaṇoti maññati, na brāhmaṇoti maññati, na seyyohamasmīti maññati, na sadisohamasmīti maññati, na hīnohamasmīti maññati.
But they don’t think of themselves as an ‘ascetic’ or ‘brahmin’ because of that. Nor do they think ‘I’m better’ or ‘I’m equal’ or ‘I’m worse’.
อปิจ ยเทว ตตฺถ สจฺจํ ตทภิญฺญาย
อากิญฺจญฺญํเยว ปฏิปทํ ปฏิปนฺโน โหติ ฯ🤖 AI จับคู่
Api ca yadeva tattha saccaṁ tadabhiññāya ākiñcaññaṁyeva paṭipadaṁ paṭipanno hoti.
Rather, they simply practice the path of nothingness, having had insight into the truth of that.
อิมานิ โข ปริพฺพาชกา
จตฺตาริ พฺราหฺมณสจฺจานิ มยา สยํ อภิญฺญา สจฺฉิกตฺวา ปเวทิตานีติ ฯ🤖 AI จับคู่
Imāni kho, paribbājakā, cattāri brāhmaṇasaccāni mayā sayaṁ abhiññā sacchikatvā paveditānī”ti.
These are the four truths of the brahmins that I declare, having realized them with my own insight.”