สุเมโธ นาม สมฺพุทฺโธ ทฺวตฺตึสวรลกฺขโณ✎ ร่าง
bāttiṁsavaralakkhaṇo;
วิเวกกาโม สมฺพุทฺโธ✎ ร่าง
Vivekakāmo sambuddho,
หิมวนฺตํ อุปาคมิ ฯ✎ ร่าง
himavantamupāgamiṁ.
อชฺโฌคเหตฺวา หิมวนฺตํ✎ ร่าง
Ajjhogayha himavantaṁ,
อคฺโค การุณิโก มุนิ✎ ร่าง
aggo kāruṇiko muni;
ปลฺลงฺกํ อาภุชิตฺวาน✎ ร่าง
Pallaṅkamābhujitvāna,
นิสีทิ ปุริสุตฺตโม ฯ✎ ร่าง
nisīdi purisuttamo.
วิชฺชาธโร ตทา อาสึ✎ ร่าง
Vijjādharo tadā āsiṁ,
อนฺตลิกฺขจโร อหํ✎ ร่าง
antalikkhacaro ahaṁ;
ติสุลํ สุกตํ คยฺห✎ ร่าง
Tisūlaṁ sukataṁ gayha,
คจฺฉามิ อมฺพเร ตทา ฯ✎ ร่าง
gacchāmi ambare tadā.
ปพฺพตคฺเค ยถา อคฺคิ✎ ร่าง
Pabbatagge yathā aggi,
ปุณฺณมาเยว จนฺทิมา✎ ร่าง
puṇṇamāyeva candimā;
วเน โอภาสเต พุทฺโธ✎ ร่าง
Vane obhāsate buddho,
สาลราชาว ผุลฺลิโต ฯ✎ ร่าง
sālarājāva phullito.
วนโต ๑- นิกฺขมิตฺวาน✎ ร่าง
Vanaggā nikkhamitvāna,
อ้างอิงPTS 2.442
พุทฺธรํสาภิธาวเร✎ ร่าง
buddharaṁsībhidhāvare;
นฬคฺคิวณฺณสงฺกาสา✎ ร่าง
Naḷaggivaṇṇasaṅkāsā,
ทิสฺวา จิตฺตํ ปสาทยึ ฯ✎ ร่าง
disvā cittaṁ pasādayiṁ.
วิจินํ อทฺทสํ ปุปฺผํ✎ ร่าง
Vicinaṁ addasaṁ pupphaṁ,
กณิการํ เทวคนฺธิกํ✎ ร่าง
kaṇikāraṁ devagandhikaṁ;
ตีณิ ปุปฺผานิ อาทาย✎ ร่าง
Tīṇi pupphāni ādāya,
พุทฺธเสฏฺฐํ อปูชยึ ฯ✎ ร่าง
buddhaseṭṭhamapūjayiṁ.
พุทฺธสฺส อานุภาเวน✎ ร่าง
Buddhassa ānubhāvena,
ตีณิ ปุปฺผานิ เม ตทา✎ ร่าง
tīṇi pupphāni me tadā;
อุทฺธํวณฺฏา อโธปตฺตา✎ ร่าง
Uddhaṁvaṇṭā adhopattā,
ฉายํ กุพฺพนฺติ สตฺถุโน ฯ✎ ร่าง
chāyaṁ kubbanti satthuno.
เตน กมฺเมน สุกเตน✎ ร่าง
Tena kammena sukatena,
เจตนาปณิธีหิ จ✎ ร่าง
cetanāpaṇidhīhi ca;
ชหิตฺวา มานุสํ เทหํ✎ ร่าง
Jahitvā mānusaṁ dehaṁ,
ตาวตึสํ อคจฺฉหํ ฯ✎ ร่าง
tāvatiṁsamagacchahaṁ.
ตตฺถ เม สุกตํ พฺยมฺหํ✎ ร่าง
Tattha me sukataṁ byamhaṁ,
อ้างอิงสยามรัฐ 33.140 · พุทธชยันตี 37.1.240
กณิการีติ ญายติ✎ ร่าง
kaṇikārīti ñāyati;
สฏฺฐิโยชนมุพฺพิทฺธํ✎ ร่าง
Saṭṭhiyojanamubbedhaṁ,
ตึสโยชนวิตฺถตํ ฯ✎ ร่าง
tiṁsayojanavitthataṁ.
สหสฺสกณฺฑํ ๑- สตฺตเคณฺฑุ✎ ร่าง
Sahassakaṇḍaṁ satabheṇḍu,
ธชาลุ หริตามโย✎ ร่าง
dhajāluharitāmayaṁ;
สตสหสฺสนิยฺยูหา✎ ร่าง
Satasahassaniyyūhā,
พฺยเมฺห ปาตุภวึสุ เม ฯ✎ ร่าง
byamhe pātubhaviṁsu me.
