เอกํ สมยํ ภควา โกฬิเยสุ วิหรติ กกฺกรปตฺตํ
นาม โกฬิยานํ นิคโม ฯ🤖 AI จับคู่
Ekaṁ samayaṁ bhagavā koliyesu viharati kakkarapattaṁ nāma koliyānaṁ nigamo.
At one time the Buddha was staying in the land of the Koliyans, where they have a town named Kakkarapatta.
อ้างอิงฉัฏฐสังคายนา 39.110
อถโข ทีฆชาณุ โกฬิยปุตฺโต เยน
ภควา เตนุปสงฺกมิ อุปสงฺกมตฺวา ภควนฺตํ อภิวาเทตฺวา
เอกมนฺตํ นิสีทิ เอกมนฺตํ นิสินฺโน โข ทีฆชาณุ โกฬิยปุตฺโต
ภควนฺตํ เอตทโวจ🤖 AI จับคู่
Atha kho dīghajāṇu koliyaputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho dīghajāṇu koliyaputto bhagavantaṁ etadavoca:
Then Dīghajāṇu the Koliyan went up to the Buddha, bowed, sat down to one side, and said to the Buddha:
มยํ ภนฺเต คิหี กามโภคี ๑- ปุตฺตสมฺพาธสยนํ
อชฺฌาวสาม กาสิกจนฺทนํ ปจฺจนุโภม มาลาคนฺธวิเลปนํ
ธารยาม ชาตรูปรชตํ สาทิยาม🤖 AI จับคู่
“mayaṁ, bhante, gihī kāmabhogino puttasambādhasayanaṁ ajjhāvasāma, kāsikacandanaṁ paccanubhoma, mālāgandhavilepanaṁ dhārayāma, jātarūparajataṁ sādayāma.
“Sir, we are laypeople who enjoy sensual pleasures and living at home with our children. We use sandalwood imported from Kāsi, we wear garlands, fragrance, and makeup, and we accept gold and currency.
เตสํ โน ภนฺเต ภควา อมฺหากํ
ตถา ธมฺมํ เทเสตุ เย อมฺหากํ อสฺสุ ธมฺมา ทิฏฺฐธมฺมหิตาย
ทิฏฺฐธมฺมสุขาย สมฺปรายหิตาย สมฺปรายสุขายาติ ฯ🤖 AI จับคู่
Tesaṁ no, bhante, bhagavā amhākaṁ tathā dhammaṁ desetu ye amhākaṁ assu dhammā diṭṭhadhammahitāya diṭṭhadhammasukhāya, samparāyahitāya samparāyasukhāyā”ti.
May the Buddha please teach us the Dhamma in a way that leads to our welfare and happiness in this life and in future lives.”
จตฺตาโรเม พฺยคฺฆปชฺช ธมฺมา กุลปุตฺตสฺส
ทิฏฺฐธมฺมหิตาย สํวตฺตนฺติ ทิฏฺฐธมฺมสุขาย ฯ🤖 AI จับคู่
“Cattārome, byagghapajja, dhammā kulaputtassa diṭṭhadhammahitāya saṁvattanti diṭṭhadhammasukhāya.
“Byagghapajja, these four things lead to the welfare and happiness of a gentleman in this life.
อ้างอิงพุทธชยันตี 22.236
กตเม จตฺตาโร🤖 AI จับคู่
Katame cattāro?
What four?
อุฏฺฐานสมฺปทา อารกฺขสมฺปทา กลฺยาณมิตฺตตา สมชีวิตา ฯ🤖 AI จับคู่
Uṭṭhānasampadā, ārakkhasampadā, kalyāṇamittatā, samajīvitā.
Accomplishment in initiative, protection, good friendship, and balanced finances.
กตมา จ พฺยคฺฆปชฺช อุฏฺฐานสมฺปทา🤖 AI จับคู่
Katamā ca, byagghapajja, uṭṭhānasampadā?
