สา สุตฺตจา นีลทุมาภิลมฺพิตา✎ ร่าง
Sā suttacā nīladumābhilambitā,
อ้างอิงPTS 5.407 · สยามรัฐ 28.102
วิชฺชุมหาเมฆริวานุปชฺชถ✎ ร่าง
Vijju mahāmegharivānupajjatha;
ตสฺสา สุสมฺพนฺธสิรํ กุสามยํ✎ ร่าง
Tassā susambandhasiraṁ kusāmayaṁ,
สุจึ สุคนฺธํ อชินูปเสวิตํ✎ ร่าง
Suciṁ sugandhaṁ ajinūpasevitaṁ;
อตฺริจฺฉโกจฺฉํ ๑- หิริเมตทพฺรวิ✎ ร่าง
Atricca kocchaṁ hirimetadabravi,
นิสีท กลฺยาณิ สุขยิทมาสนํ ฯ✎ ร่าง
“Nisīda kalyāṇi sukhayidamāsanaṁ”.
ตสฺสา ตทา โกจฺฉคตาย โกสิโย✎ ร่าง
Tassā tadā kocchagatāya kosiyo,
อ้างอิงพุทธชยันตี 31.374
ยทิจฺฉมานาย ชฏาชุตินฺธโร✎ ร่าง
Yadicchamānāya jaṭājinandharo;
นเวหิ ปตฺเตหิ สยํ สหูทกํ✎ ร่าง
Navehi pattehi sayaṁ sahūdakaṁ,
สุธาภิหาสี ตุริโต มหามุนิ ฯ✎ ร่าง
Sudhābhihāsī turito mahāmuni.
สา ตํ ปฏิคฺคยฺห อุโภหิ ปาณิภิ✎ ร่าง
Sā taṁ paṭiggayha ubhohi pāṇibhi,
อิจฺจาพฺรวี อตฺตมนา ชฏาธรํ✎ ร่าง
Iccabravi attamanā jaṭādharaṁ;
หนฺทาหํ เอตรหิ ปูชิตา ตยา✎ ร่าง
“Handāhaṁ etarahi pūjitā tayā,
คจฺเฉยฺยํ พฺรหฺเม ติทิวํ ชิตาวินี ฯ✎ ร่าง
Gaccheyyaṁ brahme tidivaṁ jitāvinī”.
สา โกสิเยนานุมตา ชุตีมตา✎ ร่าง
Sā kosiyenānumatā jutīmatā,
อุทีริตา วณฺณมเทน มตฺตา✎ ร่าง
Udīritā vaṇṇamadena mattā;
สกาเส คนฺตฺวาน สหสฺสจกฺขุโน✎ ร่าง
Sakāse gantvāna sahassacakkhuno,
อยํ สุธา วาสว เทหิ เม ชยํ ฯ✎ ร่าง
“Ayaṁ sudhā vāsava dehi me jayaṁ”.
ตเมนํ สกฺโกปิ ตทา อปูชยิ✎ ร่าง
Tamena sakkopi tadā apūjayi,
สหินฺทเทวา ๓- สุรกญฺญมุตฺตมํ✎ ร่าง
Sahindadevā surakaññamuttamaṁ;
สา ปญฺชลี เทวมนุสฺสปูชิตา✎ ร่าง
Sā pañjalī devamanussapūjitā,
นวมฺหิ โกจฺฉมฺหิ ยทา อุปาวิสิ ฯ✎ ร่าง
Navamhi kocchamhi yadā upāvisi.