โสณฺณมยา มณิมยา✎ ร่าง
Soṇṇamayā maṇimayā,
โลหิตงฺกมยาปิจ✎ ร่าง
lohitaṅgamayāpi ca;
ผลิกาปิจ ปลฺลงฺกา✎ ร่าง
Phalikāpi ca pallaṅkā,
เยนิจฺฉกา ยถิจฺฉกํ ฯ✎ ร่าง
yenicchakā yadicchakā.
มหารหญฺจ สยนํ✎ ร่าง
Mahārahañca sayanaṁ,
อ้างอิงฉัฏฐสังคายนา 58.84
ตุลิกํ ๓- วิกติสฺสกํ✎ ร่าง
tūlikāvikatīyutaṁ;
อุทฺธโลมิกเอกนฺตํ✎ ร่าง
Uddhalomikaekantaṁ,
พิพฺโพหนสมายุตํ ฯ✎ ร่าง
bibbohanasamāyutaṁ.
ภวนา นิกฺขมิตฺวาน✎ ร่าง
Bhavanā nikkhamitvāna,
จรนฺโต เทวจาริกํ✎ ร่าง
caranto devacārikaṁ;
ยทา อิจฺฉามิ คมนํ✎ ร่าง
Yadā icchāmi gamanaṁ,
เทวสงฺฆปุรกฺขโต ฯ✎ ร่าง
devasaṅghapurakkhato.
ปุปฺผสฺส เหฏฺฐา ติฏฺฐามิ✎ ร่าง
Pupphassa heṭṭhā tiṭṭhāmi,
อุปริ ฉทนํ มม✎ ร่าง
uparicchadanaṁ mama;
สมนฺตา โยชนสตํ✎ ร่าง
Samantā yojanasataṁ,
กณิกาเรหิ ฉาทิตํ ฯ✎ ร่าง
kaṇikārehi chāditaṁ.
สฏฺฐี ตุริยสหสฺสานิ✎ ร่าง
Saṭṭhituriyasahassāni,
สายํ ปาตํ อุปฏฺฐหุํ✎ ร่าง
sāyaṁ pātamupaṭṭhahuṁ;
ปริวาเรนฺติ มํ นิจฺจํ✎ ร่าง
Parivārenti maṁ niccaṁ,
รตฺตินฺทิวมตนฺทิตา ฯ✎ ร่าง
rattindivamatanditā.
ตตฺถ นจฺเจหิ คีเตหิ✎ ร่าง
Tattha naccehi gītehi,
ตาเฬหิ วาทิเตหิ จ✎ ร่าง
tāḷehi vāditehi ca;
รมามิ ขิฑฺฑารติยา✎ ร่าง
Ramāmi khiḍḍāratiyā,
โมทามิ กามกามิหํ ฯ✎ ร่าง
modāmi kāmakāmihaṁ.
ตตฺถ ภุตฺวา ปิวิตฺวา จ✎ ร่าง
Tattha bhutvā pivitvā ca,
โมทามิ ติทเส ตทา✎ ร่าง
modāmi tidase tadā;
นารีคเณหิ สหิโต✎ ร่าง
Nārīgaṇehi sahito,
โมทามิ พฺยมฺหมุตฺตเม ฯ✎ ร่าง
modāmi byamhamuttame.
สตานํ ปญฺจกฺขตฺตุญฺจ✎ ร่าง
Satānaṁ pañcakkhattuñca,
อ้างอิงสยามรัฐ 33.141
เทวรชฺชมการยึ✎ ร่าง
devarajjamakārayiṁ;
สตานํ ตีณิกฺขตฺตุญฺจ✎ ร่าง
Satānaṁ tīṇikkhattuñca,
จกฺกวตฺติ อโหสหํ ฯ✎ ร่าง
cakkavattī ahosahaṁ;
ปเทสรชฺชํ วิปุลํ✎ ร่าง
Padesarajjaṁ vipulaṁ,
คณนาโต สงฺขยํ✎ ร่าง
gaṇanāto asaṅkhiyaṁ.