And what is accomplishment in initiative?
อิธ พฺยคฺฆปชฺช
กุลปุตฺโต เยน กมฺมุฏฺฐาเนน ๑- ชีวิกํ กปฺเปติ🤖 AI จับคู่
Idha, byagghapajja, kulaputto yena kammaṭṭhānena jīvikaṁ kappeti—
It’s when a gentleman earns a living by means such as
ยทิ กสิยา ยทิ วณิชฺชาย
ยทิ โครกฺเขน ยทิ อิสฺสตฺเถน ยทิ ราชโปริเสน ยทิ สิปฺปญฺญตเรน🤖 AI จับคู่
yadi kasiyā, yadi vaṇijjāya, yadi gorakkhena, yadi issattena, yadi rājaporisena, yadi sippaññatarena—
farming, trade, raising cattle, archery, government service, or one of the professions.
ตตฺถ ทกฺโข โหติ อนลโส ตตฺรุปายาย วีมํสาย สมนฺนาคโต
อลํ กาตุํ อลํ สํวิธาตุํ🤖 AI จับคู่
tattha dakkho hoti analaso, tatrupāyāya vīmaṁsāya samannāgato, alaṁ kātuṁ alaṁ saṁvidhātuṁ.
He understands how to go about these things in order to complete and organize the work.
อยํ วุจฺจติ พฺยคฺฆปชฺช อุฏฺฐานสมฺปทา ฯ🤖 AI จับคู่
Ayaṁ vuccati, byagghapajja, uṭṭhānasampadā.
This is called accomplishment in initiative.
กตมา จ พฺยคฺฆปชฺช อารกฺขสมฺปทา🤖 AI จับคู่
Katamā ca, byagghapajja, ārakkhasampadā?
And what is accomplishment in protection?
อ้างอิงPTS 4.282
อิธ พฺยคฺฆปชฺช
กุลปุตฺตสฺส โภคา โหนฺติ อุฏฺฐานวิริยาธิคตา พาหาพลปริจิตา
เสทาวกฺขิตฺตา ธมฺมิกา ธมฺมลทฺธา🤖 AI จับคู่
Idha, byagghapajja, kulaputtassa bhogā honti uṭṭhānavīriyādhigatā bāhābalaparicitā, sedāvakkhittā, dhammikā dhammaladdhā.
It’s when a gentleman owns legitimate wealth that he has earned by his own efforts and initiative, built up with his own hands, gathered by the sweat of the brow.
เต อารกฺเขน คุตฺติยา สมฺปาเทติ🤖 AI จับคู่
Te ārakkhena guttiyā sampādeti:
He ensures it is guarded and protected, thinking:
กินฺติ เม อิเม โภเค เนว ราชาโน หเรยฺยุํ น โจรา หเรยฺยุํ น อคฺคิ
ฑเหยฺย น อุทกํ วเหยฺย น อปฺปิยา ทายาทา หเรยฺยุนฺติ🤖 AI จับคู่
‘kinti me ime bhoge neva rājāno hareyyuṁ, na corā hareyyuṁ, na aggi ḍaheyya, na udakaṁ vaheyya, na appiyā dāyādā hareyyun’ti.
‘How can I prevent my wealth from being taken by rulers or bandits, consumed by fire, swept away by flood, or taken by unloved heirs?’
อยํ
วุจฺจติ พฺยคฺฆปชฺช อารกฺขสมฺปทา ฯ🤖 AI จับคู่
Ayaṁ vuccati, byagghapajja, ārakkhasampadā.
This is called accomplishment in protection.
กตมา จ พฺยคฺฆปชฺช กลฺยาณมิตฺตตา🤖 AI จับคู่
Katamā ca, byagghapajja, kalyāṇamittatā?
And what is accomplishment in good friendship?
