—
Pabhaṅkarattheraapadāna
ปทุมุตฺตรภควโต✎ ร่าง
“Padumuttarabhagavato,
โลกเชฏฺฐสฺส ตาทิโน✎ ร่าง
lokajeṭṭhassa tādino;
ปวเน ๓- เจติยํ อาสิ✎ ร่าง
Vipine cetiyaṁ āsi,
วาฬมิคสมากุเล ฯ✎ ร่าง
vāḷamigasamākule.
น โกจิ วิสหิ คนฺตุํ✎ ร่าง
Na koci visahi gantuṁ,
อ้างอิงสยามรัฐ 32.418
เจติยํ อภิวนฺทิตุํ✎ ร่าง
cetiyaṁ abhivandituṁ;
ติณกฏฺฐลโตนทฺธํ✎ ร่าง
Tiṇakaṭṭhalatonaddhaṁ,
ปลุคฺคํ อาสิ เจติยํ ฯ✎ ร่าง
paluggaṁ āsi cetiyaṁ.
วนกมฺมิโก ตทา อาสึ✎ ร่าง
Vanakammiko tadā āsiṁ,
ปิตาเปตามเหนหํ✎ ร่าง
pitumātumatenahaṁ;
อทฺทสํ ปวเน ถูปํ✎ ร่าง
Addasaṁ vipine thūpaṁ,
ลุคฺคํ ติณลตากุลํ ฯ✎ ร่าง
luggaṁ tiṇalatākulaṁ.
ทิสฺวานาหํ พุทฺธถูปํ✎ ร่าง
Disvānāhaṁ buddhathūpaṁ,
ครุจิตฺตํ อุปฏฺฐหึ✎ ร่าง
garucittaṁ upaṭṭhahiṁ;
พุทฺธเสฏฺฐสฺส ถูโปยํ✎ ร่าง
Buddhaseṭṭhassa thūpoyaṁ,
ปลุคฺโค อจฺฉติ วเน ฯ✎ ร่าง
paluggo acchatī vane.
นจฺฉนฺนํ นปฺปฏิรูปํ✎ ร่าง
Nacchannaṁ nappatirūpaṁ,
ชานนฺตสฺส คุณาคุณํ✎ ร่าง
jānantassa guṇāguṇaṁ;
พุทฺธถูปํ อโสเธตฺวา✎ ร่าง
Buddhathūpaṁ asodhetvā,
อญฺญํ กมฺมํ ปโยชเย ฯ✎ ร่าง
aññaṁ kammaṁ payojaye.
ติณกฏฺฐญฺจ วลฺลิญฺจ✎ ร่าง
Tiṇakaṭṭhañca valliñca,
โสธยิตฺวาน เจติเย✎ ร่าง
sodhayitvāna cetiye;
วนฺทิตฺวา อฏฺฐ วารานิ✎ ร่าง
Vanditvā aṭṭha vārāni,
ปฏิกุฏิโก อคจฺฉหํ ฯ✎ ร่าง
paṭikuṭiko agacchahaṁ.
เตน กมฺเมน สุกเตน✎ ร่าง
Tena kammena sukatena,
อ้างอิงฉัฏฐสังคายนา 57.293 · พุทธชยันตี 36.486
เจตนาปณิธีหิ จ✎ ร่าง
cetanāpaṇidhīhi ca;
ชหิตฺวา มานุสํ เทหํ✎ ร่าง
Jahitvā mānusaṁ dehaṁ,
ตาวตึสํ อคญฺฉหํ ฯ✎ ร่าง
tāvatiṁsamagacchahaṁ.
ตตฺถ เม สุกตํ พฺยมฺหํ✎ ร่าง
Tattha me sukataṁ byamhaṁ,
โสวณฺณํ สปฺปภสฺสรํ✎ ร่าง
sovaṇṇaṁ sapabhassaraṁ;
สฏฺฐิโยชนมุพฺพิทฺธํ✎ ร่าง
Saṭṭhiyojanamubbiddhaṁ,
ตึสโยชนวิตฺถตํ ฯ✎ ร่าง
tiṁsayojanavitthataṁ.
ติสตานิ จ วารานิ✎ ร่าง
Tisatāni ca vārāni,
เทวรชฺชมการยึ✎ ร่าง
devarajjamakārayiṁ;
ปญฺจวีสติกฺขตฺตุญฺจ✎ ร่าง
Pañcavīsatikkhattuñca,
จกฺกวตฺติ อโหสหํ ฯ✎ ร่าง
cakkavattī ahosahaṁ.
ภวาภเว สํสรนฺโต✎ ร่าง
Bhavābhave saṁsaranto,
มหาโภคํ ลภามหํ✎ ร่าง
mahābhogaṁ labhāmahaṁ;
โภเค เม อูนตา นตฺถิ✎ ร่าง
Bhoge me ūnatā natthi,
โสธนาย อิทํ ผลํ ฯ✎ ร่าง
sodhanāya idaṁ phalaṁ.
สิวิยา ๒- หตฺถิขนฺเธน✎ ร่าง
Sivikā hatthikhandhena,
อ้างอิงPTS 1.270
ปวเน คจฺฉโต มม✎ ร่าง
vipine gacchato mama;
ยํ ยํ ทิสาหํ คจฺฉามิ✎ ร่าง
Yaṁ yaṁ disāhaṁ gacchāmi,
สรณํ สมฺปชฺชเต ๔- วนํ ฯ✎ ร่าง
saraṇaṁ sampate vanaṁ.
