ยมิมํ นทึ ปสฺสสิ สีฆโสตํ✎ ร่าง
“Yamimaṁ nadiṁ passasi sīghasotaṁ,
อ้างอิงสยามรัฐ 27.440 · ฉัฏฐสังคายนา 68.250
นานาทุมจฺฉาทน เสลกูลํ✎ ร่าง
Nānādumacchādanaṁ selakūlaṁ;
ตํ เม ปิโย อุตฺตริ วสฺสกาเล✎ ร่าง
Taṁ me piyo uttari vassakāle,
มมญฺจ มญฺเญ อนุพนฺธตีติ ฯ✎ ร่าง
Mamañca maññaṁ anubandhatīti.
อหญฺจ องฺโกลกโมจินามิ✎ ร่าง
Ahañca aṅkolakamocināmi,
อธิมุตฺตกํ สตฺตลิโยธิกญฺจ✎ ร่าง
Atimuttakaṁ sattaliyothikañca;
ปิโย จ เม เหหิติ มาลภารี✎ ร่าง
‘Piyo ca me hehiti mālabhārī,
อหญฺจ นํ มาลินิ ๑- อชฺฌุเปสฺสํ ฯ✎ ร่าง
Ahañca naṁ mālinī ajjhupessaṁ’.
อหญฺจิทํ กุรวกํ โอจินามิ✎ ร่าง
Ahañcidaṁ kuravakamocināmi,
อุทฺทาลกา ปาตลิ สินฺธุวาริตา✎ ร่าง
Uddālakā pāṭalisindhuvārakā;
ปิโย จ เม เหหิติ มาลภารี✎ ร่าง
‘Piyo ca me hehiti mālabhārī,
อหญฺจ นํ มาลินิ อชฺฌุเปสฺสํ ฯ✎ ร่าง
Ahañca naṁ mālinī ajjhupessaṁ’.
อหญฺจ สาลสฺส สุปุปฺผิตสฺส✎ ร่าง
Ahañca sālassa supupphitassa,
โอเจยฺย ปุปฺผานิ กโรมิ มาลํ✎ ร่าง
Oceyya pupphāni karomi mālaṁ;
ปิโย จ เม เหหิติ มาลภารี✎ ร่าง
‘Piyo ca me hehiti mālabhārī,
อหญฺจ นํ มาลินิ อชฺฌุเปสฺสํ ฯ✎ ร่าง
Ahañca naṁ mālinī ajjhupessaṁ’.
อหญฺจ สาลสฺส สุปุปฺผิตสฺส✎ ร่าง
Ahañca sālassa supupphitassa,
อ้างอิงพุทธชยันตี 31.46
โอเจยฺย ปุปฺผานิ กโรมิ ภารํ✎ ร่าง
Oceyya pupphāni karomi bhāraṁ;
อิทญฺจ โน เหหิติ สนฺถรตฺถํ✎ ร่าง
Idañca no hehiti santharatthaṁ,
ยตฺถชฺชิมํ ๓- วิหริสฺสาม ๔- รตฺตึ ฯ✎ ร่าง
Yatthajjimaṁ viharissāma rattiṁ.
อหญฺจ โข อคฺคลุ ๕- จนฺทนญฺจ✎ ร่าง
Ahañca kho agaḷuṁ candanañca,
อ้างอิงสยามรัฐ 27.441
สิลาย ปึสามิ ปมตฺตรูปา✎ ร่าง
Silāya piṁsāmi pamattarūpā;
ปิโย จ เม เหหิติ โรสิตงฺโค✎ ร่าง
‘Piyo ca me hehiti rositaṅgo,
อหญฺจ นํ โรสิตา อชฺฌุเปสฺสํ✎ ร่าง
Ahañca naṁ rositā ajjhupessaṁ’.
อถาคมา สลิลํ สีฆโสตํ✎ ร่าง
Athāgamā salilaṁ sīghasotaṁ,
อ้างอิงPTS 4.441
นุทํ สาเล สลเล กณฺณิกาเร✎ ร่าง
Nudaṁ sāle salaḷe kaṇṇikāre;
อาปูรเถ ๑- เตน มุหุตฺตเกน✎ ร่าง
Āpūratha tena muhuttakena,
สายํ นที อาสิ มยา สุทุตฺตรา ฯ✎ ร่าง
Sāyaṁ nadī āsi mayā suduttarā.
อุโภสุ ตีเรสุ มยํ ตทา ฐิตา✎ ร่าง
Ubhosu tīresu mayaṁ tadā ṭhitā,
สมฺปสฺสนฺตา อุภโย อญฺญมญฺญํ✎ ร่าง
Sampassantā ubhayo aññamaññaṁ;
สกึปิ โรทาม สกึ หสาม✎ ร่าง
Sakimpi rodāma sakiṁ hasāma,
กิจฺเฉน โน อคมา สมฺพรี สา ฯ✎ ร่าง
Kicchena no āgamā saṁvarī sā.
ปาโต จ โข อุคฺคเต สุริยมฺหิ✎ ร่าง
Pātova kho uggate sūriyamhi,
จตุกฺกํ นทึ อุตฺตริยาน ลุทฺท✎ ร่าง
Catukkaṁ nadiṁ uttariyāna ludda;
อาลิงฺคิยา อญฺญมญฺญํ มยํ อุโภ✎ ร่าง
Āliṅgiyā aññamaññaṁ mayaṁ ubho,
สกึปิ โรทาม สกึ หสาม ฯ✎ ร่าง
Sakimpi rodāma sakiṁ hasāma.
ตีหูนกํ สตฺต สตานิ ลุทฺท✎ ร่าง
Tīhūnakaṁ sattasatāni ludda,
ยมิธ มยํ วิปฺปวสิมฺห ปุพฺเพ✎ ร่าง
Yamidha mayaṁ vippavasimha pubbe;
วสฺเสกิมํ ๒- ชีวิตํ ภูมิปาล✎ ร่าง
Vassekimaṁ jīvitaṁ bhūmipāla,
โกนีธ กนฺตาย วินา วเสยฺย ฯ✎ ร่าง
Ko nīdha kantāya vinā vaseyya”.