อิธ พฺยคฺฆปชฺช
กุลปุตฺโต ยสฺมึ คาเม วา นิคเม วา ปฏิวสติ ตตฺร เย เต โหนฺติ คหปติ
วา คหปติปุตฺตา วา ทหรา วา วุฑฺฒสีลิโน วุฑฺฒา วา วุฑฺฒสีลิโน
สทฺธาสมฺปนฺนา สีลสมฺปนฺนา จาคสมฺปนฺนา ปญฺญาสมฺปนฺนา
เตหิ สทฺธึ สนฺติฏฺฐติ สลฺลปติ สากจฺฉํ สมาปชฺชติ ยถารูปานํ
สทฺธาสมฺปนฺนานํ สทฺธาสมฺปทํ อนุสิกฺขติ ยถารูปานํ สีลสมฺปนฺนานํ
สีลสมฺปทํ อนุสิกฺขติ ยถารูปานํ จาคสมฺปนฺนานํ จาคสมฺปทํ
อนุสิกฺขติ ยถารูปานํ ปญฺญาสมฺปนฺนานํ ปญฺญาสมฺปทํ อนุสิกฺขติ🤖 AI จับคู่
Idha, byagghapajja, kulaputto yasmiṁ gāme vā nigame vā paṭivasati, tattha ye te honti—gahapatī vā gahapatiputtā vā daharā vā vuddhasīlino, vuddhā vā vuddhasīlino, saddhāsampannā, sīlasampannā, cāgasampannā, paññāsampannā—tehi saddhiṁ santiṭṭhati sallapati sākacchaṁ samāpajjati; yathārūpānaṁ saddhāsampannānaṁ saddhāsampadaṁ anusikkhati, yathārūpānaṁ sīlasampannānaṁ sīlasampadaṁ anusikkhati, yathārūpānaṁ cāgasampannānaṁ cāgasampadaṁ anusikkhati, yathārūpānaṁ paññāsampannānaṁ paññāsampadaṁ anusikkhati.
It’s when a gentleman resides in a town or village. And in that place there are householders or their children who may be young or old, but are mature in conduct, accomplished in faith, ethics, generosity, and wisdom. He associates with them, converses and engages in discussion. And he emulates the same kind of accomplishment in faith, ethics, generosity, and wisdom.
อยํ วุจฺจติ พฺยคฺฆปชฺช กลฺยาณมิตฺตตา ฯ🤖 AI จับคู่
Ayaṁ vuccati, byagghapajja, kalyāṇamittatā.
This is called accomplishment in good friendship.
กตมา จ พฺยคฺฆปชฺช สมชีวิตา🤖 AI จับคู่
Katamā ca, byagghapajja, samajīvitā?
And what is accomplishment in balanced finances?
อ้างอิงPTS 4.283 · ฉัฏฐสังคายนา 39.111 · พุทธชยันตี 22.238
อิธ พฺยคฺฆปชฺช กุลปุตฺโต
อายญฺจ โภคานํ วิทิตฺวา วยญฺจ โภคานํ วิทิตฺวา สมชีวิกํ กปฺเปติ
นาจฺโจคาฬฺหํ นาติหีนํ เอวํ เม อาโย วยํ ปริยาทาย ฐสฺสติ น
จ เม วโย อายํ ปริยาทาย ฐสฺสตีติ🤖 AI จับคู่
Idha, byagghapajja, kulaputto āyañca bhogānaṁ viditvā, vayañca bhogānaṁ viditvā, samaṁ jīvikaṁ kappeti nāccogāḷhaṁ nātihīnaṁ: ‘evaṁ me āyo vayaṁ pariyādāya ṭhassati, na ca me vayo āyaṁ pariyādāya ṭhassatī’ti.
It’s when a gentleman, knowing his income and expenditure, balances his finances, being neither too extravagant nor too frugal. He thinks, ‘In this way my income will exceed my expenditure, not the reverse.’