ขาณุํ วา กณฺฏกํ วาปิ✎ ร่าง
Khāṇuṁ vā kaṇṭakaṁ vāpi,
อ้างอิงสยามรัฐ 32.419
นาหํ ปสฺสามิ จกฺขุนา✎ ร่าง
nāhaṁ passāmi cakkhunā;
ปุญฺญกมฺเมน สํยุตฺโต✎ ร่าง
Puññakammena saṁyutto,
สยเมวาปนียเร ฯ✎ ร่าง
sayamevāpanīyare.
กุฏฺฐํ คณฺโฑ กิลาโส จ✎ ร่าง
Kuṭṭhaṁ gaṇḍo kilāso ca,
อปมาโร วิตจฺฉิกา✎ ร่าง
apamāro vitacchikā;
ททฺทุ กณฺฑุ จ เม นตฺถิ✎ ร่าง
Daddu kacchu ca me natthi,
โสธนาย อิทํ ผลํ ฯ✎ ร่าง
sodhanāya idaṁ phalaṁ.
อญฺญํปิ เม อจฺฉริยํ✎ ร่าง
Aññampi me acchariyaṁ,
พุทฺธถูปมฺหิ ๑- โสธิเต✎ ร่าง
buddhathūpassa sodhane;
นาภิชานามิ เม กาเย✎ ร่าง
Nābhijānāmi me kāye,
ชาตํ ปิฬกพินฺทุกํ ฯ✎ ร่าง
jātaṁ piḷakabindukaṁ.
อญฺญํปิ เม อจฺฉริยํ✎ ร่าง
Aññampi me acchariyaṁ,
พุทฺธถูปมฺหิ โสธิเต✎ ร่าง
buddhathūpamhi sodhite;
ทุเว ภเว สํสรามิ✎ ร่าง
Duve bhave saṁsarāmi,
เทวตฺเต อถ มานุเส ฯ✎ ร่าง
devatte atha mānuse.
อญฺญํปิ เม อจฺฉริยํ✎ ร่าง
Aññampi me acchariyaṁ,
พุทฺธถูปมฺหิ โสธิเต✎ ร่าง
buddhathūpamhi sodhite;
สุวณฺณวณฺโณ สพฺพตฺถ✎ ร่าง
Suvaṇṇavaṇṇo sabbattha,
สปฺปภาโส ภวามหํ ฯ✎ ร่าง
sappabhāso bhavāmahaṁ.
อญฺญํปิ เม อจฺฉริยํ✎ ร่าง
Aññampi me acchariyaṁ,
พุทฺธถูปมฺหิ โสธิเต✎ ร่าง
buddhathūpamhi sodhite;
อมนาปํ วิวชฺเชติ✎ ร่าง
Amanāpaṁ vivajjati,
มนาปํ อุปติฏฺฐติ ฯ✎ ร่าง
manāpaṁ upatiṭṭhati.
อญฺญํปิ เม อจฺฉริยํ✎ ร่าง
Aññampi me acchariyaṁ,
พุทฺธถูปมฺหิ โสธิเต✎ ร่าง
buddhathūpamhi sodhite;
วิสุทฺธํ โหติ เม จิตฺตํ✎ ร่าง
Visuddhaṁ hoti me cittaṁ,
เอกคฺคํ สุสมาหิตํ ฯ✎ ร่าง
ekaggaṁ susamāhitaṁ.
อญฺญํปิ เม อจฺฉริยํ✎ ร่าง
Aññampi me acchariyaṁ,
พุทฺธถูปมฺหิ โสธิเต✎ ร่าง
buddhathūpamhi sodhite;
เอกาสเน นิสีทิตฺวา✎ ร่าง
Ekāsane nisīditvā,
อรหตฺตํ อปาปุณึ ฯ✎ ร่าง
arahattamapāpuṇiṁ.
สตสหสฺเส อิโต กปฺเป✎ ร่าง
Satasahassito kappe,
ยํ กมฺมมกรึ ตทา✎ ร่าง
yaṁ kammamakariṁ tadā;
ทุคฺคตึ นาภิชานามิ✎ ร่าง
Duggatiṁ nābhijānāmi,
โสธนาย อิทํ ผลํ ฯ✎ ร่าง
sodhanāya idaṁ phalaṁ.
ปฏิสมฺภิทา จตสฺโส วิโมกฺขา✎ ร่าง
Paṭisambhidā catasso,
อ้างอิงฉัฏฐสังคายนา 57.294
ปิจ อฏฺฐิเม
ฉฬภิญฺญา สจฺฉิกตา✎ ร่าง
…pe…
กตํ พุทฺธสฺส สาสนนฺติ ฯ✎ ร่าง
kataṁ buddhassa sāsanaṁ”.
อิตฺถํ สุทํ อายสฺมา ปภงฺกโร เถโร อิมา คาถาโย
อภาสิตฺถาติ ฯ✎ ร่าง
Itthaṁ sudaṁ āyasmā pabhaṅkaro thero imā gāthāyo abhāsitthāti.
อ้างอิงสยามรัฐ 32.420
ปภงฺกรตฺเถรสฺส อปทานํ สมตฺตํ ฯ
สตฺตมํ ติณกุฏิทายกตฺ✎ ร่าง
Pabhaṅkarattherassāpadānaṁ chaṭṭhaṁ.
เถราปทานํ✎ ร่าง
Therāpadāna