—
Nigguṇḍipupphiyattheraapadāna
ยทา เทโว เทวกายา✎ ร่าง
“Yadā devo devakāyā,
อ้างอิงPTS 1.262
จวติ อายุสงฺขยา✎ ร่าง
cavate āyusaṅkhayā;
ตโย สทฺทา นิจฺฉรนฺติ✎ ร่าง
Tayo saddā niccharanti,
เทวานํ อนุโมทตํ ฯ✎ ร่าง
devānaṁ anumodataṁ.
อิโต โภ สุคตึ คจฺฉ✎ ร่าง
‘Ito bho sugatiṁ gaccha,
มนุสฺสานํ สหพฺยตํ✎ ร่าง
manussānaṁ sahabyataṁ;
มนุสฺสภูโต สทฺธมฺเม✎ ร่าง
Manussabhūto saddhamme,
ลภ สทฺธํ อนุตฺตรํ ฯ✎ ร่าง
labha saddhaṁ anuttaraṁ.
สา เต สทฺธา นิวิฏฺฐสฺส✎ ร่าง
Sā te saddhā niviṭṭhāssa,
อ้างอิงฉัฏฐสังคายนา 57.282
มูลชาตา ปติฏฺฐิตา✎ ร่าง
mūlajātā patiṭṭhitā;
ยาวชีวํ อสํหิรา✎ ร่าง
Yāvajīvaṁ asaṁhīrā,
สทฺธมฺเม สุปเวทิเต ฯ✎ ร่าง
saddhamme suppavedite.
กาเยน กุสลํ กตฺวา✎ ร่าง
Kāyena kusalaṁ katvā,
วาจาย กุสลํ พหุํ✎ ร่าง
vācāya kusalaṁ bahuṁ;
มนสา กุสลํ กตฺวา✎ ร่าง
Manasā kusalaṁ katvā,
อพฺยาปชฺฌํ นิรูปธึ ฯ✎ ร่าง
abyāpajjaṁ nirūpadhiṁ.
ตโต โอปธิกํ ปุญฺญํ✎ ร่าง
Tato opadhikaṁ puññaṁ,
อ้างอิงสยามรัฐ 32.403
กตฺวา ทาเนน ตํ พหุํ✎ ร่าง
katvā dānena taṁ bahuṁ;
อญฺเญ ๑- ปวเร สทฺธมฺเม✎ ร่าง
Aññepi macce saddhamme,
พฺรหฺมจริเย นิเวสย ฯ✎ ร่าง
brahmacariye nivesaya’.
อิมาย อนุกมฺปาย✎ ร่าง
Imāya anukampāya,
เทวเทวํ ยถา วิทู✎ ร่าง
devādevaṁ yadā vidū;
จวนฺตํ อนุโมทนฺติ✎ ร่าง
Cavantaṁ anumodanti,
เอหิ เทว ปุนปฺปุนํ ฯ✎ ร่าง
ehi deva punappunaṁ.
สํวิคฺโคหํ ๒- ตทา อาสึ✎ ร่าง
‘Saṁvego me tadā āsi,
เทวสงฺเฆ สมาคเต✎ ร่าง
devasaṅghe samāgate;
กํสุ นาม อหํ โยนึ✎ ร่าง
Kaṁsu nāma ahaṁ yoniṁ,
คมิสฺสามิ อิโต จุโต ฯ✎ ร่าง
gamissāmi ito cuto’.
มม สํเวคมญฺญาย✎ ร่าง
Mama saṁvegamaññāya,
สมโณ ภาวิตินฺทฺริโย✎ ร่าง
samaṇo bhāvitindriyo;
มมุทฺธริตุกาโม โส✎ ร่าง
Mamuddharitukāmo so,
อาคจฺฉิ มม สนฺติกํ ฯ✎ ร่าง
āgacchi mama santikaṁ.
สุมโน นาม นาเมน✎ ร่าง
Sumano nāma nāmena,
ปทุมุตฺตรสาวโก✎ ร่าง
padumuttarasāvako;
อตฺถธมฺมานุสาสิตฺวา✎ ร่าง
Atthadhammānusāsitvā,
สํเวเชสิ มมนฺตทา ฯ✎ ร่าง
saṁvejesi mamaṁ tadā.