เสยฺยถาปิ พฺยคฺฆปชฺช
ตุลาธาโร วา ตุลาธารนฺเตวาสี วา ตุลํ ปคฺคเหตฺวา ชานาติ
เอตฺตเกน วา โอนตํ เอตฺตเกน วา อุนฺนตนฺติ🤖 AI จับคู่
Seyyathāpi, byagghapajja, tulādhāro vā tulādhārantevāsī vā tulaṁ paggahetvā jānāti: ‘ettakena vā onataṁ, ettakena vā unnatan’ti;
It’s like an appraiser or their apprentice who, holding up the scales, knows that it’s low by this much or high by this much.
เอวเมว โข พฺยคฺฆปชฺช
กุลปุตฺโต อายญฺจ โภคานํ วิทิตฺวา วยญฺจ โภคานํ วิทิตฺวา
สมชีวิกํ กปฺเปติ นาจฺโจคาฬฺหํ นาติหีนํ เอวํ เม อาโย วยํ
ปริยาทาย ฐสฺสติ น จ เม วโย อายํ ปริยาทาย ฐสฺสตีติ🤖 AI จับคู่
evamevaṁ kho, byagghapajja, kulaputto āyañca bhogānaṁ viditvā, vayañca bhogānaṁ viditvā, samaṁ jīvikaṁ kappeti nāccogāḷhaṁ nātihīnaṁ: ‘evaṁ me āyo vayaṁ pariyādāya ṭhassati, na ca me vayo āyaṁ pariyādāya ṭhassatī’ti.
In the same way, a gentleman, knowing his income and expenditure, balances his finances, being neither too extravagant nor too frugal. He thinks, ‘In this way my income will exceed my expenditure, not the reverse.’
สจายํ
พฺยคฺฆปชฺช กุลปุตฺโต อปฺปาโย สมาโน อุฬารํ ชีวิกํ กปฺเปติ ตสฺส
ภวนฺติ วตฺตาโร อุทุมฺพรขาทีวายํ ๑- กุลปุตฺโต โภเค ขาทตีติ🤖 AI จับคู่
Sacāyaṁ, byagghapajja, kulaputto appāyo samāno uḷāraṁ jīvikaṁ kappeti, tassa bhavanti vattāro: ‘udumbarakhādīvāyaṁ kulaputto bhoge khādatī’ti.
If a gentleman has little income but an opulent life, people will say: ‘This gentleman eats their wealth like a fig-eater!’
สเจ ปนายํ พฺยคฺฆปชฺช กุลปุตฺโต มหาโย สมาโน กสิรํ ชีวิกํ กปฺเปติ
ตสฺส ภวนฺติ วตฺตาโร อทฺธมารกญฺจายํ ๒- กุลปุตฺโต มริสฺสตีติ🤖 AI จับคู่
Sace panāyaṁ, byagghapajja, kulaputto mahāyo samāno kasiraṁ jīvikaṁ kappeti, tassa bhavanti vattāro: ‘ajeṭṭhamaraṇaṁvāyaṁ kulaputto marissatī’ti.
If a gentleman has a large income but a spartan life, people will say: ‘This gentleman is starving themselves to death!’
ยโต จ โขยํ พฺยคฺฆปชฺช กุลปุตฺโต อายญฺจ โภคานํ วิทิตฺวา
วยญฺจ โภคานํ วิทิตฺวา สมชีวิกํ กปฺเปติ นาจฺโจคาฬฺหํ นาติหีนํ
เอวํ เม อาโย วยํ ปริยาทาย ฐสฺสติ น จ เม วโย อายํ ปริยาทาย
ฐสฺสตีติ🤖 AI จับคู่
Yato ca khoyaṁ, byagghapajja, kulaputto āyañca bhogānaṁ viditvā, vayañca bhogānaṁ viditvā, samaṁ jīvikaṁ kappeti nāccogāḷhaṁ nātihīnaṁ: ‘evaṁ me āyo vayaṁ pariyādāya ṭhassati, na ca me vayo āyaṁ pariyādāya ṭhassatī’ti.