ภวาภเว สํสรนฺโต✎ ร่าง
Bhavābhave saṁsaranto,
มหาโภคํ ๑- ลภามหํ ฯ✎ ร่าง
mahābhogaṁ labhāmahaṁ;
โภเค เม อูนตา นตฺถิ✎ ร่าง
Bhoge me ūnatā natthi,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
ทุเว ภเว สํสรามิ✎ ร่าง
Duve bhave saṁsarāmi,
อ้างอิงPTS 2.443
เทวตฺเต อถ มานุเส ฯ✎ ร่าง
devatte atha mānuse;
อญฺญํ คตึ น ชานามิ✎ ร่าง
Aññaṁ gatiṁ na jānāmi,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
ทุเว กุเล ปชายามิ✎ ร่าง
Duve kule pajāyāmi,
ขตฺติเย จาปิ พฺราหฺมเณ ฯ✎ ร่าง
khattiye cāpi brāhmaṇe;
นีเจ กุเล น ชายามิ✎ ร่าง
Nīce kule na jāyāmi,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
หตฺถิยานํ อสฺสยานํ✎ ร่าง
Hatthiyānaṁ assayānaṁ,
อ้างอิงพุทธชยันตี 37.1.242
สิวิกํ สนฺทมานิกํ ฯ✎ ร่าง
sivikaṁ sandamānikaṁ;
ลภามิ สพฺพเมเวตํ✎ ร่าง
Labhāmi sabbamevetaṁ,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
ทาสีคณํ ทาสคณํ✎ ร่าง
Dāsīgaṇaṁ dāsagaṇaṁ,
นาริโย สมลงฺกตา ฯ✎ ร่าง
nāriyo samalaṅkatā;
ลภามิ สพฺพเมเวตํ✎ ร่าง
Labhāmi sabbamevetaṁ,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
โกเสยฺยกมฺพลิยานิ✎ ร่าง
Koseyyakambaliyāni,
โขมกปฺปาสิกานิ จ ฯ✎ ร่าง
khomakappāsikāni ca;
ลภามิ สพฺพเมเวตํ✎ ร่าง
Labhāmi sabbamevetaṁ,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
นววตฺถํ นวผลํ✎ ร่าง
Navavatthaṁ navaphalaṁ,
อ้างอิงฉัฏฐสังคายนา 58.85
นวคฺครสโภชนํ ฯ✎ ร่าง
navaggarasabhojanaṁ;
ลภามิ สพฺพเมเวตํ✎ ร่าง
Labhāmi sabbamevetaṁ,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
อิเม ๓- ขาท อิเม ๓- ภุญฺช✎ ร่าง
Imaṁ khāda imaṁ bhuñja,
อิมมฺหิ สยเน สย ฯ✎ ร่าง
imamhi sayane saya;
ลภามิ สพฺพเมเวตํ✎ ร่าง
Labhāmi sabbamevetaṁ,
พุทฺธปูชายิทํ ผลํ✎ ร่าง
buddhapūjāyidaṁ phalaṁ.
สพฺพตฺถ ปูชิโต โหมิ✎ ร่าง
Sabbattha pūjito homi,
ยโส อจฺจุคฺคโต ๔- มม ฯ✎ ร่าง
yaso abbhuggato mama;
มเหสกฺโข ๕- สทา โหมิ✎ ร่าง
Mahāpakkho sadā homi,
อเภชฺชปริโส สทา✎ ร่าง
abhejjapariso sadā;
ญาตีนํ อุตฺตโม โหมิ✎ ร่าง
Ñātīnaṁ uttamo homi,
พุทฺธปูชายิทํ ผลํ ฯ✎ ร่าง
buddhapūjāyidaṁ phalaṁ.
สีตํ อุณฺหํ น ชานามิ✎ ร่าง
Sītaṁ uṇhaṁ na jānāmi,
อ้างอิงสยามรัฐ 33.142
ปริฬาโห น วิชฺชติ✎ ร่าง
pariḷāho na vijjati;
อโถ เจตสิกํ ทุกฺขํ✎ ร่าง
Atho cetasikaṁ dukkhaṁ,
หทเย เม น วิชฺชติ ฯ✎ ร่าง
hadaye me na vijjati.
สุวณฺณวณฺโณ หุตฺวาน✎ ร่าง
Suvaṇṇavaṇṇo hutvāna,
สํสรามิ ภวาภเว✎ ร่าง
saṁsarāmi bhavābhave;
เววณฺณิยํ ๑- น ชานามิ✎ ร่าง
Vevaṇṇiyaṁ na jānāmi,
พุทฺธปูชายิทํ ผลํ ฯ✎ ร่าง
buddhapūjāyidaṁ phalaṁ.
เทวโลกา จวิตฺวาน✎ ร่าง
Devalokā cavitvāna,
สุกฺกมูเลน โจทิโต✎ ร่าง
sukkamūlena codito;
สาวตฺถิยํ ปุเร ชาโต✎ ร่าง
Sāvatthiyaṁ pure jāto,
มหาสาเล สุอทฺธเก ฯ✎ ร่าง
mahāsāle suaḍḍhake.