ทฺวาทสมํ ภาณวารํ ฯ✎ ร่าง
Dvādasamaṁ bhāṇavāraṁ.
ตสฺสาหํ วจนํ สุตฺวา✎ ร่าง
Tassāhaṁ vacanaṁ sutvā,
พุทฺเธ จิตฺตํ ปสาทยึ ฯ✎ ร่าง
buddhe cittaṁ pasādayiṁ;
ตํ ธีรํ ๓- อภิวาเทตฺวา✎ ร่าง
Taṁ dhīraṁ abhivādetvā,
ตตฺถ กาลํ กโต อหํ ฯ✎ ร่าง
tattha kālaṅkato ahaṁ.
อุปปชฺชึ ๔- ส ตตฺเถว✎ ร่าง
Upapajjiṁ sa tattheva,
อ้างอิงพุทธชยันตี 36.468
สุกฺกมูเลน โจทิโต✎ ร่าง
sukkamūlena codito;
วสนฺโต มาตุกุจฺฉิมฺหิ✎ ร่าง
Vasanto mātukucchimhi,
ปุน ธาเรตุ มาตุยา ฯ✎ ร่าง
puna dhāreti mātuyā.
ตมฺหา กายา จวิตฺวาน✎ ร่าง
Tamhā kāyā cavitvāna,
ติทเส อุปปชฺชหํ✎ ร่าง
tidase upapajjahaṁ;
เอตฺถนฺตเร น ปสฺสามิ✎ ร่าง
Etthantare na passāmi,
โทมนสฺสํ อหํ ตทา ฯ✎ ร่าง
domanassamahaṁ tadā.
ตาวตึสา จวิตฺวาน✎ ร่าง
Tāvatiṁsā cavitvāna,
อ้างอิงPTS 1.263
มาตุกุจฺฉึ สโมกฺกมึ✎ ร่าง
mātukucchiṁ samokkamiṁ;
นิกฺขมิตฺวาน กิจฺฉิมฺหา✎ ร่าง
Nikkhamitvāna kucchimhā,
กิญฺจิ ๕- ทุกฺขํ อชานิหํ ฯ✎ ร่าง
kaṇhasukkaṁ ajānahaṁ.
ชาติยา สตฺตวสฺเสน✎ ร่าง
Jātiyā sattavassova,
อ้างอิงสยามรัฐ 32.404
อารามํ ปาวิสึ อหํ✎ ร่าง
ārāmaṁ pāvisiṁ ahaṁ;
โคตมสฺส ภควโต✎ ร่าง
Gotamassa bhagavato,
สกฺยปุตฺตสฺส ตาทิโน ฯ✎ ร่าง
sakyaputtassa tādino.
วิตฺถาริเก ปาวจเน✎ ร่าง
Vitthārike pāvacane,
พาหุชญฺญมฺหิ สาสเน✎ ร่าง
bāhujaññamhi sāsane;
อทฺทสํ สาสนํ กาเร✎ ร่าง
Addasaṁ sāsanakare,
ภิกฺขโว ตตฺถ สตฺถุโน ฯ✎ ร่าง
bhikkhavo tattha satthuno.
สาวตฺถิ นาม นครํ✎ ร่าง
Sāvatthi nāma nagaraṁ,
อ้างอิงฉัฏฐสังคายนา 57.283
ราชา ตตฺถาสิ โกสโล✎ ร่าง
rājā tatthāsi kosalo;
รเถน นาคยุตฺเตน✎ ร่าง
Rathena nāgayuttena,
อุเปสิ โพธิมุตฺตมํ ฯ✎ ร่าง
upesi bodhimuttamaṁ.
ตสฺสาหํ นาคํ ทิสฺวาน✎ ร่าง
Tassāhaṁ nāgaṁ disvāna,
ปุพฺพกมฺมํ อนุสฺสรึ✎ ร่าง
pubbakammaṁ anussariṁ;
อญฺชลึ ปคฺคเหตฺวาน✎ ร่าง
Añjaliṁ paggahetvāna,
สมยํ อคมาสหํ ฯ✎ ร่าง
samayaṁ agamāsahaṁ.