But a gentleman, knowing his income and expenditure, leads a balanced life, neither too extravagant nor too frugal, thinking, ‘In this way my income will exceed my expenditure, not the reverse.’
อยํ วุจฺจติ พฺยคฺฆปชฺช สมชีวิตา ฯ🤖 AI จับคู่
Ayaṁ vuccati, byagghapajja, samajīvitā.
This is called accomplishment in balanced finances.
เอวํ สมุปฺปนฺนานํ พฺยคฺฆปชฺช โภคานํ จตฺตาริ อปายมุขานิ
โหนฺติ🤖 AI จับคู่
Evaṁ samuppannānaṁ, byagghapajja, bhogānaṁ cattāri apāyamukhāni honti—
There are four drains on wealth that has been gathered in this way.
อิตฺถีธุตฺโต สุราธุตฺโต อกฺขธุตฺโต ปาปมิตฺโต ปาปสหาโย
ปาปสมฺปวงฺโก🤖 AI จับคู่
itthidhutto, surādhutto, akkhadhutto, pāpamitto pāpasahāyo pāpasampavaṅko.
Womanizing, drinking, gambling, and having bad friends, companions, and associates.
เสยฺยถาปิ พฺยคฺฆปชฺช มหโต ตฬากสฺส จตฺตาริ
@เชิงอรรถ: ๑ ม. อุทุมฺพรขาทิกญฺจายนฺตํปิ ปาโฐ ฯ เอวมุปริปิ ฯ ๒ สี. ยุ. อชทฺธุมาริกํ@วายํ ฯ ม. อเชฏฺฐมรณํวายํ ฯ
เจว อายมุขานิ จตฺตาริ จ อปายมุขานิ🤖 AI จับคู่
Seyyathāpi, byagghapajja, mahato taḷākassa cattāri ceva āyamukhāni, cattāri ca apāyamukhāni.
Suppose there was a large reservoir with four inlets and four drains.
ตสฺส ปุริโส ยานิ เจว
อายมุขานิ ตานิ ปิทเหยฺย ยานิ จ อปายมุขานิ ตานิ วิวเรยฺย🤖 AI จับคู่
Tassa puriso yāni ceva āyamukhāni tāni pidaheyya, yāni ca apāyamukhāni tāni vivareyya;
And someone was to open up the drains and close off the inlets,
เทโว จ น สมฺมา ธารํ อนุปฺปเวจฺเฉยฺย🤖 AI จับคู่
devo ca na sammā dhāraṁ anuppaveccheyya.
and the heavens don’t provide enough rain.
เอวญฺหิ ตสฺส พฺยคฺฆปชฺช
มหโต ตฬากสฺส ปริหานิเยว ปาฏิกงฺขา โน วุฑฺฒิ🤖 AI จับคู่
Evañhi tassa, byagghapajja, mahato taḷākassa parihāniyeva pāṭikaṅkhā, no vuddhi;
You’d expect that large reservoir to dwindle, not expand.
เอวเมว โข
พฺยคฺฆปชฺช เอวํ สมุปฺปนฺนานํ โภคานํ จตฺตาริ อปายมุขานิ โหนฺติ🤖 AI จับคู่
evamevaṁ, byagghapajja, evaṁ samuppannānaṁ bhogānaṁ cattāri apāyamukhāni honti—
In the same way, there are four drains on wealth that has been gathered in this way.
อิตฺถีธุตฺโต สุราธุตฺโต อกฺขธุตฺโต ปาปมิตฺโต ปาปสหาโย ปาปสมฺปวงฺโก ฯ🤖 AI จับคู่
itthidhutto, surādhutto, akkhadhutto, pāpamitto pāpasahāyo pāpasampavaṅko.
Womanizing, drinking, gambling, and having bad friends, companions, and associates.