ปญฺจกามคุเณ หิตฺวา✎ ร่าง
Pañca kāmaguṇe hitvā,
ปพฺพชึ อนคาริยํ✎ ร่าง
pabbajiṁ anagāriyaṁ;
ชาติยา สตฺตวสฺโสหํ✎ ร่าง
Jātiyā sattavassohaṁ,
อรหตฺตํ อปาปุณึ ฯ✎ ร่าง
arahattamapāpuṇiṁ.
อุปสมฺปาทยิ พุทฺโธ✎ ร่าง
Upasampādayī buddho,
คุณมญฺญาย จกฺขุมา✎ ร่าง
guṇamaññāya cakkhumā;
ตรุโณ ปูชนีโยหํ✎ ร่าง
Taruṇo pūjanīyohaṁ,
พุทฺธปูชายิทํ ผลํ ฯ✎ ร่าง
buddhapūjāyidaṁ phalaṁ.
ทิพฺพจกฺขุํ วิสุทฺธํ เม✎ ร่าง
Dibbacakkhu visuddhaṁ me,
สมาธิกุสโล อหํ✎ ร่าง
samādhikusalo ahaṁ;
อภิญฺญาปารมิปฺปตฺโต✎ ร่าง
Abhiññāpāramippatto,
พุทฺธปูชายิทํ ผลํ ฯ✎ ร่าง
buddhapūjāyidaṁ phalaṁ.
ปฏิสมฺภิทา อนุปฺปตฺโต✎ ร่าง
Paṭisambhidā anuppatto,
อิทฺธิปาเทสุ โกวิโท
สทฺ✎ ร่าง
iddhipādesu kovido;
ธมฺเม ๒- ปารมิปฺปตฺโต✎ ร่าง
Dhammesu pāramippatto,
พุทฺธปูชายิทํ ผลํ ฯ✎ ร่าง
buddhapūjāyidaṁ phalaṁ.
ตึสกปฺปสหสฺสมฺหิ✎ ร่าง
Tiṁsakappasahassamhi,
อ้างอิงPTS 2.444
ยํ พุทฺธมภิปูชยึ✎ ร่าง
yaṁ buddhamabhipūjayiṁ;
ทุคฺคตึ นาภิชานามิ✎ ร่าง
Duggatiṁ nābhijānāmi,
พุทฺธปูชายิทํ ผลํ ฯ✎ ร่าง
buddhapūjāyidaṁ phalaṁ.
กิเลสา ฌาปิตา มยฺหํ✎ ร่าง
Kilesā jhāpitā mayhaṁ,
ภวา สพฺเพ สมูหตา✎ ร่าง
bhavā sabbe samūhatā;
นาโคว พนฺธนํ เฉตฺวา✎ ร่าง
Nāgova bandhanaṁ chetvā,
วิหรามิ อนาสโว ฯ✎ ร่าง
viharāmi anāsavo.
สฺวาคตํ วต เม อาสิ✎ ร่าง
Svāgataṁ vata me āsi,
มม พุทฺธสฺส สนฺติเก✎ ร่าง
mama buddhassa santike;
ติสฺโส วิชฺชา อนุปฺปตฺตา✎ ร่าง
Tisso vijjā anuppattā,
กตํ พุทฺธสฺส สาสนํ ฯ✎ ร่าง
kataṁ buddhassa sāsanaṁ.
ปฏิสมฺภิทา จตสฺโส✎ ร่าง
Paṭisambhidā catasso,
อ้างอิงสยามรัฐ 33.143 · ฉัฏฐสังคายนา 58.86 · พุทธชยันตี 37.1.244
วิโมกฺขาปิจ อฏฺฐิเม✎ ร่าง
vimokkhāpi ca aṭṭhime;
ฉฬภิญฺญา สจฺฉิกตา✎ ร่าง
Chaḷabhiññā sacchikatā,
กตํ พุทฺธสฺส สาสนนฺติ ฯ✎ ร่าง
kataṁ buddhassa sāsanaṁ”.
อิตฺถํ สุทํ อายสฺมา ตีณิกณิการปุปฺผิโย เถโร อิมา คาถาโย อภาสิตฺถาติ ฯ✎ ร่าง
Itthaṁ sudaṁ āyasmā tikaṇikārapupphiyo thero imā gāthāyo abhāsitthāti.
ตีณิกณิการปุปฺผิยตฺเถรสฺส อปทานํ สมตฺตํ ฯ
ทุติยํ เอกปตฺตทายกตฺ✎ ร่าง
Tikaṇikārapupphiyattherassāpadānaṁ paṭhamaṁ.
เถราปทานํ✎ ร่าง
Therāpadāna