ชาติยา สตฺตวสฺโสว✎ ร่าง
Jātiyā sattavassova,
ปพฺพชึ อนคาริยํ✎ ร่าง
pabbajiṁ anagāriyaṁ;
โย โส พุทฺธํ อุปฏฺฐาสิ✎ ร่าง
Yo so buddhaṁ upaṭṭhāsi,
อานนฺโท นาม สาวโก ฯ✎ ร่าง
ānando nāma sāvako.
คติมา ธิติมา เจว✎ ร่าง
Gatimā dhitimā ceva,
สติมา จ พหุสฺสุโต✎ ร่าง
satimā ca bahussuto;
รญฺโญ จิตฺตํ ปสาเทนฺโต✎ ร่าง
Rañño cittaṁ pasādento,
นิยฺยาเทสิ มหาชุติ ฯ✎ ร่าง
niyyādesi mahājuti.
ตสฺสาหํ ธมฺมํ สุตฺวาน✎ ร่าง
Tassāhaṁ dhammaṁ sutvāna,
ปุพฺพกมฺมํ อนุสฺสรึ✎ ร่าง
pubbakammaṁ anussariṁ;
ตตฺเถว ฐิตโก สนฺโต✎ ร่าง
Tattheva ṭhitako santo,
อรหตฺตํ อปาปุณึ ฯ✎ ร่าง
arahattamapāpuṇiṁ.
เอกํสํ จีวรํ กตฺวา✎ ร่าง
Ekaṁsaṁ cīvaraṁ katvā,
สิเร กตฺวาน อญฺชลึ✎ ร่าง
sire katvāna añjaliṁ;
สมฺพุทฺธํ อภิวาเทตฺวา✎ ร่าง
Sambuddhaṁ abhivādetvā,
อิมํ วาจํ อุทีรยึ ฯ✎ ร่าง
imaṁ vācaṁ udīrayiṁ.
ปทุมุตฺตรพุทฺธสฺส✎ ร่าง
‘Padumuttarabuddhassa,
ทิปทินฺทสฺส ตาทิโน✎ ร่าง
dvipadindassa satthuno;
นิคุณฺฑิปุปฺผํ ปคฺคยฺห✎ ร่าง
Nigguṇḍipupphaṁ paggayha,
สีหาสเน ฐเปสหํ ฯ✎ ร่าง
sīhāsane ṭhapesahaṁ.
เตน กมฺเมน ทิปทินฺท✎ ร่าง
Tena kammena dvipadinda,
โลกเชฏฺฐ นราสภ✎ ร่าง
lokajeṭṭha narāsabha;
ปตฺโตมฺหิ อจลํ ฐานํ✎ ร่าง
Pattomhi acalaṁ ṭhānaṁ,
หิตฺวา ชยปราชยํ ฯ✎ ร่าง
hitvā jayaparājayaṁ’.
ปญฺจวีสสหสฺสมฺหิ✎ ร่าง
Pañcavīsasahassamhi,
อ้างอิงสยามรัฐ 32.405 · พุทธชยันตี 36.470
กปฺปานํ มนุชาธิปา✎ ร่าง
kappānaṁ manujādhipā;
อพฺพุทนิรพฺพุทานิ✎ ร่าง
Abbudanirabbudāni,
อฏฺฐฏฺฐาสึสุ ขตฺติยา ฯ✎ ร่าง
aṭṭhaṭṭhāsiṁsu khattiyā.
ปฏิสมฺภิทา จตสฺโส วิโมกฺขา✎ ร่าง
Paṭisambhidā catasso,
ปิจ อฏฺฐิเม
ฉฬภิญฺญา สจฺฉิกตา✎ ร่าง
…pe…
กตํ พุทฺธสฺส สาสนนฺติ ฯ✎ ร่าง
kataṁ buddhassa sāsanaṁ”.
อิตฺถํ สุทํ อายสฺมา นิคฺคุณฺฑิปุปฺผิโย เถโร อิมา คาถาโย
อภาสิตฺถาติ ฯ✎ ร่าง
Itthaṁ sudaṁ āyasmā nigguṇḍipupphiyo thero imā gāthāyo abhāsitthāti.
นิคฺคุณฺฑิปุปฺผิยตฺเถรสฺส อปทานํ สมตฺตํ ฯ
อฏฺฐมํ สุมนาเวฬิยตฺ✎ ร่าง
Nigguṇḍipupphiyattherassāpadānaṁ sattamaṁ.
เถราปทานํ✎ ร่าง
Therāpadāna