เอวํ สมุปฺปนฺนานํ พฺยคฺฆปชฺช โภคานํ จตฺตาริ
อายมุขานิ โหนฺติ🤖 AI จับคู่
Evaṁ samuppannānaṁ, byagghapajja, bhogānaṁ cattāri āyamukhāni honti—
There are four inlets for wealth that has been gathered in this way.
อ้างอิงPTS 4.284 · ฉัฏฐสังคายนา 39.112 · พุทธชยันตี 22.240
นอิตฺถีธุตฺโต นสุราธุตฺโต นอกฺขธุตฺโต กลฺยาณมิตฺโต
กลฺยาณสหาโย กลฺยาณสมฺปวงฺโก🤖 AI จับคู่
na itthidhutto, na surādhutto, na akkhadhutto, kalyāṇamitto kalyāṇasahāyo kalyāṇasampavaṅko.
Not womanizing, drinking, or gambling, and having good friends, companions, and associates.
เสยฺยถาปิ พฺยคฺฆปชฺช มหโต
ตฬากสฺส จตฺตาริ เจว อายมุขานิ จตฺตาริ จ อปายมุขานิ🤖 AI จับคู่
Seyyathāpi, byagghapajja, mahato taḷākassa cattāri ceva āyamukhāni, cattāri ca apāyamukhāni.
Suppose there was a large reservoir with four inlets and four drains.
ตสฺส ปุริโส
ยานิ เจว อายมุขานิ ตานิ วิวเรยฺย ยานิ จ อปายมุขานิ ตานิ
ปิทเหยฺย🤖 AI จับคู่
Tassa puriso yāni ceva āyamukhāni tāni vivareyya, yāni ca apāyamukhāni tāni pidaheyya;
And someone was to open up the inlets and close off the drains,
เทโว จ สมฺมา ธารํ อนุปฺปเวจฺเฉยฺย🤖 AI จับคู่
devo ca sammā dhāraṁ anuppaveccheyya.
and the heavens provide plenty of rain.
เอวญฺหิ ตสฺส
พฺยคฺฆปชฺช มหโต ตฬากสฺส วุฑฺฒิเยว ปาฏิกงฺขา โน ปริหานิ🤖 AI จับคู่
Evañhi tassa, byagghapajja, mahato taḷākassa vuddhiyeva pāṭikaṅkhā, no parihāni;
You’d expect that large reservoir to expand, not dwindle.
เอวเมว โข พฺยคฺฆปชฺช เอวํ สมุปฺปนฺนานํ โภคานํ จตฺตาริ อายมุขานิ
โหนฺติ🤖 AI จับคู่
evamevaṁ kho, byagghapajja, evaṁ samuppannānaṁ bhogānaṁ cattāri āyamukhāni honti—
In the same way, there are four inlets for wealth that has been gathered in this way.
นอิตฺถีธุตฺโต นสุราธุตฺโต นอกฺขธุตฺโต กลฺยาณมิตฺโต
กลฺยาณสหาโย กลฺยาณสมฺปวงฺโก ฯ🤖 AI จับคู่
na itthidhutto, na surādhutto, na akkhadhutto, kalyāṇamitto kalyāṇasahāyo kalyāṇasampavaṅko.
Not womanizing, drinking, or gambling, and having good friends, companions, and associates.
อิเม โข พฺยคฺฆปชฺช
จตฺตาโร ธมฺมา กุลปุตฺตสฺส ทิฏฺฐธมฺมหิตาย สํวตฺตนฺติ
ทิฏฺฐธมฺมสุขาย ฯ🤖 AI จับคู่
Ime kho, byagghapajja, cattāro dhammā kulaputtassa diṭṭhadhammahitāya saṁvattanti diṭṭhadhammasukhāya.
These are the four things that lead to the welfare and happiness of a gentleman in this life.
จตฺตาโรเม พฺยคฺฆปชฺช ธมฺมา กุลปุตฺตสฺส สมฺปรายหิตาย
สํวตฺตนฺติ สมฺปรายสุขาย ฯ🤖 AI จับคู่
Cattārome, byagghapajja, dhammā kulaputtassa samparāyahitāya saṁvattanti samparāyasukhāya.
These four things lead to the welfare and happiness of a gentleman in future lives.
กตเม จตฺตาโร🤖 AI จับคู่
Katame cattāro?
What four?
สทฺธาสมฺปทา
สีลสมฺปทา จาคสมฺปทา ปญฺญาสมฺปทา ฯ🤖 AI จับคู่
Saddhāsampadā, sīlasampadā, cāgasampadā, paññāsampadā.
Accomplishment in faith, ethics, generosity, and wisdom.
กตมา จ พฺยคฺฆปชฺช สทฺธาสมฺปทา🤖 AI จับคู่
Katamā ca, byagghapajja, saddhāsampadā?
And what is accomplishment in faith?
อิธ พฺยคฺฆปชฺช
กุลปุตฺโต สทฺโธ โหติ สทฺทหติ ตถาคตสฺส โพธึ🤖 AI จับคู่
Idha, byagghapajja, kulaputto saddho hoti, saddahati tathāgatassa bodhiṁ:
It’s when a gentleman has faith in the Realized One’s awakening:
อิติปิ โส ภควา ฯเปฯ
สตฺถา เทวมนุสฺสานํ พุทฺโธ ภควาติ🤖 AI จับคู่
‘itipi so bhagavā …pe… satthā devamanussānaṁ buddho bhagavā’ti.
‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’
อยํ วุจฺจติ พฺยคฺฆปชฺช
สทฺธาสมฺปทา ฯ🤖 AI จับคู่
Ayaṁ vuccati, byagghapajja, saddhāsampadā.
This is called accomplishment in faith.
กตมา จ พฺยคฺฆปชฺช สีลสมฺปทา🤖 AI จับคู่
Katamā ca, byagghapajja, sīlasampadā?
And what is accomplishment in ethics?
อิธ พฺยคฺฆปชฺช
กุลปุตฺโต ปาณาติปาตา ปฏิวิรโต โหติ ฯเปฯ สุราเมรยมชฺชปมาทฏฺฐานา
ปฏิวิรโต โหติ🤖 AI จับคู่
Idha, byagghapajja, kulaputto pāṇātipātā paṭivirato hoti …pe… surāmerayamajjapamādaṭṭhānā paṭivirato hoti.
It’s when a gentleman doesn’t kill living creatures, steal, commit sexual misconduct, lie, or consume intoxicants of beer, wine, and liquor.
อยํ วุจฺจติ พฺยคฺฆปชฺช สีลสมฺปทา ฯ🤖 AI จับคู่
Ayaṁ vuccati, byagghapajja, sīlasampadā.
This is called accomplishment in ethics.
กตมา จ พฺยคฺฆปชฺช จาคสมฺปทา🤖 AI จับคู่
Katamā ca, byagghapajja, cāgasampadā?
And what is accomplishment in generosity?
อิธ พฺยคฺฆปชฺช
กุลปุตฺโต วิคตมลมจฺเฉเรน เจตสา อคารํ อชฺฌาวสติ มุตฺตจาโค
ปยตปาณิ โวสฺสคฺครโต ยาจโยโค ทานสํวิภาครโต🤖 AI จับคู่
Idha, byagghapajja, kulaputto vigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato.
It’s when a gentleman lives at home rid of the stain of stinginess, freely generous, open-handed, loving to let go, committed to charity, loving to give and to share.
อยํ วุจฺจติ
พฺยคฺฆปชฺช จาคสมฺปทา ฯ🤖 AI จับคู่
Ayaṁ vuccati, byagghapajja, cāgasampadā.
This is called accomplishment in generosity.
กตมา จ พฺยคฺฆปชฺช ปญฺญาสมฺปทา🤖 AI จับคู่
Katamā ca, byagghapajja, paññāsampadā?
And what is accomplishment in wisdom?
อ้างอิงPTS 4.285 · พุทธชยันตี 22.242
อิธ พฺยคฺฆปชฺช
กุลปุตฺโต ปญฺญวา โหติ อุทยตฺถคามินิยา ปญฺญาย สมนฺนาคโต
อริยาย นิพฺเพธิกาย สมฺมาทุกฺขกฺขยคามินิยา🤖 AI จับคู่
Idha, byagghapajja, kulaputto paññavā hoti, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.
It’s when a gentleman is wise. He has the wisdom of arising and passing away which is noble, penetrative, and leads to the complete ending of suffering.
อยํ วุจฺจติ พฺยคฺฆปชฺช
ปญฺญาสมฺปทา ฯ🤖 AI จับคู่
Ayaṁ vuccati, byagghapajja, paññāsampadā.
This is called accomplishment in wisdom.
อิเม โข พฺยคฺฆปชฺช จตฺตาโร ธมฺมา
กุลปุตฺตสฺส สมฺปรายหิตาย สํวตฺตนฺติ สมฺปรายสุขายาติ ฯ🤖 AI จับคู่
Ime kho, byagghapajja, cattāro dhammā kulaputtassa samparāyahitāya saṁvattanti samparāyasukhāyāti.
These are the four things that lead to the welfare and happiness of a gentleman in future lives.
อุฏฺฐาตา กมฺมเธยฺเยสุ🤖 AI จับคู่
Uṭṭhātā kammadheyyesu,
They’re enterprising in the workplace,
อปฺปมตฺโต วิธานวา🤖 AI จับคู่
appamatto vidhānavā;
diligent in managing things,
สมํ กปฺเปติ ชีวิตํ🤖 AI จับคู่
Samaṁ kappeti jīvikaṁ,
they balance their finances,
สมฺภตํ อนุรกฺขติ🤖 AI จับคู่
sambhataṁ anurakkhati.
and preserve their wealth.
สทฺโธ สีเลน สมฺปนฺโน🤖 AI จับคู่
Saddho sīlena sampanno,
Faithful, accomplished in ethics,
วทญฺญู วีตมจฺฉโร🤖 AI จับคู่
vadaññū vītamaccharo;
bountiful, rid of stinginess,
นิจฺจํ มคฺคํ วิโสเธติ🤖 AI จับคู่
Niccaṁ maggaṁ visodheti,
they always purify the path
โสตฺถานํ สมฺปรายิกํ🤖 AI จับคู่
sotthānaṁ samparāyikaṁ.
to well-being in lives to come.
อิจฺเจเต อฏฺฐ ธมฺมา จ🤖 AI จับคู่
Iccete aṭṭha dhammā ca,
And so these eight qualities
อ้างอิงฉัฏฐสังคายนา 39.113
สทฺธสฺส ฆรเมสิโน🤖 AI จับคู่
saddhassa gharamesino;
of a faithful householder of discernment
อกฺขาตา สจฺจนาเมน🤖 AI จับคู่
Akkhātā saccanāmena,
are declared by the one who is truly named
อุภยตฺถ สุขาวหา🤖 AI จับคู่
ubhayattha sukhāvahā.
to lead to happiness in both spheres,
ทิฏฺฐธมฺมหิตตฺถาย🤖 AI จับคู่
Diṭṭhadhammahitatthāya,
welfare and benefit in this life,
สมฺปรายสุขาย จ🤖 AI จับคู่
samparāyasukhāya ca;
and happiness in the future lives.
เอวเมตํ คหฏฺฐานํ🤖 AI จับคู่
Evametaṁ gahaṭṭhānaṁ,
This is how, for a householder,
จาโค ปุญฺญํ ปวฑฺฒตีติ ฯ🤖 AI จับคู่
cāgo puññaṁ pavaḍḍhatī”ti.
merit grows by generosity.”